રાજસ્થાનમાં એક 9 વર્ષની બાળકીનું એક કલાકમાં બે વાર હાર્ટ એટેક આવ્યા બાદ મૃત્યુ થયું. ચોથા ધોરણની વિદ્યાર્થિનીને શાળામાં પહેલો હુમલો આવ્યો હતો. તેને આરોગ્ય કેન્દ્રમાં લઈ જવામાં આવી હતી. ત્યાં તેને બીજો હુમલો આવ્યો હતો. ડોક્ટરોએ તેને ઈન્જેક્શન આપ્યા પછી તેને રેફર કરી હતી. હોસ્પિટલ લઈ જતા રસ્તામાં તેનું મૃત્યુ થયું.
ઈન્ડિયન એક્સપ્રેસના અહેવાલ મુજબ, રાજસ્થાનના સીકરના દાંતામાં આદર્શ વિદ્યા મંદિરમાં અભ્યાસ કરતી ધોરણ 4 ની વિદ્યાર્થિની પ્રાચી કુમાવતનું હૃદયરોગના હુમલાથી મૃત્યુ થયું. શાળાના મુખ્ય શિક્ષક નંદ કિશોરે જણાવ્યું હતું કે આ ઘટના મંગળવારે સવારે 11 વાગ્યાની આસપાસ બની હતી. હાર્ટ એટેક પછી છોકરીનો લંચ બોક્સ નીચે પડી ગયો અને તે બેહોશ થઈ ગઈ. તે સમયે અમે બધા શાળા પરિસરમાં હતા. અમે તરત જ તેને આરોગ્ય કેન્દ્રમાં લઈ ગયા.
તેમણે કહ્યું કે શાળામાં વિદ્યાર્થીઓ બેહોશ થઈ જાય તે કોઈ નવી વાત નથી. સામાન્ય રીતે બાળકો પાણી પીધા પછી સ્વસ્થ થઈ જાય છે. જોકે પ્રાચીની સ્થિતિ અલગ હતી. તેથી અમે તેને શાળાથી લગભગ 500 મીટર દૂર આવેલા કોમ્યુનિટી હેલ્થ સેન્ટર (CHC) લઈ ગયા. ત્યાં ડૉક્ટરે તેની સંભાળ રાખી. શરૂઆતમાં તે ઠીક જણાતી હતી.
તેમણે કહ્યું કે સીએસસી સ્ટાફે તેણીને સીકરની એક હોસ્પિટલમાં રિફર કરી અને સરકારી એમ્બ્યુલન્સમાં મૂકી. તેમણે કહ્યું કે આ સમય દરમિયાન તેણીને ફરીથી હાર્ટ એટેક આવ્યો. આ વખતે ડોક્ટરોએ તેણીને ઇન્જેક્શન આપ્યા અને શક્ય તેટલું બધું કર્યું. ત્યારબાદ એમ્બ્યુલન્સ રવાના થઈ. અમને ખબર નથી કે તે હોસ્પિટલ પહોંચી કે નહીં. એમ્બ્યુલન્સ બપોરે લગભગ 12:15 વાગ્યે રવાના થઈ અને લગભગ 1:30 વાગ્યે અમને ખબર પડી કે તેણીનું મૃત્યુ થયું છે.
આ પણ વાંચો: સલમાન ખાને વેચી દીધો પોતાનો બાંદ્રા વાળો એપાર્ટમેન્ટ, જાણો કેટલા કરોડમાં સોદો થયો
તેમણે કહ્યું કે તે એક સ્માર્ટ, ખુશખુશાલ અને જીવંત છોકરી હતી. અમે તેને ઠપકો આપતા ત્યારે પણ તે હસતી રહેતી હતી. દાંતા CHC ખાતે પોસ્ટ કરાયેલા ડો. આર.કે. જાંગીડે કહ્યું કે પ્રથમ દ્રષ્ટિએ છોકરીને હાર્ટ એટેક આવ્યો હતો. તેણીને શાળામાં અચાનક હાર્ટ એટેક આવ્યો હતો.
તેમણે કહ્યું કે પોસ્ટમોર્ટમ હજુ સુધી કરવામાં આવ્યું નથી પરંતુ CHC ડોકટરોએ તારણ કાઢ્યું કે તે હાર્ટ એટેક હતો અને તેઓએ તેના માટે પગલાં લીધા. આનાથી તેની સ્થિતિમાં થોડા સમય માટે સુધારો થયો. તેમણે આગળ કહ્યું, “અમે તેને ઓક્સિજન આપ્યું અને કાર્ડિયાક રિસુસિટેશન કર્યું. ત્યારબાદ અમે તેમને સીકરની શ્રી કલ્યાણ (સરકારી) હોસ્પિટલમાં રિફર કર્યા, પરંતુ હોસ્પિટલ પહોંચતા પહેલા જ તેમનું મૃત્યુ થયું.
