આ બાળકનો જન્મ એક વાર નહીં પણ બે વાર થયો, ડોક્ટરોએ કર્યો ચમત્કાર, જાણો કારણ

સામાન્ય માનવી કે કોઈપણ પ્રાણીનું બાળક ફક્ત એક જ વાર જન્મે છે. એકવાર તે આ દુનિયામાં આવે છે એટલે એક જ વાર આવે છે પરંતુ તબીબી વિજ્ઞાનની પ્રગતિએ માનવ બાળકને બે વાર જન્મ લેવાનું સૌભાગ્ય આપ્યું છે. હા, બે વાર… આ કારનામું યુકેમાં બન્યું છે. તે કેવી રીતે થયું… ચાલો તમને જણાવીએ.

હકીકતમાં, ઓક્સફર્ડમાં શિક્ષિકા તરીકે કામ કરતી લ્યુસી આઇઝેકને ગર્ભાવસ્થા દરમિયાન કરવામાં આવેલા અલ્ટ્રાસાઉન્ડ દ્વારા અંડાશયના કેન્સર વિશે જાણવા મળ્યું. જ્યારે ડૉક્ટરને પૂછવામાં આવ્યું કે શું બાળકના જન્મ પછી આની સારવાર કરી શકાય છે ત્યારે ડૉક્ટરનો જવાબ ના હતો. તેમનું માનવું હતું કે આનાથી કેન્સર ફેલાવાનું જોખમ વધી શકે છે.

માતા અને બાળક બંનેના જીવ માટેનું જોખમ જોઈને લ્યુસી અને તેના પતિએ ગર્ભાવસ્થા દરમિયાન જ સારવાર લેવાનું નક્કી કર્યું. ઓક્ટોબરમાં લ્યુસી જ્યારે 20 અઠવાડિયાની ગર્ભવતી હતી ત્યારે તેનું પાંચ કલાકનું ઓપરેશન થયું. આ ઓપરેશન દરમિયાન તેના ગર્ભાશય, જેમાં તેનો પુત્ર રેફર્ટી હતો તેને તેના શરીરમાંથી કાઢી અને અલગ રાખવામાં આવ્યો.

આ પણ વાંચો: સૌરમંડળની બહાર જીવનના મજબૂત સંકેતો મળ્યા, આ બાહ્યગ્રહ પૃથ્વીથી 8.5 ઘણો મોટા

ડેઇલી મેઇલના અહેવાલ મુજબ કેન્સરની સારવાર બાદ ગર્ભાશયને લ્યુસીની અંદર પાછું મૂકવામાં આવ્યું હતું. જાન્યુઆરીના અંતમાં જ્યારે રેફર્ટીનો જન્મ થયો ત્યારે તે સંપૂર્ણપણે સ્વસ્થ હતો. હવે લ્યુસી કેન્સરના જોખમથી પણ સંપૂર્ણપણે મુક્ત છે. લ્યુસી પોતાના અને પોતાના બાળકના જીવ બચાવવા બદલ ડૉ. સુલેમાની મજદનો આભાર માનવા માટે તેમની હોસ્પિટલમાં ગઈ. ડૉક્ટરે આ અનુભવને દુર્લભ અને ભાવનાત્મક ગણાવ્યો, જેમાં તેમને બાળક સાથે જોડાણની લાગણી થઈ.

રિપોર્ટ મુજબ, લ્યુસીનું ટ્યૂમર ખૂબ જ સંવેદનશીલ સ્થિતિમાં હતું તેથી તે ડૉ. મજદ માટે ખૂબ જ મહત્વપૂર્ણ કેસ બની ગયો. જોકે ડૉ. મજદ અને તેમની ટીમે ખૂબ જ બુદ્ધિપૂર્વક અને અનુભવી રીતે ઓપરેશન પૂર્ણ કર્યું. રાફર્ટીનો જન્મ લ્યુસીના પરિવાર માટે ખૂબ જ ભાવનાત્મક હતો. કારણ કે તેની માતાના જીવને જોખમ હોવાની સાથે, તેના પિતા આદમે પણ થોડા વર્ષો પહેલા કિડની ટ્રાન્સપ્લાન્ટ કરાવ્યું હતું.