દેશની ત્રણેય સેનાઓ થશે વધુ મજબૂત, રક્ષા મંત્રાલયે 79,000 કરોડ રુપિયાના રક્ષા ખરીદી પ્રસ્તાવોને મંજૂરી આપી

Indian Army : કેન્દ્રીય રક્ષા મંત્રી રાજનાથ સિંહની અધ્યક્ષતામાં સોમવારે ડિફેન્સ એક્વિઝિશન કાઉન્સિલની બેઠકમાં ત્રણેય સેનાઓ સાથે સંબંધિત 79,000 કરોડ રૂપિયાની સંરક્ષણ ખરીદી દરખાસ્તોને એક્સેપ્ટન્સ ઓફ નેસેસિટી (એઓએન) આપવામાં આવી છે.

આ બેઠકમાં ત્રણેય સેનાઓને મજબૂત કરવા અંગે ચર્ચા કરવામાં આવી હતી અને તેમના માટે જરૂરી હથિયારોને પણ મંજૂરી આપવામાં આવી હતી. એવું માનવામાં આવે છે કે આ હથિયારો પ્રાપ્ત થવાથી દેશની ત્રણેય સેનાઓ વધુ મજબૂત બનશે.

ભારતીય સેના માટે શું-શું મંજૂર કરવામાં આવ્યું?

રક્ષા મંત્રાલયે જણાવ્યું હતું કે આ બેઠકમાં ભારતીય સેના માટે લોઇટર મ્યુનિશન સિસ્ટમ, લો લેવલ લાઇટ વેઇટ રડાર, પિનાકા મલ્ટીપલ લોન્ચ રોકેટ સિસ્ટમ અને ઇન્ટિગ્રેટેડ ડ્રોન ડિટેક્શન એન્ડ ઇન્ટરડિક્શન સિસ્ટમ માર્ક-2ની ખરીદીને મંજૂરી આપવામાં આવી છે.

સંરક્ષણ મંત્રાલયના જણાવ્યા અનુસાર લાઇટર મ્યુનિશનનો ઉપયોગ વ્યૂહાત્મક લક્ષ્યો પર ચોકસાઈથી હુમલો કરવા માટે કરવામાં આવશે, જ્યારે લો લેવલ લાઇટ વેઇટ રડાર નાના કદની લો એલ્ટિટ્યુડ માનવરહિત એરિયલ સિસ્ટમ (એમઆરએલએસ) ને શોધવા અને ટ્રેક કરવામાં સક્ષમ હશે.

લાંબી દૂરી માટે રોકેટ પિનાકા એમઆરએલએસની મારક ક્ષમતા અને સટીકતામાં વધારો કરશે. અદ્યતન મારક ક્ષમતા વાળા સિંગલ ડ્રોન આઇડેન્ટિફિકેશન અને ઇન્ટિગ્રેટેડ ડ્રોન ડિટેક્શન એન્ડ ઇન્ટરડિક્શન સિસ્ટમ માર્ક-II દેશના વ્યૂહાત્મક યુદ્ધક્ષેત્ર અને અંતરિયાળ વિસ્તારોમાં સેનાની મહત્વપૂર્ણ સંપત્તિનું રક્ષણ કરશે.

એરફોર્સ માટે આ ઘાતક હથિયારોની મંજૂરી

ભારતીય વાયુસેના માટે, ઓટોમેટિક ટેક-ઓફ લેન્ડિંગ રેકોર્ડિંગ સિસ્ટમ, એસ્ટ્રા એમકે-2 મિસાઇલ, ફુલ મિશન સિમ્યુલેટર્સ અને SPICE-1000 લોંગ રેન્જ ગાઇડન્સ કિટ વગેરેની ખરીદી માટેની દરખાસ્તને મંજૂરી આપવામાં આવી છે.

રક્ષા મંત્રાલયે કહ્યું કે ઓટોમેટિક ટેક-ઓફ લેન્ડિંગ રેકોર્ડિંગ સિસ્ટમ શરૂ થવાથી લેન્ડિંગ અને ટેક-ઓફનું ઓલ-વેધર ઓટોમેટિક રેકોર્ડિંગ પ્રદાન કરીને એરોસ્પેસ સલામતીમાં રહેલી ખામીઓ દૂર કરવામાં આવશે. વધેલી રેન્જ ધરાવતી એસ્ટ્રા એમકે-2 મિસાઇલ લડાકુ વિમાનોની દુશ્મન વિમાનોને લાંબા અંતરથી નિષ્ક્રિય કરવાની ક્ષમતામાં વધારો કરશે. 

આ પણ વાંચો - 2026 માં ભારત માટે રાજદ્વારી પડકારો કયા છે? ટ્રમ્પ, પાકિસ્તાન અને ચીન સાથે કેવા રહેશે સંબંધો?

લાઇટ કોમ્બેટ એરક્રાફ્ટ તેજસ માટે સંપૂર્ણ મિશન સિમ્યુલેટર પાઇલટ્સની તાલીમમાં આર્થિક અને સલામત રીતે સુધારો કરશે, જ્યારે SPICE-1000 ભારતીય વાયુસેનાની લાંબા અંતરની ચોકસાઇ ફાયરપાવરમાં વધારો કરશે.

નૌકાદળ માટે આ પ્રસ્તાવને મંજૂરી આપવામાં આવી 

ભારતીય નૌકાદળ માટે, બોલાર્ડ પુલ (બીપી) ટગ્સ, હાઇ ફ્રિક્વન્સી સોફ્ટવેર ડિફાઇન્ડ રેડિયો (એચએફ એસડીઆર) મેનપેક અને હાઈ એલ્ટિટ્યુડ લોંગ રેન્જ (એચએએલઇ) રિમોટલી પાયલોટેડ એરક્રાફ્ટ સિસ્ટમ (આરપીએએસ) લીઝ માટેના પ્રસ્તાવને મંજૂરી આપવામાં આવી છે.

મંત્રાલયના જણાવ્યા અનુસાર બીપી ટગના સમાવિષ્ટતાથી નેવીના જહાજો અને સબમરીનને સાંકડા પાણી /બંદરમાં લંગર નાખવા, લંગર બહાર નીકળવા અને દાવપેચ કરવામાં મદદ મળશે. HF SDR બોર્ડિંગ અને લેન્ડિંગ કામગીરી દરમિયાન લાંબા અંતરના સુરક્ષિત સંદેશાવ્યવહારમાં વધારો કરશે, જ્યારે HEL RPAS હિંદ મહાસાગર ક્ષેત્રમાં સતત ગુપ્તચર, દેખરેખ અને જાસૂસી અને વિશ્વસનીય દરિયાઇ ડોમેન જાગૃતિ સુનિશ્ચિત કરશે.