ઈરાન પર હુમલા વચ્ચે ગોલ્ડ ગેમ! ટ્રમ્પ સરકારે વેનેઝુએલા સાથે કરી મોટી ડિલ, 1000 કિલો સોનું અમેરિકા જશે

ઈરાન-અમેરિકા યુદ્ધે વૈશ્વિક બજારમાં અનિશ્ચિતતા વધારી દીધી છે. આ માહોલમાં તેલ અને સોનાના ભાવ બંનેમાં ઉછાળો જોવા મળી રહ્યો છે. દરમિયાન અમેરિકા અને વેનેઝુએલા વચ્ચે સોનાના મોટા સોદાના સમાચારે વૈશ્વિક કોમોડિટી બજારમાં હલચલ મચાવી દીધી છે.

સૂત્રોને ટાંકીને એક્સિઓસના એક અહેવાલમાં જણાવાયું છે કે વેનેઝુએલાની રાજ્ય માલિકીની ખાણકામ કંપનીએ સોમવારે યુએસ બજારમાં 1,000 કિલોગ્રામ સોનું વેચવા માટે કરોડો ડોલરના સોદા પર હસ્તાક્ષર કર્યા છે.

શું થયું છે?

એક્સિઓસે સૂત્રોને ટાંકીને અહેવાલ આપ્યો છે કે સોનાના સોદા હેઠળ રાજ્ય માલિકીની કંપની મિનર્વેન (Minerven) એ કોમોડિટી વેપારી ટ્રાફિગુરા (Trafigura)ને 650 થી 1,000 કિલોગ્રામ સોનાના ડોર બાર પહોંચાડશે.

અમેરિકાની ભૂમિકા

સૂત્રએ જણાવ્યું હતું કે ટ્રાફિગુરા યુએસ સરકાર સાથે એક અલગ વ્યવસ્થા હેઠળ યુએસ રિફાઇનરીઓમાં સોનું પહોંચા઼શે. યુએસ ગૃહ સચિવ ડગ બર્ગમે સોનાના કરારને સરળ બનાવવામાં મદદ કરી હતી. સૂત્રએ જણાવ્યું હતું કે કરારમાં 98% ફાઈનલ ગોલ્ડ કન્ટેમ્ટની વાત કરવામાં આવી છે.

શિમલા અને મનાલી કરતાં વધુ સુંદર છે ભારતના આ 5 હિલ સ્ટેશન, માર્ચમાં ખીલી ઉઠે છે કુદરતી સૌંદર્ય

આજના સોનાના ભાવ

આજે એક કિલોગ્રામ શુદ્ધ સોનાનો ભાવ આશરે $166,000 છે. બજારના આધારે ભાવ બદલાય છે પરંતુ વૈશ્વિક નાણાકીય અનિશ્ચિતતા વચ્ચે સોનાના ભાવમાં વધારો થયો છે.

અમેરિકા અને ઇઝરાયલે વિશ્વના સૌથી મોટા તેલ ઉત્પાદકોમાંના એક, ઇરાન પર હુમલો કર્યો ત્યારથી તેલના ભાવ વધી રહ્યા છે.

ટ્રમ્પ વહીવટીતંત્રની દેખરેખ હેઠળ ત્રીજી એક્સટ્રેક્શન ડીલ

આ કરાર ટ્રમ્પ વહીવટીતંત્ર દ્વારા દેખરેખ હેઠળની ત્રીજી એક્સટ્રેક્શન ડીલ છે જ્યારે અમેરિકાએ વેનેઝુએલાના સૌથી આવશ્યક અને વિપુલ સંસાધન, તેલનો કબજો મેળવ્યો છે. ટ્રાફિગુરા $1 બિલિયનથી વધુ મૂલ્યના તે તેલ કરારોમાંનો એક છે.

ટ્રમ્પે બુધવારે ટ્રુથ સોશિયલ પર એક પોસ્ટમાં વેનેઝુએલાના કાર્યકારી રાષ્ટ્રપતિ ડેલ્સી રોડ્રિગ્ઝની પણ પ્રશંસા કરી. રોડ્રિગ્ઝે બુધવારે બર્ગમ સાથે મુલાકાત કર્યા પછી દેશના ખાણકામ કાયદામાં સુધારા કરવાની યોજનાની જાહેરાત કરી.