Indian Railway Rules 2025: ટ્રેનમાં મુસાફરી કરતા સમયે ભૂલથી પણ ના કરશો આવું કામ, નહીં તો જવું પડશે જેલ

Indian Railway Rules 2025: લાંબા અંતરની મુસાફરી માટે ટ્રેનમાં મુસાફરી કરવી ઘણીવાર અનુકૂળ માનવામાં આવે છે. દેશમાં દરરોજ લાખો લોકો ટ્રેનમાં મુસાફરી કરે છે કારણ કે તે મુસાફરીના અન્ય માધ્યમો કરતાં વધુ આર્થિક અને અનુકૂળ માનવામાં આવે છે. જો તમે પણ ટ્રેનમાં મુસાફરી કરો છો તો તમારે કેટલાક રેલ્વે નિયમોથી વાકેફ હોવું જોઈએ. આ નિયમોનું પાલન નહીં કરો તો જેલની સજા થઈ શકે છે.

કારણ વગર ચેઈન ખેંચવી

તમે ઈમરજન્સી વિના ટ્રેનમાં મુસાફરી કરતી વખતે એલાર્મ ચેઈન ખેંચવી ના જોઈએ. આમ કરવાથી ટ્રેનમાં વિલંબ થઈ શકે છે અને મુસાફરોની સલામતી પર નકારાત્મક અસર પડી શકે છે. રેલ્વે નિયમો અનુસાર, જો કોઈ મુસાફર માન્ય કારણ વિના ચેઈન ખેંચે છે તો તેને દંડ અથવા જેલ થઈ શકે છે.

ટ્રેનમાં ધૂમ્રપાન

ટ્રેનમાં ધૂમ્રપાન પર પ્રતિબંધ છે. જો કોઈ મુસાફર ટ્રેનમાં મુસાફરી કરતી વખતે ધૂમ્રપાન કરતા પકડાય છે તો તેને કાર્યવાહીનો સામનો કરવો પડી શકે છે. વધુમાં મુસાફર પર દંડ પણ લાદવામાં આવી શકે છે.

આ પણ વાંચો: શિક્ષકે ઠપકો આપતા બાળકે બીજા માળેથી છલાંગ લગાવી

ટિકિટ વિના મુસાફરી કરવી ગેરકાયદેસર

જો કોઈ ટિકિટ વગર મુસાફરી કરે છે તો તેને કાનૂની કાર્યવાહીનો સામનો કરવો પડી શકે છે. તેને જેલની સજા પણ થઈ શકે છે. ટ્રેનમાં મુસાફરી કરતી વખતે કોઈએ આવી ભૂલ ના કરવી જોઈએ.

ટ્રેનમાં વાંધાજનક સામગ્રી ના રાખો

ટ્રેનમાં મુસાફરી કરતી વખતે તમે જ્વલનશીલ પદાર્થો (ગેસ સિલિન્ડર, ફટાકડા વગેરે) લઈ જઈ શકતા નથી. આનાથી આગ લાગવાનું જોખમ રહેલું છે. જો કોઈ આ વસ્તુઓ લઈ જતા પકડાય છે તો તેને કાનૂની કાર્યવાહીનો સામનો કરવો પડી શકે છે અને મુશ્કેલીઓનો સામનો કરવો પડી શકે છે.