આ કંપનીએ બટાકાની વેફરના હજારો પેકેટ માર્કેટમાંથી પાછા ખેંચ્યા, જાણો તેની પાછળનું કારણ?

Lay’s Potato Chips Recalled in US: બટાકાની ચિપ્સ નાનાથી લઈને વૃદ્ધો સુધીના દરેકને પ્રિય છે! પછી તે ઇનડોર હોય કે આઉટડોર ગેટ-ટુ-ગેધર હોય કે કોઇપણ પ્રવાસ હોય. ચિપ્સ એ દરેકનો મનપસંદ નાસ્તો છે! બટાકાની વેફર વેચતી અગ્રણી કંપનીઓમાંની એક 'Lays છે. લેયસ ચિપ્સ લગભગ તમામ દુકાનોમાં વેચાણ માટે ઉપલબ્ધ છે. પરંતુ માત્ર બે દિવસ પહેલા જ તે સ્પષ્ટ થઈ ગયું છે કે લેયસે તેમની ક્લાસિક પોટેટો ચિપ્સના હજારો પેકેટ બજારમાંથી પાછા ખેંચી લીધા છે. લેયસે યુએસ માર્કેટને લઈને આ નિર્ણય લીધો છે.

ક્લાસિક પોટેટો ચિપ્સમાં શું જોવા મળ્યું?

27 જાન્યુઆરીના રોજ 'Lays' તેની 'ક્લાસિક પોટેટો ચિપ્સ'ની વિવિધ કેટેગરીના લગભગ 6,344 પેકેટો બજારમાંથી પાછા ખેંચી લીધા હતા. આ તમામ પેકેટ મુખ્યત્વે અમેરિકાના ઓરેગોન અને વોશિંગ્ટન શહેરોમાં વેચાણ માટે ઉપલબ્ધ કરાવવામાં આવ્યા હતા. યુએસ ફૂડ એન્ડ ડ્રગ એડમિનિસ્ટ્રેશને આ રિકોલને 'ક્લાસ 1' કેટેગરી તરીકે વર્ગીકૃત કરી છે, જે ઘટનાના મહત્વ દ્વારા નક્કી કરવામાં આવે છે. આ પેકેટમાં રહેલી ચિપ્સમાં રહેલા ઘટકો કેટલાક લોકોના સ્વાસ્થ્ય પર વિપરીત અસર કરી શકે છે તેવી ફરિયાદ લેયસમાં આવ્યા બાદ આ નિર્ણય લેવામાં આવ્યો છે. ઈન્ડિયન એક્સપ્રેસે આ અંગે વિગતવાર અહેવાલ આપ્યો છે.

ખરેખર ફરિયાદ શું હતી?

'લેયસ'ને મળેલી ફરિયાદ મુજબ, અમેરિકાના આ બે શહેરોમાં વેચાતી 'લેયસની ક્લાસિક પોટેટો ચિપ્સ'માં દૂધના ઘટકો મળી આવ્યા હતા. ઘણા લોકોને દૂધની એલર્જી હોય છે. જો કે, પેકેટમાં ચિપ્સમાં દૂધની હાજરીનો ઉલ્લેખ નહોતો. જેમને દૂધની એલર્જી હોય તેમનું આ ચિપ્સ ખાવાથી મૃત્યુ થવાની શક્યતા છે, એમ 'લેયસ'ને કરેલી ફરિયાદમાં જણાવાયું હતું.

આ પણ વાંચો: ગુજરાતના આ દરિયા કિનારે રાત્રે જતા લોકો થરથર કાંપે છે, જાણો કેમ

આ દરમિયાન કંપનીએ વોશિંગ્ટન અને ઓરેગોનના નાગરિકોને 'લેયસ'ના પેકેટો પર ઉત્પાદન તારીખ અને કોડ ચેક કરવા અપીલ કરી છે. આ મુજબ, 1 ફેબ્રુઆરી, 2025 પછીના ઉત્પાદનની તારીખવાળા પેકેટ ખરીદવા માટે કહેવામાં આવ્યું છે.

પ્રતિકૂળ અસરોની કોઈ ફરિયાદ નથી

આ દરમિયાન અત્યાર સુધી પ્રતિકૂળ સ્વાસ્થ્ય અસરો અથવા એલર્જીની કોઈ ફરિયાદ દાખલ કરવામાં આવી નથી. તેમજ કંપની દ્વારા સ્પષ્ટતા કરવામાં આવી છે કે 'લેયસ'ના અન્ય ઉત્પાદનોના કિસ્સામાં આવી કોઈ વસ્તુ મળી નથી.