Sunita Williams Return Live Update: ધરતી પર પરત ફર્યા સુનિતા વિલિયમ્સ, 45 દિવસના પુનર્વાસમાં રહેશે સુનિતા અને વિલ્મોર

અમેરિકી રાષ્ટ્રપતિ ડોનાલ્ડ ટ્રમ્પે નાસાના અવકાશયાત્રીઓ બૂચ વિલ્મોર અને સુનીતા વિલિયમ્સના અવકાશમાંથી પરત ફર્યાની ઉજવણી કરી હતી. બંને અવકાશયાત્રીઓ નવ મહિનાથી વધુ સમયથી અવકાશમાં ફસાયેલા હતા. આ બંનેનું બુધવારે ભારતીય સમય અનુસાર સવારે 3.30 કલાકે ફ્લોરિડામાં સુરક્ષિત ઉતરાણ થયું હતું. ડોનાલ્ડ ટ્રમ્પ અને વ્હાઇટ હાઉસના એક્સ એકાઉન્ટ પરથી ટ્વિટ કરીને તેને અમેરિકન લોકોની જીત કહેવામાં આવી છે. આ રિટર્નનો શ્રેય પણ ટ્રમ્પને આપતાં કહેવાયું છે કે તેમણે સુનીતા વિલિયમ્સ અને બૂચ વિલમોરની વાપસીનું વચન પાળ્યું છે.

સુનિતા વિલિયમ્સ અને બુચ વિલ્મોરે અંતરિક્ષ યાત્રી શક્તિ, કંડીશનિંગ અને પુનર્વાસ વિશષજ્ઞોની દેખરેખમાં 45 દિવસોના પુનર્વાસમાંથી પસાર થવું પડશે. આ પુનર્વાસ કાર્યક્રમ પહેલા કેટલાક ચરણોમાં હરવા ફરવા, માંસપેશીઓને મજબૂત બનાવવા, વ્યાયામ અને હૃદય સંબંધી કંડીશનિંગ પર ધ્યાન આપવામાં આવશે.

રક્ષામંત્રી રાજનાથ સિંહે ટ્વટ કરીને લખ્યું છે કે નાસાના કૂ9ની પૃથ્વી પર સુરક્ષિત વાપસીથી હું ખુશ છું. ભારતની બેટી સુનિતા વિલિયમ્સ અને અન્ય અંતરિક્ષ યાત્રીઓએ અંતરિક્ષમાં માનવ ધીરજ અને દ્રઢતાના ઈતિહાસને ફરી લખ્યો છે.

સુનિતા વિલિયમ્સની સફળ વાપસી પર નાસાએ સ્પેસએક્સનો આભાર માનતા કહ્યું કે આ મિશન ઘણા પડકારોથી ભરેલું છે. નાસાએ કહ્યું કે આ મિશન સંપૂર્ણ રીતે સફળ રહ્યું છે અને તમામ અવકાશયાત્રીઓ સુરક્ષિત અને સ્વસ્થ છે. સ્પેસએક્સનું આ ક્રૂડ મિશન 15 માર્ચે લોન્ચ કરવામાં આવ્યું હતું, જે કેટલીક તકનીકી પડકારોને કારણે વિલંબિત થયું હતું. જોકે, અવકાશયાત્રીઓ 17 કલાકની મુસાફરી બાદ સફળતાપૂર્વક પૃથ્વી પર પાછા ફર્યા હતા.

નાસાના અવકાશયાત્રી સુનિતા વિલિયમ્સ અને બુચ વિલ્મર બુધવારે ફ્લોરિડા પેનહેંડલ પાસે મેકિસકોની ખાડીમાં ઉતરીને પૃથ્વી પર પરત ફર્યા હતા. આ દરમિયાન તેમણે પહેલીવાર પૃથ્વીના ગુરુત્વાકર્ષણનો અહેસાસ કર્યો હતો.

આંતરરાષ્ટ્રીય અંતરિક્ષ સ્ટેશન ઉપર નક્કી કરેલા સમયથી વધારે રોકાયા બાદ અંતરિક્ષ યાત્રી સુરક્ષિત પાછા ફરવા પર નાશા કહ્યું કે ભવિષ્યના અભિયાનો માટે મોટી સીખ મળી છે. મિશન સફળ રહ્યું જેથી હવે રાહત છે.

યુએસ પ્રમુખ ડોનાલ્ડ ટ્રમ્પે મંગળવારે નાસાના અવકાશયાત્રીઓ બૂચ વિલ્મોર અને સુનીતા વિલિયમ્સના પરત ફરવાની ઉજવણી કરી હતી. આ બંને નવ મહિનાથી વધુ સમયથી અવકાશમાં ફસાયેલા હતા. ટ્રમ્પે તેમના સુરક્ષિત વળતરનો શ્રેય પોતાને આપ્યો.

નાસા અવકાશયાત્રી સુનિતા વિલિયમ્સના પૃથ્વી પર હેમખેમ પરત આવતા સુનિતાના પૈતૃક ગામ ઝુલાસણમાં લોકો ખુશી વ્યક્ત કરી રહ્યા છે અને માતાજીની આરતી કરી રહ્યા છે.

સુનિતા વિલિયમ્સે ફ્લોરિડાના કિનારે સફળ ઉતરાણ કર્યું છે.

9 મહિના બાદ સુનિતા વિલિયમ્સ અને બુચ વિલ્મોર ધરતી પર હેમખેમ પરત ફર્યા છે. ઇલોન મસ્કના ડ્રૈગને સુનિતા વિલિયમ્સને અંતરિક્ષની કેદમાંથી મુક્ત કરાવ્યા.

તમામ પેરાશૂટ ખુલી ગયા છે. સુનિતા વિલિયમ્સ થોડીક જ મિનિટોમાં ધરતી પર પહોંચી જશે.

સુનિતા વિલિયમ્સ જેમાં સવાર છે તે ડ્રેગન કેપ્સ્યુલ વાતાવરણને પાર કરી ગયું છે. ડ્રોગ પેરાશૂટ તૈનાત થવાનું છે. આનાથી યાનની ગતિ ઓછી થશે. આ સમયે ડ્રેગન કેપ્સ્યુલ 24 કિમી/કલાકની ઝડપે નીચે આવશે. તે પછી સ્પ્લેશડાઉન પ્રક્રિયા શરૂ કરવામાં આવશે.

સુનિતા વિલિયમ્સનું કેપ્સ્યૂલ ધરતીના ગુરૂત્વાકર્ષણ ક્ષેત્રમાં પ્રવેશ કરી ગયુ છે. તે માત્ર 99 કિલોમીટર દૂર છે. કાઉન્ટડાઉન શરૂ થઈ ગયું છે.

વાયુ મંડળમાં પ્રવેશ્યા પછી લગભગ 10 મિનિટ સુધી ડ્રેગન કેપ્સ્યુલ સાથે કોઈ સંપર્ક થશે નહીં. પરંતુ આ સમયગાળા દરમિયાન દેખરેખ ચાલુ રહેશે. આ સમય દરમિયાન હીટ કવચ કેપ્સ્યુલનું રક્ષણ કરશે. આ સમયે તેની ગતિ 27 હજાર કિમી/કલાક હશે.

સુનિતા વિલિયમ્સને પૃથ્વી પર પરત લાવી રહેલ ડ્રેગન કેપ્સ્યુલ હવે ડિપોર્ચર પ્રોસેસમાંથી પસાર થઈ રહ્યું છે. આ પછી ડીઓર્બિટ થશે. ચોક્કસ ઊંચાઈએ પહોંચ્યા પછી તે વાતાવરણમાં પ્રવેશ કરશે. પછી સ્પ્લેશડાઉન થશે. લેન્ડિંગ માટે દરિયો ખાલી કરાવી દેવામાં આવ્યો છે.

અંતરિક્ષ યાત્રીઓએ પૃથ્વીના વાયુમંડળમાં પ્રવેશ માટે તૈયાર થતા પોતાના સ્પેસસૂટ પર લીકની તપાસ પૂર્ણ કરી લીધી છે.

ભારતીય મૂળના અંતરિક્ષ યાત્રી સુનિતા વિલિયમ્સ જ્યારે પૃથ્વી પર પરત ફરશે ત્યારે સૌથી પહેલા તેમને સ્ટ્રેચર પર નાસાના ફ્લોરિડા સ્ટેશન પાસે સ્થિત લેબમાં લઈ જવાશે. જ્યાં તેમની અને તેમના સાથી અંતરિક્ષ યાત્રીઓની વિસ્તૃત મેડિકલ તપાસ થશે, જેથી સુનિશ્ચિત કરી શકાય કે માઇક્રોગ્રેવિટીમાં વિતાવવામાં આવેલા સમયની તેમના શરીર પર શું અસર થઇ છે.

નાસા અને સ્પેસએક્સ ડ્રેગન સમુદ્રમાં ઉતરાણ માટે સ્પ્લેશડાઉન વિસ્તારમાં હવામાન પર નજીકથી નજર રાખી રહ્યા છે. નવીનતમ અપડેટ મુજબ, હવામાન અત્યાર સુધી સારું દેખાય છે.

ઈસરોના ભૂતપૂર્વ વડા એસ સોમનાથે મંગળવારે જણાવ્યું હતું કે વડા પ્રધાન નરેન્દ્ર મોદી ઘણીવાર ભારતીય મૂળના અમેરિકન અવકાશયાત્રી સુનિતા વિલિયમ્સના સુરક્ષિત પરત ફરવા વિશે પૂછતા હતા, જે આંતરરાષ્ટ્રીય અવકાશ મથક પર ફસાયેલા હતા.

સુનિતા વિલિયમ્સ અને બુચ વિલ્મોર જ્યારે ક્રૂ ડ્રેગન કેપ્સૂલ દ્વારા પૃથ્વી પર પરત ફરી રહ્યા છે, ત્યારે ઘણા લોકો પૂર્વ ભારતીય અંતરિક્ષ યાત્રી કલ્પના ચાવલાને યાદ કરી રહ્યા છે. આ ખુબ જ સ્વાભાવિક વાત છે. બે દિવસ પહેલા જ કલ્પના ચાવલાનો જન્મદિવસ હતો.

સુનિતા વિલિયમ્સ જે સ્પેસક્રાફ્ટમાં ધરતી પર પરત આવી રહ્યા છે તે Crew9 દિવસ દરમિયાન જોવાનું મુશ્કેલ બનશે કારણ કે તે પૃથ્વીના વાતાવરણમાં ફરી પ્રવેશ કરશે, પરંતુ જો તમે SpaceX ના ડ્રેગન પર નજર રાખવા માંગતા હો તો નાસા દ્વારા તેનો નકશો સોશિયલ મીડિયા હેન્ડલ એક્સ પર શેર કરવામાં આવ્યો છે.

સુનિતા વિલિયમ્સની સુરક્ષિત વાપસી માટે ભારતમાં પ્રાર્થનાઓ થઈ રહી છે. તેમનો પરિવાર પણ ગુજરાતના તેમના પૈતૃક ગામ ઝુલાસણમાં તેમની રાહ જોઈ રહ્યો છે. ત્યાં જ ઝુલાસણમાં યજ્ઞ કરવામાં આવી રહ્યો છે. અને લોકો સુનિતાના હેમખેમ ધરતી પર પરત ફરવાને લઈ પ્રાર્થના કરી રહ્યા છે.