VIDEO: દુબઈ એર શો દરમિયાન મોટી દુર્ઘટના: ભારતીય HAL તેજસ વિમાન થયું ક્રેશ

શુક્રવારે દુબઈ એર શોમાં એક પ્રદર્શન ઉડાન દરમિયાન એક વિમાન દુર્ઘટનાગ્રસ્ત થયું છે. ભારતીય HAL તેજસ વિમાન સ્થાનિક સમય મુજબ બપોરે 2:10 વાગ્યે પ્રદર્શન ઉડાન દરમિયાન ક્રેશ થયું. પાયલોટ બહાર નીકળ્યો કે નહીં તે હજુ સુધી સ્પષ્ટ થઈ શક્યું નથી. રન વે પર કાળો ધુમાડો ઉઠતો રહ્યો અને ભીડમાં રહેલા લોકો, જેમાં બાળકો અને મહિલાઓ પણ સામેલ હતી, આ નજારો જોતા રહ્યા.

દુબઈ એર શોમાં ભારતનું તેજસ ફાઇટર જેટ ક્રેશ થયું છે. આ અકસ્માત સ્થાનિક સમય મુજબ બપોરે 2:10 વાગ્યે થયો હતો. તેજસ ફાઇટર જેટ દુબઈ એર શોમાં સ્ટંટ કરી રહ્યું હતું. આ અકસ્માતનો એક વીડિયો સોશિયલ મીડિયા પર વાયરલ થઈ રહ્યો છે, જેમાં પાઇલટ કૂદતો દેખાતો નથી. આનાથી પાઇલટના બચવા અંગે ચિંતા વધી ગઈ છે. વીડિયોમાં તેજસ ફાઇટર જેટ અચાનક નીચે પડી જાય છે અને નિયંત્રણ મેળવવામાં અસમર્થ હોય તેવું લાગે છે. તેજસ ફાઇટર જેટ ક્રેશ થવાની આ બીજી ઘટના છે. અગાઉ 2024 માં જેસલમેરમાં તેજસ ફાઇટર જેટ ક્રેશ થયું હતું.

ભારતે દુબઈ એર શોમાં ઘણા ફાઇટર જેટ પણ ઉડાવ્યા હતા, જેમાંથી એક તેજસ ફાઇટર જેટ હતું. આ અકસ્માતે તેજસ ફાઇટર જેટ માટેની ભારતની આશાઓ પર પાણી ફેરવી દીધું છે, કારણ કે ભારત પણ આ ફાઇટર જેટ નિકાસ કરવાનો પ્રયાસ કરી રહ્યું છે. તે ભારતીય સંરક્ષણ કંપની હિન્દુસ્તાન એરોનોટિક્સ લિમિટેડ દ્વારા વિકસાવવામાં આવ્યું છે.