શ્વાનની વફાદારી; માલિકના દીકરાનો જીવ સાપથી બચાવ્યો, સાપ 26 વાર કરડ્યો પણ… આ ઘટના ભાવુક કરશે

તમે શ્વાનની વફાદારીની ઘણી વાર્તાઓ અને ઘટનાઓ સાંભળી કે જોઈ હશે. આવી જ એક ભાવનાત્મક ઘટના ફરી એકવાર સોશિયલ મીડિયા પર વાયરલ થઈ રહી છે. આ ઘટના યુપીના મેરઠની છે, જ્યાં એક પાલતુ શ્વાને પોતાના માલિકના દીકરાને બચાવવા માટે પોતાનો જીવ આપી દીધો. તે પોતે મરી ગઈ પણ ઘરના ચિરાગ સાથે કંઈ થવા ન દીધું. ઘરમાં ઘૂસેલો ઝેરી સાપ માદા શ્વાનને વારંવાર કરડ્યો પણ શ્વાન અડગ રહી. આખરે તેનું મોત નીપજ્યું, ચાલો તમને આખી ઘટના વિશે જણાવીએ.

મેરઠના દૌરાલા પોલીસ સ્ટેશન વિસ્તારના રામપુર મોહલ્લામાં એક શ્વાને પોતાનો જીવ આપીને માલિકના દીકરાનો જીવ બચાવ્યો. પરિવારના સભ્યોનો જીવ બચાવવા માટે માદા શ્વાન સાપ સાથે લડતી રહી. કથિત રીતે સાપ શ્વાનને 26 વાર કરડ્યો હતો. રસેલ વાઇપર સાપ સાથે આ માદા શ્વાન ભીડી ગઈ અને તેને તેના જડબામાં રાખ્યો, સાપ તેને 26 વાર કરડ્યો પણ શ્વાને તેને છોડયો નહીં.

આ પણ વાંચો: શું છે ઈ-પાસપોર્ટ? ફીચર્સ, એપ્લિકેશન પ્રક્રિયા, ઇ-પાસપોર્ટના ફાયદા

આ ઘટના 2-3 મેની રાત્રે બની હતી, લગભગ 3 વાગ્યે, એક ઝેરી સાપ રસેલ વાઇપર ગામના ખેડૂત કલ્લુના ઘરમાં ઘૂસી ગયો. ઘરના બધા સભ્યો સૂઈ રહ્યા હતા અને તેમનો દીકરો મુખ્ય દરવાજા પાસે સૂતો હતો, ત્યારે ઘરના પાલતુ કૂતરા 'મીની' એ સાપને જોયો અને તેના પર હુમલો કર્યો. મીનીએ સાપને તેના જડબામાં પકડી લીધો અને તેની સાથે લડતો રહ્યો. અવાજ સાંભળીને પરિવાર જાગી ગયો. તેઓ મીલી પાસે ગયા ત્યાં સુધીમાં ઝેરી સાપે મીનીને લગભગ 26 વાર ડંખ માર્યો હતો, પરંતુ ત્યાં સુધી તેણે સાપને છોડ્યો ન હતો, પરિવારના સભ્યોએ લોખંડના સળિયાની મદદથી સાપને કાબૂમાં લીધો અને પ્લાસ્ટિકના બોક્સમાં બંધ કરીને જંગલમાં છોડી દીધો.

મીનીને સારવાર માટે હોસ્પિટલમાં લઈ જવામાં આવી હતી પરંતુ તે બચી શકી ન હતી. મેરઠના ડીએફઓ રાજેશ કુમારે પુષ્ટિ આપી છે કે રસેલ વાઇપરના કરડવાથી શ્વાન મૃત્યુ પામી. દરેક વ્યક્તિ મીનીના વખાણ કરી રહ્યા છે.