રાહુલ ગાંધીએ કહ્યું - અમેરિકા સાથે ટ્રેડ ડીલમાં ભારતના હિત વેચવામાં આવ્યા

Rahul Gandhi : બુધવારે સંસદમાં બજેટ પર બોલતા રાહુલ ગાંધીએ મોદી સરકાર પર આકરા પ્રહારો કર્યા હતા. રાહુલ ગાંધીએ આરોપ લગાવ્યો હતો કે અમેરિકા સાથેના ટ્રેડ ડીલમાં ભારતના હિત વેચવામાં આવ્યા છે. રાહુલ ગાંધીએ કહ્યું કે જો દેશમાં ઇન્ડિયા ગઠબંધન સરકાર હોત તો ટ્રેડ ડીલ કરતી વખતે અમે અમેરિકાના રાષ્ટ્રપતિને કહી દીધું હોત કે તમારા ડોલરની સુરક્ષા માટે સૌથી મોટી સંપત્તિ ભારતીય જનતા પાસે છે. 

કોંગ્રેસ નેતાએ વધુમાં કહ્યું કે અમે સમાનતાની વાત કરી હોત. અમે કહ્યું હોત કે તમે આવી રીતે વાત કરી શકો નહીં કે અમે તમારા નોકર છીએ. અમે અમેરિકાના રાષ્ટ્રપતિને પણ કહ્યું હોત કે અમે અમારા ઇંધણની રક્ષા કરવા જઈ રહ્યા છીએ. અમે એમ પણ કહ્યું હોત કે તમે તમારા ખેડૂતોની રક્ષા કરો, પરંતુ અમે અમારા ખેડૂતોની રક્ષા કરીશું. 

આપણે તેલ કોની પાસેથી ખરીદીશું, અમેરિકા નક્કી કરશે

રાહુલ ગાંધીએ પોતાના ભાષણ દરમિયાન દાવો કર્યો હતો કે હવે અમેરિકા નક્કી કરશે કે આપણે કોની પાસેથી તેલ ખરીદીશું અને ભારતના વડા પ્રધાન નરેન્દ્ર મોદી નક્કી કરશે નહીં.

તેમણે એમ પણ દાવો કર્યો હતો કે આપણા ખેડૂતો તોફાનનો સામનો કરી રહ્યા છે. તમે આપણા ખેડૂતોને કચડી નાખવાનો માર્ગ ખોલી દીધો છે. તમારા પહેલા કોઈ વડા પ્રધાને આવું કર્યું નથી અને ભવિષ્યમાં પણ કોઈ વડા પ્રધાન આવું નહીં કરે.

આ પણ વાંચો - CM યોગીની કડક ચેતવણી: બાબરીનું સપનું જોનારા સાંભળી લે, કાયદામાં રહેશો તો ફાયદામાં રહેશો!

કિરણ રિજિજૂએ રાહુલ ગાંધી પર કર્યો પ્રહાર

લોકસભામાં રાહુલ ગાંધીના ભાષણ બાદ મીડિયા સાથે વાત કરતા કિરણ રિજિજૂએ કહ્યું કે બજેટ પર ભાષણ આપતી વખતે રાહુલ ગાંધી કોઈ તર્ક વિના, કોઈ પુરાવા વિના અને કોઈ નોટિસ આપ્યા વિના આરોપો લગાવી રહ્યા છે. તેમનું આખું ભાષણ, તેમણે જે ખોટી વાતો કહી છે તે બધું હટાવી દેવામાં આવશે અને તેમણે જે પણ અસંસદીય શબ્દોનો ઉપયોગ કર્યો છે તેને પણ દૂર કરવા જોઈએ. ખાસ કરીને તેમણે જે જુઠ્ઠાણાં બોલ્યા છે, ખોટી વાતો કહી છે, આરોપ લગાવ્યા છે તે બધા હટાવી દેવા  જોઈએ.