રાંચીથી દિલ્હી જતી એર એમ્બ્યુલન્સ દુર્ઘટનાગ્રસ્ત, એક દર્દી સહિત 7 લોકો હતા સવાર

ઝારખંડના રાંચીથી ટેકઓફ કર્યાના થોડા સમય પછી એક ચાર્ટર પ્લેન દુર્ઘટનાગ્રસ્ત થયું છે. એર એમ્બ્યુલન્સ એક દર્દીને દિલ્હી લઈ જઈ રહ્યું હતું. ટેકઓફ કર્યાના થોડા સમય પછી તે ક્રેશ થયું. વિમાન ચતરા અને સિમરિયાની સરહદ પર ક્રેશ થયું. આ પ્લેનમાં એક દર્દી સહિત સાત લોકો સવાર હતા.

DGCA ના સૂત્રોએ જણાવ્યું હતું કે રાંચી એરપોર્ટથી ટેકઓફ કર્યાના થોડા સમય પછી એક ચાર્ટર પ્લેન રડાર પરથી ગાયબ થઈ ગયું. રાંચી એરપોર્ટના સૂત્રોના જણાવ્યા અનુસાર, "એક મેડિકલ ફ્લાઇટ ઉડાન ભરી. આગલા સ્ટેશન સાથે સંપર્ક સ્થાપિત કરવામાં આવ્યો, પછી નિયંત્રણ આગામી સ્ટેશનને સોંપવામાં આવ્યું, ત્યારબાદ સંપર્ક તૂટી ગયો. વિમાને રાંચી એરપોર્ટનો સંપર્ક કર્યો ન હતો. આ મામલે રાજ્યને જાણ કરવામાં આવી છે. તમામ જરૂરી માનક સંચાલન પ્રક્રિયાઓ (SOPs)નું પાલન કરવામાં આવી રહ્યું છે."

On 23.02.2026 Redbird Airways Pvt Ltd Beechcraft C90 aircraft VT-AJV operating medical evacuation (Air Ambulance) flight on sector Ranchi-Delhi crashed in Kasariya Panchayat, Simariya block of Chatra district, in Jharkhand. There were seven people on board ,including two crew…

— ANI (@ANI) February 23, 2026

ડીજીસીએના સૂત્રોના જણાવ્યા અનુસાર, "23 ફેબ્રુઆરી, 2026 ના રોજ રેડબર્ડ એરવેઝ પ્રાઇવેટ લિમિટેડનું બીચક્રાફ્ટ સી90 વિમાન (વીટી-એજેવી) રાંચી-દિલ્હી રૂટ પર એર એમ્બ્યુલન્સ ફ્લાઇટ ચલાવતું હતું, જે ઝારખંડના ચતરા જિલ્લાના સિમરિયા બ્લોકના કસારિયા પંચાયતમાં ક્રેશ થયું હતું. વિમાનમાં બે ક્રૂ સભ્યો સહિત સાત લોકો સવાર હતા. 

ગુજરાતના મુખ્ય ચૂંટણી અધિકારી તરીકે સંદિપ સાગલેની નિમણૂક

વિમાન રાંચીથી 19:11 વાગ્યે ઉડાન ભરી હતી. કોલકાતા સાથે સંપર્ક સ્થાપિત કર્યા પછી વિમાને ખરાબ હવામાનને કારણે ડાયવર્ઝનની વિનંતી કરી હતી. 19:34 વાગ્યે વિમાનનો કોલકાતા સાથે સંપર્ક અને રડાર સંપર્ક તૂટી ગયો હતો. વિમાનની છેલ્લી જાણીતી સ્થિતિ વારાણસીથી દક્ષિણપૂર્વમાં આશરે 100 નોટિકલ માઇલ હતી."