પાકિસ્તાની મિસાઈલોને ભારતે આકાશમાં જ તોડી પાડી, જમ્મુ અને કાશ્મીરમાં બ્લેક આઉટ

ગુરુવારે સાંજે જમ્મુ અને કાશ્મીરના એરપોર્ટ નજીક એક વિસ્ફોટનો અવાજ સંભળાયો. આકાશમાં પાકિસ્તાની ડ્રોન જોવા મળ્યા. ભારતીય વાયુ સંરક્ષણ પ્રણાલી દ્વારા આ પાકિસ્તાની ડ્રોનને હવામાં તોડી પાડવામાં આવ્યા છે. સાથે જ ભારત દ્વારા પાકિસ્તાનની 8 મિસાઈલોને આકાશમાં જ તોડી પાડવામાં આવી છે.

જમ્મુમાં બ્લેકઆઉટ કરવામાં આવ્યું છે, પાકિસ્તાન તરફથી ભારે ગોળીબારના સમાચાર છે. આ સમયે સમગ્ર જમ્મુમાં ઇન્ટરનેટ સેવા સ્થગિત કરવામાં આવી છે. રાજસ્થાનના તમામ જિલ્લાઓમાં પણ બ્લેકઆઉટના સમાચાર છે. ભારત અને પાકિસ્તાન વચ્ચે તણાવ ચરમસીમાએ પહોંચી ગયો છે. સમગ્ર જમ્મુમાં સાયરન વાગી રહ્યા છે, પરિસ્થિતિ તંગ માનવામાં આવી રહી છે.

પાકિસ્તાન તરફથી ડ્રોન હુમલો કરવામાં આવ્યો હોવાના અહેવાલો છે, ભારતના સુદર્શન ચક્ર એટલે કે S-400 સિસ્ટમે ઘણી પાકિસ્તાની મિસાઇલોનો નાશ કર્યો છે. આ અંગે જમ્મુ અને કાશ્મીર પોલીસના મહાનિર્દેશક શીશ પોલે કહ્યું કે જમ્મુમાં સંપૂર્ણ બ્લેકઆઉટ કરવામાં આવ્યું છે, મોટા અવાજો આવી રહ્યા છે. માતા વિષ્ણુ દેવી અમારી સાથે છે અમારી સેના બહાદુર છે.

હાલમાં જમ્મુના અખનૂરમાં પણ બ્લેકઆઉટ કરવામાં આવ્યું છે, પાકિસ્તાન તરફથી ગોળીબાર ચાલી રહ્યો છે. ભારત પણ પાકિસ્તાનના આ નાપાક ષડયંત્રનો યોગ્ય જવાબ આપી રહ્યું છે.

શહેરમાં યુદ્ધના સાયરન વાગ્યા

આ દરમિયાન શહેરમાં યુદ્ધ સાયરન વાગ્યા છે. હાઇ એલર્ટ વચ્ચે બ્લેકઆઉટ કરવામાં આવ્યું છે. સ્થાનિક લોકોને ઘરની બહાર ન નીકળવાની સૂચના આપવામાં આવી છે.

જમ્મુ અને કાશ્મીરના અખનૂરમાં IR માર્શલ સંજીવ કપૂર (નિવૃત્ત) કહેવું છે કે, "પાકિસ્તાને આપણા 15 શહેરો પર હુમલો કરવાનો પ્રયાસ કર્યો હતો, જેને S-400 દ્વારા નિષ્ફળ કરયા હતા, જે 2018 માં ખરીદવામાં આવ્યું હતું અને 2021 માં પહોંચાડવામાં આવ્યું હતું. તે વિમાન, મિસાઇલ, ડ્રોન શોધી શકે છે અને થોડીવારમાં સંપૂર્ણપણે તૈનાત કરી શકાય છે અને તેની રેન્જ 400 કિલોમીટર છે… તે લક્ષ્યોને ઓળખી શકે છે… તે બહુમુખી અને ગતિશીલ છે અને દેશભરમાં યોગ્ય રીતે તૈનાત કરવામાં આવ્યું છે… આ એક એવી ખરીદી હતી જેણે પાકિસ્તાન સાથેની અમારી તાજેતરની અથડામણમાં મોટો ફરક પાડ્યો હતો…"