સોનમ વાંગચુકની ધરપકડ, લેહ હિંસા માટે કેન્દ્રએ ઠેરવ્યા હતા જવાબદાર

પર્યાવરણ કાર્યકર્તા સોનમ વાંગચુકની ધરપકડ કરવામાં આવી છે. લદ્દાખને રાજ્યનો દરજ્જો આપવાની માંગ કરી રહેલા પ્રદર્શનકારીઓ અને સુરક્ષા કર્મચારીઓ વચ્ચે બુધવારે હિંસક અથડામણ થઈ હતી, જેમાં ચાર લોકો માર્યા ગયા હતા અને 80 ઘાયલ થયા હતા. સરકારે હિંસા માટે વાંગચુકને જવાબદાર ઠેરવ્યા છે.

FCRA લાઇસન્સ રદ

કડક વલણ અપનાવતા કેન્દ્રીય ગૃહ મંત્રાલયે ગુરુવારે સોનમ વાંગચુક દ્વારા સ્થાપિત NGO, સ્ટુડન્ટ્સ એજ્યુકેશનલ એન્ડ કલ્ચરલ મૂવમેન્ટ ઓફ લદ્દાખ (SECMOL) નું FCRA લાઇસન્સ તાત્કાલિક અસરથી રદ કર્યું.

મંત્રાલયે NGO ના ખાતાઓમાં મળી આવેલી અનેક કથિત અનિયમિતતાઓના આધારે આ કાર્યવાહી કરી હતી, જેમાં સ્વીડનથી નાણાં ટ્રાન્સફરનો પણ સમાવેશ થાય છે. ગૃહ મંત્રાલયે આ કાર્યવાહીને રાષ્ટ્રીય હિતોની વિરુદ્ધ ગણાવી છે.

આ પણ વાંચો: ખેલૈયાઓ માટે માઠા સમાચાર, શનિવારથી ગુજરાતમાં વરસાદનો નવો રાઉન્ડ શરૂ

ઉલ્લેખનીય છે કે ગુરુવારે, કેન્દ્રીય ગૃહ મંત્રાલયે ક્લાઈમેટ એક્ટિવિસ્ટ સોનમ વાંગચુક દ્વારા સ્થાપિત સ્ટુડન્ટ્સ એજ્યુકેશનલ એન્ડ કલ્ચરલ મૂવમેન્ટ ઓફ લદ્દાખ (SECMOL) ના FCRA લાઇસન્સને તાત્કાલિક અસરથી રદ કરી દીધું હતું. લદ્દાખ માટે રાજ્યનો દરજ્જો અને બંધારણીય સુરક્ષાની માંગણી સાથે શાંતિપૂર્ણ આંદોલન ચલાવી રહેલા કાર્યકર્તાએ પોતાની વ્યક્તિગત સલામતી અંગે પણ ચિંતા વ્યક્ત કરી હતી.

સોનમ વાંગચુકે અગાઉ શું કહ્યું હતું

સોનમ વાંગચુકે કહ્યું હતું કે, "હું જોઉં છું કે તેઓ મારા પર જાહેર સલામતી કાયદા હેઠળ કેસ ચલાવવાનો અને મને બે વર્ષ માટે જેલમાં નાખવાનો પ્રયાસ કરી રહ્યા છે." તેમણે ઉમેર્યું હતું કે, "હું આ માટે તૈયાર છું, પરંતુ સોનમ વાંગચુકને જેલમાં રાખવાથી તેમને મુક્ત કરવા કરતાં વધુ સમસ્યાઓ ઊભી થઈ શકે છે."

સોનમ વાંગચુકે લદ્દાખમાં તાજેતરના હિંસક વિરોધ પ્રદર્શનો માટે ગૃહ મંત્રાલય દ્વારા તેમના પર દોષારોપણને "બલિનો બકરો" યુક્તિ ગણાવી હતી. દરમિયાન વાંગચુકની આગેવાની હેઠળ લદ્દાખ રાજ્યનો દરજ્જો મેળવવાનું આંદોલન બુધવારે લેહમાં હિંસા, આગચંપી અને અથડામણમાં પરિણમ્યું હતું, જેમાં ચાર લોકો માર્યા ગયા હતા અને 40 પોલીસકર્મીઓ સહિત ઓછામાં ઓછા 80 લોકો ઘાયલ થયા હતા.