Advertisment
FE Budget 2026
Co-presented by
Associate Sponsor
સમાચાર નેશનલ ન્યૂઝ

India US trade deal : અમેરિકાએ ભારત પરનો ટેરિફ 25%થી ઘટાડીને 18% કર્યો

ટ્રમ્પે કહ્યું કે ભારત અને અમેરિકા ટ્રેડ ડીલ પર સહમત થયા છે. અમેરિકી રાષ્ટ્રપતિએ કહ્યું છે કે તેમણે વડા પ્રધાન નરેન્દ્ર મોદી સાથે વાત કર્યા પછી જ રેસિપ્રોકલ ટેરિફમાં ઘટાડો કર્યો છે. તેમણે આ પગલાને મિત્રતા અને આદરનું પ્રતીક ગણાવ્યું હતું

Written byAshish Goyal

ટ્રમ્પે કહ્યું કે ભારત અને અમેરિકા ટ્રેડ ડીલ પર સહમત થયા છે. અમેરિકી રાષ્ટ્રપતિએ કહ્યું છે કે તેમણે વડા પ્રધાન નરેન્દ્ર મોદી સાથે વાત કર્યા પછી જ રેસિપ્રોકલ ટેરિફમાં ઘટાડો કર્યો છે. તેમણે આ પગલાને મિત્રતા અને આદરનું પ્રતીક ગણાવ્યું હતું

author-image
Ashish Goyal
New Update
ભારત વડાપ્રધાન મોદી અને યૂએસ પ્રમુખ ટ્રમ્પ વચ્ચે ગેરકાયદેસર ઇમિગ્રન્ટ્સ સહિત મુદ્દે મહત્વની ચર્ચા થઇ.

PM મોદી અને યૂએસ પ્રમુખ ટ્રમ્પ ફાઇલ ફોટો

India US trade deal : અમેરિકાએ સોમવારે મોટો નિર્ણય લઈને ભારત પર લાદવામાં આવેલા ટેરિફમાં ઘટાડો કર્યો છે. અમેરિકાએ ટેરિફ 25 ટકાથી ઘટાડીને 18 ટકા કરી દીધો છે. ટ્રમ્પે ટ્રુથ સોશિયલ મીડિયા પર પોસ્ટ કર્યું કે આજે ભારતના પ્રધાનમંત્રી નરેન્દ્ર મોદી સાથે વાત કરી. તે મારા શ્રેષ્ઠ મિત્રોમાંથી એક છે અને તેના પોતાના દેશના શક્તિશાળી અને આદરણીય નેતા છે. અમે વેપાર, રશિયા અને યુક્રેનમાં યુદ્ધને સમાપ્ત કરવા જેવા ઘણા મુદ્દા પર વાતચીત કરી. વડા પ્રધાન નરેન્દ્ર મોદી રશિયા પાસેથી તેલ ખરીદવાનું બંધ કરવા સંમત થયા છે અને અમેરિકા અને સંભવતઃ વેનેઝુએલા પાસેથી વધુ તેલ ખરીદવા સંમત થયા છે. 

Advertisment

ટ્રમ્પે આ પગલાને મિત્રતા અને આદરનું પ્રતીક ગણાવ્યું

ટ્રમ્પે એમ પણ કહ્યું છે કે ભારત અને અમેરિકા ટ્રેડ ડીલ પર સહમત થયા છે. અમેરિકી રાષ્ટ્રપતિએ કહ્યું છે કે તેમણે વડા પ્રધાન નરેન્દ્ર મોદી સાથે વાત કર્યા પછી જ રેસિપ્રોકલ ટેરિફમાં ઘટાડો કર્યો છે. તેમણે આ પગલાને મિત્રતા અને આદરનું પ્રતીક ગણાવ્યું હતું.

ટ્રમ્પે પોતાની પોસ્ટમાં કહ્યું કે વડા પ્રધાન મોદીએ અમેરિકા પાસેથી 500 અબજ ડોલરથી વધુની અમેરિકન ઉર્જા, ટેકનિક, કૃષિ, કોલસા અને અન્ય ઘણા ઉત્પાદનો ખરીદવાનું વચન આપ્યું છે. તેમણે કહ્યું કે વડા પ્રધાન મોદી અને હું બે લોકો એવા  છીએ જે કામ કરીને બતાવે છ. આ વાત મોટાભાગના લોકો વિશે કહી શકાય નહીં.

Advertisment

આ પણ વાંચો - એર ઇન્ડિયાએ 787 ડ્રીમલાઇનરને ઉડાન ભરવાથી રોક્યું, પાયલટે આપી હતી ફ્યૂલ કંટ્રોલ સ્વિચમાં ગરબડીની સૂચના

આ જાહેરાતના થોડા સમય પહેલા ડોનાલ્ડ ટ્રમ્પે વડાપ્રધાન નરેન્દ્ર મોદી સાથે ફોન પર વાતચીત કરી હતી. ટ્રમ્પ દ્વારા ટેરિફ લાદવાને કારણે બંને દેશો વચ્ચેના સંબંધો ખૂબ જ તણાવપૂર્ણ બન્યા હતા, પરંતુ હવે તેમની તાજેતરની જાહેરાત દર્શાવે છે કે બંને દેશો વચ્ચેના સંબંધો માત્ર સુધરી રહ્યા છે એટલું જ નહીં પરંતુ ફરીથી પહેલા જેવા બની રહ્યા છે.

ટ્રમ્પના પોસ્ટ પછી પીએમ મોદીએ પણ પોતાનું નિવેદન જાહેર કર્યું હતું. પીએમ મોદીએ કહ્યું કે મેડ ઇન ઇન્ડિયા ઉત્પાદો પર હવે 18 ટકા ટેરિફ લાગશે.

ડોનાલ્ડ ટ્રમ્પ અમેરિકા દેશ નરેન્દ્ર મોદી