Video: જંગલના રાજા સાથે સેલ્ફી લેવા ગયો હતો વ્યક્તિ, ખુંખાર સિંહે ગળુ દબોચી લીધુ અને...

આજકાલ સોશિયલ મીડિયા પર એક રૂંવાટા ઉભા કરતો વીડિયો વાયરલ થઈ રહ્યો છે. જેમાં સિંહ સાથે ફોટો પડાવવા ગયેલા વ્યક્તિનો જીવ જોખમમાં મૂકાઈ ગયો. ખરેખરમાં તે માણસ સિંહ સાથે પોતાનો ફોટો પડાવી રહ્યો હતો ત્યારે સિંહે તેનું ગળું પકડી લીધું. વીડિયોમાં તે માણસ એક પાલતુ સિંહ સાથે પોઝ આપતો જોઈ શકાય છે. પણ બીજી જ ક્ષણે તે હિંસક પ્રાણીએ તેની ગરદન પકડી લીધી. આ વાયરલ વીડિયો લોકોને એ શીખવવા માટે પૂરતો છે કે જંગલી પ્રાણીઓ સાથે સેલ્ફી લેવી કે તેમની નજીક જવું કેટલું જોખમી હોઈ શકે છે.

વીડિયો સોશિયલ મીડિયામાં વાયરલ

આ વાયરલ વીડિયો શારજાહ ટીવી (SBA) ના ભૂતપૂર્વ એન્કર ઝરનાબ ખાન લશારીએ તેમના ઇન્સ્ટાગ્રામ એકાઉન્ટ @zarnab.lashaari પર શેર કર્યો છે. ભૂતપૂર્વ એન્કરે વીડિયોના કેપ્શનમાં લખ્યું છે - જ્યારે તમે સિંહ સાથે પોઝ આપવાનો પ્રયાસ કરી રહ્યા હોવ અને સિંહ તમારી ગરદન પકડી લે ત્યારે શું થાય છે? આ હૃદયદ્રાવક વીડિયો ક્યારે અને ક્યાંનો છે તે અંગે કોઈ માહિતી આપવામાં આવી નથી.

સિંહે માણસ પર હુમલો કર્યો

વીડિયોમાં તમે એક પાલતુ સિંહને સીડી પર બેઠેલો જોઈ શકો છો. આ દરમિયાન એક માણસ સિંહની નજીક આવે છે અને તેની સાથે ફોટા પાડવાનું શરૂ કરે છે. તે માણસને ખબર નહોતી કે બીજી જ ક્ષણે તેની સાથે શું થવાનું છે. જેવો તે સિંહ સાથે ફોટો પાડવા માટે તેની નજીક જાય છે, સિંહ તેની ગરદન પકડી લે છે અને તેના તીક્ષ્ણ દાંતથી તેની ગરદન વીંધી નાખે છે. તમે તે માણસના ગળામાંથી ઘણું લોહી વહેતું પણ જોઈ શકો છો. એ તો સદનસીબે હતું કે સિંહનો રખેવાળ ત્યાં હાજર હતો અને તેણે હુમલો કરતાની સાથે જ સિંહના મોઢા પર થપ્પડ મારીને તેને ભગાડી દીધો.

ડિસ્ક્લેમર: આ સમાચારમાં આપવામાં આવેલી માહિતી સોશિયલ મીડિયા પોસ્ટ પર આધારિત છે. ગુજરાતી ઇન્ડિય એક્સપ્રેસ કોઈપણ દાવાની સત્યતાની પુષ્ટિ કરતું નથી.