Advertisment
FE Budget 2026
Co-presented by
Associate Sponsor
ધર્મ Photos

Rupal Palli: શું છે રૂપાલ પલ્લીનો ઈતિહાસ? જ્યાં વહે છે ઘીની નદીઓ

રાજ્યના ગાંધીનગરમાં આવેલ રૂપાલ ગામે વરદાયિની માતાની પલ્લી નિકળે છે. જ્યાં પલ્લી દરમિયાન રીતસરની ઘીની નદીઓ વહે છે. ગુજરાતમાં પ્રખ્યાત એવી રૂપાલની પલ્લીનો મેળો 11મી ઓક્ટોબરે મધરાતે યોજાશે જેમાં રાજ્યભરમાંથી શ્રદ્ધાળુઓ આવતા હોય છે.

Written byRakesh Parmar

રાજ્યના ગાંધીનગરમાં આવેલ રૂપાલ ગામે વરદાયિની માતાની પલ્લી નિકળે છે. જ્યાં પલ્લી દરમિયાન રીતસરની ઘીની નદીઓ વહે છે. ગુજરાતમાં પ્રખ્યાત એવી રૂપાલની પલ્લીનો મેળો 11મી ઓક્ટોબરે મધરાતે યોજાશે જેમાં રાજ્યભરમાંથી શ્રદ્ધાળુઓ આવતા હોય છે.

author-image
Rakesh Parmar
પર અપડેટ કર્યું
New Update
Rupal Palli
Rupal Palli: નવદુર્ગાના નવ સ્વરૂપોનો તહેવાર એટલે નવરાત્રી. આદ્યશક્તિ મા દુર્ગાના નવ સ્વરૂપોની નવરાત્રીમાં પૂજા અર્ચના કરવામાં આવે છે. આ દરમિયાન ખેલૈયાઓ ગરબે ઝુમે છે ત્યાં જ નવરાત્રીમાં આઠમ અને નૌમના દિવસે ગુજરાતના અનેક ગામો અને શક્તિપીઠોમાં માતાની પલ્લી નિકળતી હોય છે ત્યારે રાજ્યના ગાંધીનગરમાં આવેલ રૂપાલ ગામે વરદાયિની માતાની પલ્લી નિકળે છે. જ્યાં પલ્લી દરમિયાન રીતસરની ઘીની નદીઓ વહે છે. ગુજરાતમાં પ્રખ્યાત એવી રૂપાલની પલ્લીનો મેળો 11મી ઓક્ટોબરે મધરાતે યોજાશે જેમાં રાજ્યભરમાંથી શ્રદ્ધાળુઓ આવતા હોય છે. (તસવીર: સોશિયલ મીડિયા)
Rupal Palli
રૂપાલ ઘીની પલ્લી: રુપાલ પલ્લી શ્રધ્ધાળુઓ માટે આસ્થાનું મોટું કેન્દ્ર છે. વરદાયિની માતાની પલ્લીમાં લાખો શ્રદ્ધાળુઓ આવે છે. ગાંધીનગર નજીક આવેલા રૂપાલ ગામે વરદાયિની માતાની પલ્લી નવરાત્રી નવમી રાત્રીએ નીકળતી હોય છે જેમાં ઘીનો ચઢાવો થાય છે. એક જ રાતમાં હજારો લાખો કિલો ચોખ્ખું ઘી પલ્લીમાં ચઢે છે. (તસવીર: સોશિયલ મીડિયા)
Rupal Palli
રૂપાલ પલ્લીનો ઈતિહાસ: મહાભારતકાળથી રૂપાલ ગામમાં યોજાતા પલ્લી મેળામાં સમગ્ર ગુજરાતમાંથી શ્રદ્ધાળુઓ દર્શન કરવા આવતા હોય છે. પલ્લીના ઇતિહાસ પર નજર કરીએ તો, દ્વાપર યુગમાં પાંડવોએ ગુપ્તવાસમાં જતાં પહેલાં પોતાના શસ્ત્રો ખીજડાના એક વૃક્ષની નીચે સંતાડયા હતા. આ શસ્ત્રોની રક્ષા માટે તેઓએ વરદાયિની માતાને પ્રાર્થના કરી હતી. ત્યાર બાદ યુદ્ધમાં વિજય મેળવ્યા બાદ આસો સુદ નૌમના દિવસે કૃષ્ણ, પાંડવો અને દ્રૌપદી સાથે માતાજીની સોનાની પલ્લી બનાવી, તેની ઉપર પાંચ કુંડની સ્થાપના કરી હતી અને ગામમાં પલ્લી યાત્રા કાઢી પંચબલી યજ્ઞ કર્યો હતો. ત્યારથી લઈને અત્યાર સુધી આ પરંપરા યથાવત છે અને રૂપાલ ગામે માતા વરદાયિનીના સાનિધ્યમાં અહીં પલ્લી નિકાળવામાં આવે છે. (તસવીર: સોશિયલ મીડિયા)
Rupal Palli
લોક માન્યતા: વરદાયિની માતાને પ્રસન્ન કરવા માટે માતાની પલ્લીની ઉપર ચોખ્ખું ઘી ધરાવાય છે. જેમાં અંદાજે ચારથી પાંચ લાખ કિલો ઘીનો અભિષેક કરવામાં આવે છે. દેવીની પલ્લી-પાલખીને ઉંચકી જતો લાંબો વરઘોડો આ મેળાની વિશિષ્ટતા છે. દર વર્ષે પલ્લીમાં 10 લાખ જેટલા ભાવિકો આવે છે અને માતા સામે પોતાની મનોકામના માગે છે, જે શ્રદ્ધાળુંની મનોકામના પૂર્ણ થાય છે તે નવરાત્રીમાં નૌમના દિવસે માતાની પલ્લીની ઉપર ઘીનો અભિષેક કરે છે. (તસવીર: સોશિયલ મીડિયા)
Rupal Palli
રૂપાલ પલ્લી અને કથા: તમને જણાવી દઈએ કે, વરદાયીની માતાની પલ્લી સાથે ત્રણ જેટલી દંતકથાઓ જોડાયેલી છે. વરદાયીની માતા દેવસ્થાન સંસ્થાના કહેવા પ્રમાણે એક દંતકથા ત્રેતા યુગમાં ભગવાન શ્રી રામચંદ્ર, પિતાની આજ્ઞા પાળવા વનમાં ગયા. ત્યારે તેમણે ભરત મિલાપ બાદ શ્રી શ્રૃંગી ઋષિના આદેશથી લક્ષ્મણ તથા સીતામાતા સહિત શ્રી વરદાયીની માતાજીના દર્શન કરી પુજા અર્ચના કરી પ્રાર્થના કરતાં શ્રી વરદાયીની માતાજીયે પ્રસન્ન થઈ ભગવાન શ્રી રામચંદ્રને આશીર્વાદ આપી શક્તિ નામનુ એક અમોધ દિવ્ય અસ્ત્ર આપ્યુ. લંકાના યુદ્ધમાં ભગવાન શ્રી રામચંદ્ર આજ બાણથી અજેય રાવણનો વધ કર્યો હતો. (તમામ તસવીરો સોશિયલ મીડિયા)
ગાંધીનગર ગુજરાતી ન્યૂઝ ગુજરાત navratri ધર્મ ભક્તિ