Gujarat Weather Forecast: ગુજરાતમાં આગામી 6 દિવસ ભારેથી અતિભારે વરસાદની આગાહી

Gujarat Weather Forecast: ગુજરાતમાં આ દિવસોમાં ભારે વરસાદ પડી રહ્યો છે. ઘણી જગ્યાએ વરસાદનો કહેર ચાલુ છે. રાજ્યના ઘણા ભાગોમાં ભારે વરસાદથી રસ્તાઓ બેટમાં ફેરવાઈ ગયા છે, જેના કારણે લોકોને ગંભીર મુશ્કેલીઓનો સામનો કરવો પડી રહ્યો છે. આ દરમિયાન હવામાન વિભાગ (IMD) એ બનાસકાંઠામાં ઓરેન્જ એલર્ટ જારી કર્યું છે, જ્યાં ખૂબ જ ભારે વરસાદ, વાવાઝોડા, વીજળી અને તોફાનની આગાહી કરવામાં આવી છે. આ ઉપરાંત સૌરાષ્ટ્રના સાબરકાંઠા, છોટા ઉદેપુર, નર્મદા, ડાંગ, તાપી, વલસાડ અને જૂનાગઢ, અમરેલી અને ગીર સોમનાથ જિલ્લામાં પણ ભારે વરસાદની ચેતવણી જારી કરવામાં આવી છે. (તસવીર: IMD/X)

ગુજરાતણાં આજે 4 જુલાઈના રોજ 120થી વધુ તાલુકામાં વરસાદ નોંધાયો છે. જેમાં સુરત, બનાસકાંઠા, દેવભૂમિ દ્વારકા સહિતના વિસ્તારોમાં સારો એવો વરસાદ પડ્યો છે. તેવામાં હવામાન વિભાગે (IMD) એ આગામી 6 દિવસ માટે રાજ્યના અલગ-અલગ જિલ્લાઓમાં ભારે વરસાદનું એલર્ટ જાહેર કર્યું છે. (તસવીર: IMD/X)

હવામાન વિભાગની આગાહી મુજબ, આવતીકાલે શનિવારે (5 જુલાઈ) સાબરકાંઠા, અરવલ્લી જિલ્લામાં અતિભારે વરસાદનું ઑરેન્જ ઍલર્ટ અને બનાસકાંઠા, મહેસાણા, મહીસાગર, દાહોદ, પંચમહાલ, અમરેલી, ભાવનગર, સુરત, તાપી, ડાંગ, નવસારી, વલસાડ જિલ્લામાં ભારે વરસાદનું યલો ઍલર્ટ જાહેર કર્યું છે. (તસવીર: IMD/X)

હવામાન વિભાગની આગાહી મુજબ, આગામી 6-7 જુલાઈના રોજ નવસારી અને વલસાડ જિલ્લામાં ઓરેન્જ એલર્ટ અને અમરેલી, ભાવનગર, ભરૂચ, નર્મદા, સુરત, તાપી, છોટા ઉદેપુર, દાહોદ જિલ્લામાં યલો એલર્ટ જાહેર કર્યુ છે. (તસવીર: IMD/X)

હવામાન વિભાગની આગાહી મુજબ, 8 જુલાઈએ અમરેલી, ભાવનગર, નવસારી, ડાંગ, તાપી, નર્મદા, વલસાડ, છોટા ઉદેપુર, દાહોદમાં યલો એલર્ટ જાહેર કર્યું છે. (તસવીર: IMD/X)

હવામાન વિભાગે 9 જુલાઈએ નવસારી અને વલસાડમાં યલો એલર્ટ જાહેર કર્યું છે. (તસવીર: IMD/X)

હવામાન વિભાગે 10 જુલાએ સાબરકાંઠા, અરવલ્લી, મહીસાગર, દાહોદ જિલ્લામાં ગાજવીજ સાથે ભારે વરસાદને લઈને હવામાન વિભાગે યલો એલર્ટ જાહેર કર્યું છે. (તસવીર: IMD/X)