Sports Year Ender 2024: આ દિગ્ગજ ખેલાડીઓએ વર્ષ 2024માં સંન્યાસ લઈને સૌ કોઈને ચોંકાવી દીધા

Year Ender 2024, Cricketer's retirement: વર્ષ 2024માં ક્રિકેટની દુનિયાએ ઘણા મોટા અને દિગ્ગજ ખેલાડીઓને અલવિદા કહ્યું છે. આ ખેલાડીઓએ તેમની કારકિર્દીમાં શાનદાર પ્રદર્શન કર્યું અને ક્રિકેટ જગતમાં પોતાનું નામ નોંધાવ્યું છે. તેમની નિવૃત્તિથી ક્રિકેટપ્રેમીઓ ભારે નિરાશ છે. જોકે તેમની સિદ્ધિઓ ક્રિકેટ જગતમાં હંમેશા યાદ રખાશે. ચાલો જાણીએ એવા ક્રિકેટ ખેલાડીઓ વિશે જેમણે 2024 માં નિવૃત્તિની જાહેરાત કરી. (તસવીર: x)

ભારતીય બેટ્સમેન શિખર ધવને આ વર્ષે ક્રિકેટ છોડવાનો નિર્ણય લીધો છે. તેણે ઓગસ્ટમાં તમામ ફોર્મેટમાંથી નિવૃત્તિ જાહેર કરી હતી. તે લાંબા સમયથી ટીમની બહાર હતો અને પુનરાગમન કરવાનો પ્રયાસ કરી રહ્યો હતો, પરંતુ સફળતા ન મળી અને તેથી તેણે નિવૃત્તિ લેવાનો નિર્ણય કર્યો. (તસવીર: SDhawan25/X)

ટીમ ઈન્ડિયાએ આ વર્ષે T20 વર્લ્ડ કપ જીત્યો હતો. વિરાટ કોહલીએ ફાઇનલમાં શાનદાર ઇનિંગ રમી હતી, જેના માટે તેને મેન ઓફ ધ મેચ મળ્યો હતો. સાથે જ તેણે કહ્યું કે હવે તે T20 ક્રિકેટ નહીં રમે. (તસવીર: imVkohli/X)

ટી-20 વર્લ્ડ કપ 2024 વિજેતા કેપ્ટન રોહિત શર્માએ ટાઈટલ જીત્યા બાદ ટી-20 ક્રિકેટમાંથી નિવૃત્તિ લઈ લીધી છે. હવે તે માત્ર વન-ડે અને ટેસ્ટ મેચ જ રમે છે. (તસવીર: ImRo45/X)

વિરાટ અને રોહિત બાદ રવિન્દ્ર જાડેજાએ પણ ટી-20 ક્રિકેટમાંથી સંન્યાસ લઈ લીધો છે. તેનો નિર્ણય વર્લ્ડ કપ જીત્યા બાદ આવ્યો હતો. હવે તે માત્ર વન-ડે અને ટેસ્ટ મેચ જ રમે છે. (તસવીર: imjadeja/X)

ઓસ્ટ્રેલિયાના બેટ્સમેન ડેવિડ વોર્નરે આ વર્ષે ક્રિકેટની રમત છોડી દીધી છે. તેણે પહેલા જ કહ્યું હતું કે ટી-20 વર્લ્ડ કપ તેની છેલ્લી ટૂર્નામેન્ટ હશે અને એવું જ થયું. હવે તે આંતરરાષ્ટ્રીય ક્રિકેટ નથી રમી રહ્યો. (તસવીર: davidwarner31/X)

ભારતના વિકેટકીપર-બેટ્સમેન દિનેશ કાર્તિકે પણ આ વર્ષે ક્રિકેટમાંથી નિવૃત્તિ લેવાની જાહેરાત કરી હતી. તેણે પહેલા જ કહ્યું હતું કે IPL-2024 તેની છેલ્લી આઇપીએલ હશે. હવે તે રોયલ ચેલેન્જર્સ બેંગ્લોરનો મેન્ટર બની ગયો છે. (તસવીર: DineshKarthik/X)