નાની કીડીથી લઈને વિશાળ હાથી સુધી, આ જાનવરોની તાકાત સામે મશીનો પણ લાગશે લાચાર

કુદરતે કેટલાક જીવો બનાવ્યા છે જેમની શક્તિ મનુષ્યો કરતા અનેક ગણી વધારે છે. મનુષ્યો પોતાની શક્તિ વધારવા માટે મશીનો અને ટેકનોલોજીની મદદ લે છે, પરંતુ ઘણા જાનવરો એટલા શક્તિશાળી હોય છે કે તેઓ ભારે વસ્તુઓ સરળતાથી ઉપાડી શકે છે અથવા માત્ર સેકન્ડોમાં મોટા શિકારને વશ કરી શકે છે. (Photo Source: Pexels)

વૈજ્ઞાનિકો અને વન્યજીવન સંગઠનો અનુસાર, આ પ્રાણીઓના સ્નાયુઓ, શરીરની રચના અને ઉત્ક્રાંતિ તેમને અસાધારણ શક્તિ આપે છે. ચાલો આ પ્રાણીઓ વિશે જાણીએ. (Photo Source: Pexels)

હાથી

Environmental Literacy Council અને IFLScience અનુસાર, હાથીની સૂંઢમાં આશરે 40,000 સ્નાયુઓ હોય છે, જ્યારે સમગ્ર માનવ શરીરમાં ફક્ત 600 સ્નાયુઓ હોય છે. આ સૂંઢ વૃક્ષોને ઉખેડી શકે છે અને વાહનોને ઉથલાવી શકે છે. હાથી તેની સૂંઢ વડે મગફળી જેટલી નાની વસ્તુઓ ઉપાડી શકે છે અને જો જરૂરી હોય તો ભારે વસ્તુઓનો નાશ પણ કરી શકે છે. આ જ કારણ છે કે હાથીઓને પૃથ્વી પર સૌથી શક્તિશાળી સ્થળિય જાનવર માનવામાં આવે છે. (Photo Source: Pexels)

ગોરિલા

Institute for Environmental Research and Education અનુસાર, ગોરિલામાં માનવીઓ કરતા શરીરના ઉપરના ભાગની શક્તિ લગભગ છ ગણી હોય છે. તેઓ પોતાના શરીરના વજન કરતાં 10 ગણું વજન ઉપાડી શકે છે. તેમના સ્નાયુ તંતુઓ મનુષ્યો કરતાં વધુ ગાઢ હોય છે, જે તેમને અસાધારણ શક્તિ આપે છે. ગોરિલા સરળતાથી લોખંડના સળિયા વાળી શકે છે અને ઝાડ ઉખેડી શકે છે. નોંધનિય છે કે તેઓ ભાગ્યે જ તેમની સંપૂર્ણ શક્તિનો ઉપયોગ કરે છે, કારણ કે તેમને પ્રકૃતિમાં ભાગ્યે જ તેની જરૂર હોય છે. (Photo Source: Pexels)

ગ્રીઝલી રીંછ

Animal Spot મુજબ, ગ્રીઝલી રીંછના કરડવાથી થતું દબાણ આશરે 1,200 PSI છે, જે બોલિંગ બોલને કચડી શકે છે. એક પંજો આશરે 600 પાઉન્ડ જેટલું બળ ઉત્પન્ન કરે છે, જે મોટા પ્રાણીઓને પણ નીચે પછાડી શકે છે. 800 પાઉન્ડ સુધીનું વજન હોવા છતાં આ રીંછ 55 કિલોમીટર પ્રતિ કલાકની ઝડપે દોડી શકે છે. તેના ખભાના સ્નાયુઓ અત્યંત મજબૂત હોય છે, જે તેને શિકાર કરવા અને ખોદવામાં મદદ કરે છે. (Photo Source: Pexels)

હાર્પી ઇગલ

ફોર્બ્સ અને પીબીએસ અનુસાર, હાર્પી ઇગલના પંજા લગભગ 5 ઇંચ લાંબા છે, જે રીંછના પંજા જેટલા જ છે. તેના પંજામાં એટલી મજબૂત પકડ છે કે તે વાંદરા અને સ્લોથ જેવા પ્રાણીઓને ઝાડ પરથી ઉપાડી શકે છે. તેની દ્રષ્ટિ માનસ કરતા લગભગ 8 ગણી તીક્ષ્ણ હોય છે, જેના કારણે તે દૂરથી શિકારને શોધી શકે છે. તેની શક્તિ અને ગતિ તેને આકાશમાં સૌથી ખતરનાક શિકારીઓમાંનું એક બનાવે છે. (Photo Source: Pexels)

જગુઆર

એનિમલ સ્પોટ મુજબ, જગુઆરનું બચકું બધી મોટી બિલાડીઓમાં સૌથી શક્તિશાળી છે, જે આશરે 1,500 PSI સુધી પહોંચે છે. જ્યારે સિંહ અને વાઘ તેમના શિકારનું ગળું દબાવી દે છે, ત્યારે જગુઆર ખોપરીમાં સીધા કરડીને તેના શિકારને મારી નાખે છે. તે કાચબાના કવચ અને મગર જેવા પ્રાણીઓની જાડી ચામડીને સરળતાથી કાપી શકે છે. તેનો શિકાર સફળતા દર આશરે 80% છે, જે તેને સૌથી ખતરનાક શિકારીઓમાંનો એક બનાવે છે. (Photo Source: Pexels)

Leafcutter Ant

એનિમલ સ્પોટ મુજબ, Leafcutter Ant તેના શરીરના વજન કરતાં 50 ગણું ઊંચકી શકે છે. તેની ગરદન તેના પોતાના વજન કરતાં 5,000 ગણું દબાણ સહન કરી શકે છે. જો માણસમાં આટલી શક્તિ હોત તો તે એકસાથે અનેક કાર ઉપાડી શકત. આ કીડીની શક્તિ દર્શાવે છે કે કદ હંમેશા શક્તિને માપતું નથી. (Photo Source: Pexels)

કુદરતની શક્તિ મનુષ્યોથી ઘણી આગળ

વૈજ્ઞાનિકોના મતે પ્રાણીઓની શક્તિ તેમના શરીરની રચના, સ્નાયુઓની ઘનતા અને ઉત્ક્રાંતિ પ્રક્રિયાઓનું પરિણામ છે. હાથી, ગોરિલા અને રીંછ જેવા પ્રાણીઓમાં મનુષ્યો કરતાં અનેક ગણી વધુ શક્તિ હોય છે. મનુષ્યો પૃથ્વી પર સૌથી બુદ્ધિશાળી જીવો હોઈ શકે છે, પરંતુ પ્રકૃતિમાં ઘણા જીવો શક્તિમાં તેમનાથી ઘણા આગળ છે. (Photo Source: Pexels)