અભિષેક શર્મા ભારતનો નવો 'સિક્સર કિંગ', ગુરૂ યુવરાજ સિંહ પાછળ રહી ગયો; વિરાટ કોહલીનો રેકોર્ડ પણ ધ્વસ્ત

અભિષેક શર્માએ ન્યૂઝીલેન્ડ સામેની પહેલી ટી-20 માં 35 બોલમાં 84 રનની શાનદાર ઇનિંગ રમી હતી. તેણે આ ઇનિંગમાં પાંચ ચોગ્ગા અને આઠ છગ્ગા ફટકાર્યા હતા. આ ઇનિંગ સાથે અભિષેક શર્માએ બે મોટા રેકોર્ડ તોડ્યા હતા. તેણે ટી-20 માં સિક્સરના સંદર્ભમાં તેના ગુરૂ યુવરાજ સિંહને પાછળ છોડી દીધો હતો. એમ કહેવું ખોટું નહીં હોય કે તે ભારતના નવા સિક્સર કિંગ બનવાના માર્ગે છે.

અભિષેક શર્માએ ટી-20 માં 5000 રન પણ પૂરા કર્યા છે. શર્માએ ટી-20 માં સૌથી ઝડપી 5000 રન પૂરા કરવાનો વિરાટ કોહલીનો રેકોર્ડ તોડ્યો હતો. વિરાટ કોહલીએ 167 ઇનિંગમાં 5000 ટી-20 રન પૂરા કર્યા હતા. શર્માએ તેની 165મી ટી-20 ઇનિંગમાં આ સિદ્ધિ હાંસલ કરી, જેનાથી તે આવું કરનાર ત્રીજો સૌથી ઝડપી ભારતીય ખેલાડી બન્યો છે.

ભારત માટે સૌથી ઝડપી 5000 ટી-20 રન

• કેએલ રાહુલ: 143 ઇનિંગ્સ
• શુભમન ગિલ: 154 ઇનિંગ્સ
• અભિષેક શર્મા: 165 ઇનિંગ્સ
• વિરાટ કોહલી: 167 ઇનિંગ્સ

અભિષેકે પોતાના મેન્ટર યુવરાજ સિંહને પાછળ છોડી દીધો

અભિષેક શર્માએ પોતાના મેન્ટર યુવરાજ સિંહને પણ પાછળ છોડી દીધો છે. તે હવે ભારત માટે ટી-20 આંતરરાષ્ટ્રીય મેચોમાં સૌથી વધુ સિક્સર મારનાર છઠ્ઠો બેટ્સમેન બની ગયો છે. આ મેચ પહેલા અભિષેકે આ ફોર્મેટમાં ભારત માટે 32 ઇનિંગ્સમાં 73 સિકસર ફટકારી હતી. હવે તેની 33મી ઇનિંગ્સમાં 8 સિક્સર ફટકારીને તે 81 ટી-20 આંતરરાષ્ટ્રીય મેચોમાં પહોંચી ગયો છે.

ટીમ ઈન્ડિયાના સંતુલન માટે હાર્દિક પંડ્યા કેમ જરૂરી છે? આકાશ ચોપરાનું વિશ્લેષણ

ભારત માટે ટી-20 આંતરરાષ્ટ્રીય મેચોમાં સૌથી વધુ સિકસર

• રોહિત શર્મા: 205 (151 ઇનિંગ્સ)
• સૂર્યકુમાર યાદવ: 156 (94 ઇનિંગ્સ)*
• વિરાટ કોહલી: 124 (117 ઇનિંગ્સ)
• હાર્દિક પંડ્યા: 107 (98 ઇનિંગ્સ)*
• કેએલ રાહુલ: 99 (68 ઇનિંગ્સ)
• અભિષેક શર્મા: 81 (33 ઇનિંગ્સ)*
• યુવરાજ સિંહ: 74 (51 ઇનિંગ્સ)

અભિષેક શર્માએ આ ઇનિંગમાં પોતાની સાતમી ટી-20 આંતરરાષ્ટ્રીય અડધી સદી ફટકારી છે અને આ ફોર્મેટમાં બે સદી પણ ફટકારી છે. હવે તેના ટી-20 આંતરરાષ્ટ્રીય મેચોમાં કુલ 1199 રન છે. તે હાલમાં વિશ્વનો નંબર 1 ટી-20 બેટ્સમેન પણ છે. આગામી ટી-20 વર્લ્ડ કપ 2026માં બધાની નજર તેના પર રહેશે.