India vs Pakistan: ટીમ ઈન્ડિયાએ પાકિસ્તાનને 6 વિકેટથી હરાવ્યું, અભિષેક શર્માની વિસ્ફોટક ઇનિંગ

Asia Cup 2025, India vs Pakistan Super Fours, Match 2, IND vs PAK: એશિયા કપ 2025 ના બીજા સુપર-4 મેચમાં ભારતે પાકિસ્તાનને ખૂબ જ સરળતાથી 6 વિકેટથી હરાવ્યું છે. આ મેચમાં પાકિસ્તાને ભારત માટે 172 રનનો લક્ષ્યાંક રાખ્યો હતો. ટીમ ઈન્ડિયાએ આ લક્ષ્યાંક ફક્ત 18.5 ઓવરમાં 6 વિકેટ બાકી રહેતા હાંસલ કરી લીધો. આ મેચમાં ભારત માટે અભિષેક શર્માએ 74 રનની તોફાની ઇનિંગ રમી. તે આ મેચમાં ભારતની જીતનો હીરો રહ્યો. ભારતે સુપર-4 ની શરૂઆત જીત સાથે કરી છે, જ્યારે આ એશિયા કપમાં પાકિસ્તાન સામે ભારતની આ બીજી જીત છે. આ પહેલા ભારતે ગ્રુપ સ્ટેજ મેચમાં પાકિસ્તાનને 7 વિકેટથી હરાવ્યું હતું.

આ વખતે પણ પરિસ્થિતિ એવી જ છે. મેચ રેફરી એન્ડી પાયક્રોફ્ટ સામે વાંધો ઉઠાવવાને કારણે પાકિસ્તાને UAE સામેની તેમની અંતિમ ગ્રુપ મેચ પહેલા ટુર્નામેન્ટમાંથી સંપૂર્ણપણે ખસી જવાની ધમકી આપી હતી. પાકિસ્તાને આરોપ લગાવ્યો હતો કે એન્ડી પાયક્રોફ્ટ ભારતની તરફેણ કરી રહ્યા છે.

ભારત અને પાકિસ્તાન વચ્ચેના સંબંધો સારા નથી પરંતુ બંને ટીમોના ખેલાડીઓ મેદાન પર તેમના મૈત્રીપૂર્ણ વર્તન માટે જાણીતા હતા. જોકે આ ટુર્નામેન્ટની પહેલી મેચમાં મેદાન પર તેમની વચ્ચેની ઉદાસીનતાએ આ સંબંધને તણાવપૂર્ણ બનાવ્યો. સુપર 4 માં આ પરિસ્થિતિ ચાલુ રહે છે કે કેમ તે જોવાનું બાકી છે.

પાકિસ્તાન સામેની મેચ વિશે સૂર્યકુમાર યાદવે શું કહ્યું?

પાકિસ્તાન સામેની સુપર 4 મેચ વિશે સૂર્યકુમાર યાદવે કહ્યું, "જો આપણે (પાકિસ્તાન સાથે) દુશ્મનાવટ વિશે વાત કરીએ તો મને ખબર નથી કે તમે કેવા પ્રકારની દુશ્મનાવટ વિશે વાત કરી રહ્યા છો. જ્યારે હું મેદાન પર જાઉં છું, ત્યારે મને લાગે છે કે સ્ટેડિયમ ભરેલું છે, અને જ્યારે સ્ટેડિયમ ભરેલું હોય છે ત્યારે હું મારી ટીમ અને બધાને કહું છું કે મનોરંજનનો સમય આવી ગયો છે. ઘણા બધા લોકો મેચ જોવા આવ્યા છે, તેથી તમારે બધાનું મનોરંજન કરવું પડશે."

Sep 21, 2025 23:49 IST
IND vs PAK Live Score Updates: સંજુ સેમસન આઉટ
સંજુ સેમસન આઉટ થઈ ગયો છે. ભારત હવે ચાર વિકેટ ગુમાવી ચૂક્યું છે. ટીમ ઈન્ડિયાએ 16.4 ઓવરમાં 148 રન બનાવી લીધા છે.



Sep 21, 2025 23:17 IST
IND vs PAK Live Score Updates: સુર્યકુમાર યાદવ આઉટ
ભારતને સુર્યકુમાર યાદવના સ્વરૂપમાં બીજો ઝટકો મળ્યો છે. સુર્યકુમાર યાદવ 3 બોલા રમીને ઝીરો રને આઉટ થયો છે.



Sep 21, 2025 23:11 IST
IND vs PAK Live Score Updates: શુભમન ગિલ આઉટ
ટીમ ઈન્ડિયાને શુભમન ગિલના સ્વરૂપમાં પ્રથમ ઝટકો મળ્યો છે. ગિલ 28 બોલમાં 47 રન બનાવીને આઉટ થયો છે. ભારતનો લાઈવ સ્કોર 105/1



Sep 21, 2025 22:56 IST
IND vs PAK Live Score Updates: અભિષેક શર્માની અડધી સદી
અભિષેક શર્માએ પાકિસ્તાન વિરૂદ્ધ શાનદાર બેટિંગ કરતા 24 બોલમાં 52 રન બનાવી લીધા છે. 8 ઓવરના અંતે ભારતનો લાઈવ સ્કોર 96 રન છે.



Sep 21, 2025 22:33 IST
IND vs PAK Live Score Updates: ભારતનો લાઈવ સ્કોર 31 રન
ત્રણ ઓવરના અંતે ભારતીય ટીમે 31 રન બનાવી લીધા છે. હાલમાં શુભમન ગિલ અને અભિષેક શર્મા ક્રિઝ પર છે અને શાનદાર બેટિંગ કરી રહ્યા છે.



Sep 21, 2025 22:18 IST
IND vs PAK Live Score Updates: ભારતને જીતવા માટે 172 રનનો ટાર્ગેટ
પ્રથમ બેટિંગ કરતા પાકિસ્તાને 20 ઓવરમાં 171 રન બનાવ્યા. ઓપનર સાહિબજાદા ફરહાને સૌથી વધુ 58 રન બનાવ્યા. અન્ય કોઈ બેટ્સમેન અડધી સદી સુધી પહોંચી શક્યો નહીં. ભારત તરફથી શિવમ દુબેએ બે વિકેટ લીધી. હાર્દિક પંડ્યા અને કુલદીપ યાદવે પણ એક-એક વિકેટ લીધી.



Sep 21, 2025 21:25 IST
IND vs PAK Live Score Updates: પાકિસ્તાનને ચોથો ઝટકો
પાકિસ્તાનને શાહિબજાદા ફરહાનના સ્વરૂપમાં ચોથો ઝટકો મળ્યો છે. તેણે 45 બોલમાં 58 રન બનાવ્યા. તેને શિવમ દૂબેએ પોતાનો શિકાર બનાવ્યો.



Sep 21, 2025 21:19 IST
IND vs PAK Live Score Updates: પાકિસ્તાનને ત્રીજો ઝટકો
પાકિસ્તાનને હુસૈન તલતના સ્વરૂપમાં ત્રીજો મળ્યો છે. કુલદીપ યાદવની ઓવરમાં વરૂણ ચક્રવર્તીએ કેચ પકડ્યો અને હુસૈન તલતને પેવેલિયન ભેગો કર્યો છે. હાલમાં પાકિસ્તાનનો લાઈવ સ્કોર 110/3 છે.



Sep 21, 2025 21:02 IST
IND vs PAK Live Score Updates: પાકિસ્તાનને બીજો ઝટકો
પાકિસ્તાનને 11મી ઓવરમાં શિવમ દૂબેએ બીજો ઝટકો આપ્યો છે. સેમ અયુબનો કેસ અભિષેક શર્માએ લપક્યો અને તેને પેવેલિયન ભેગો કર્યો છે.



Sep 21, 2025 20:59 IST
IND vs PAK Live Score Updates: 10 ઓવર પૂરી, લાઈવ સ્કોર 91/1
પાકિસ્તાનની ઇનિંગની દસ ઓવર પૂરી થઈ ગઈ છે. ટીમે એક વિકેટ ગુમાવીને 91 રન બનાવી લીધા છે. ફખર ઝમાનના આઉટ થયા પછી સાહિબજાદા ફરહાન અને સેમ અયુબ ક્રીઝ પર છે. સાહિબજાદાએ પોતાની અડધી સદી પણ પૂરી કરી લીધી છે.



Sep 21, 2025 20:10 IST
IND vs PAK Live Score Updates: અભિષેક શર્માએ કેચ છોડ્યો
અભિષેક શર્માએ ફરહાનનો કેચ છોડી દીધો. બાઉન્ડ્રી લાઇન પર તે મુશ્કેલ કેચ હતો, પણ તે પકડવો જોઈતો હતો.



Sep 21, 2025 19:51 IST
IND vs PAK Live Score Updates: બંને ટીમોની પ્લેઈંગ ઈલેવન
ભારતની પ્લેઈંગ ઈલેવન
અભિષેક શર્મા, શુભમન ગિલ, સંજુ સેમસન (વિકેટકીપર), સૂર્યકુમાર યાદવ (કેપ્ટન), તિલક વર્મા, શિવમ દુબે, હાર્દિક પંડ્યા, અક્ષર પટેલ, જસપ્રિત બુમરાહ, કુલદીપ યાદવ, વરુણ ચક્રવર્તી.
પાકિસ્તાનની પ્લેઈંગ ઈલેવન
સેમ અયુબ, સાહિબજાદા ફરહાન, ફખર ઝમાન, સલમાન આગા (કેપ્ટન), હુસૈન તલત, મોહમ્મદ હરિસ (વિકેટકીપર), મોહમ્મદ નવાઝ, ફહીમ અશરફ, શાહીન આફ્રિદી, હરિસ રઉફ, અબરાર અહેમદ.



Sep 21, 2025 19:50 IST
IND vs PAK Live Score Updates: ભારતે ટોસ જીત્યો
ભારતે ટોસ જીતીને પ્રથમ બોલિંગ કરવાનો નિર્ણય લીધો છે. ટોસ દરમિયાન સૂર્યકુમાર યાદવે પાકિસ્તાની કેપ્ટન સલમાન આગા સાથે હાથ મિલાવ્યો નથી.



Sep 21, 2025 18:07 IST
IND vs PAK Live Score Updates: ભારતની સંભવિત પ્લેઈંગ ઈલેવન
અભિષેક શર્મા, શુભમન ગિલ, સૂર્યકુમાર યાદવ (કેપ્ટન), તિલક વર્મા, સંજુ સેમસન (વિકેટકીપર), શિવમ દુબે, હાર્દિક પંડ્યા, અક્ષર પટેલ, કુલદીપ યાદવ, જસપ્રિત બુમરાહ, વરુણ ચક્રવર્તી.



Sep 21, 2025 18:07 IST
IND vs PAK Live Score Updates: પાકિસ્તાનની સંભવિત પ્લેઈંગ ઈલેવન
સૈમ અયુબ, સાહિબજાદા ફરહાન, મોહમ્મદ હરિસ (વિકેટકીપર), ફખર જમાન, સલમાન અલી આગા (કેપ્ટન), ખુશદિલ શાહ, હસન નવાઝ, મોહમ્મદ નવાઝ, શાહીન શાહ આફ્રિદી, હરિસ રઉફ, અબરાર અહેમદ.



Sep 21, 2025 18:06 IST
IND vs PAK Live Score Updates: ઝાકળ એક મુખ્ય મુદ્દો રહેશે
યુએઈના વાતાવરણે એશિયા કપ 2025 પુરુષોની ક્રિકેટ ટુર્નામેન્ટને બધા ખેલાડીઓ માટે પડકારજનક ઇવેન્ટ બનાવી દીધી છે. દુબઈ અને અબુ ધાબી બંનેએ ગરમ હવામાનનો અનુભવ કરાવ્યો છે. રવિવારની મેચ દરમિયાન તાપમાન 35°C અને 36°C ની વચ્ચે રહેવાની ધારણા છે. ટુર્નામેન્ટમાં ઝાકળ એક મુખ્ય પરિબળ રહ્યું છે, જેના કારણે બીજી ઇનિંગમાં બોલિંગ મુશ્કેલ બની ગઈ છે. જો કે એશિયા કપ 2025માં પ્રથમ બેટિંગ કરતી વખતે ઓછા સ્કોરે આ અસરને મોટાભાગે ઓછી કરી છે. રાત્રે તાપમાનમાં અચાનક ઘટાડો થવાથી, ઝાકળ એક મુખ્ય મુદ્દો રહેશે.



Sep 21, 2025 18:06 IST
IND vs PAK Live Score Updates: દુબઈમાં સ્પિનરોનું વર્ચસ્વ
દુબઈ ક્રિકેટ સ્ટેડિયમની પિચ અત્યાર સુધી ધીમી રહી છે, જેના કારણે બેટ્સમેનોને મુક્તપણે રન બનાવવામાં મુશ્કેલી પડી રહી છે. એશિયા કપ 2025માં આ પિચ પર સરેરાશ પ્રથમ ઇનિંગનો સ્કોર ફક્ત 135 રન રહ્યો છે, જે બોલરો માટે વધુ મદદરૂપ બન્યો છે. સ્પિનરોએ દુબઈ ક્રિકેટ ગ્રાઉન્ડ પર પ્રભુત્વ મેળવ્યું છે, જેમાં મોટાભાગની વિકેટો લીધી છે. છેલ્લા ત્રણ વર્ષમાં ગ્રાઉન્ડ પર 200 થી વધુનો સ્કોર જોવા મળ્યો નથી.