scorecardresearch

ઓસ્ટ્રેલિયા-ઈંગ્લેન્ડની મેચમાં એવી વસ્તુ જોઈ કે ભારતીય દિગ્ગજ થયા ચિંતિત, ‘કાશ વર્લ્ડ કપમાં આવું જોવા ન મળે’

Australia vs England, 1st T20I : વસીમ જાફરે (wasim jaffer) સોશિયલ મીડિયા દ્વારા પોતાની ચિંતા વ્યક્ત કરી હતી, સાથે જ આશા વ્યક્ત કરી હતી કે, વર્લ્ડ કપ (T20 World Cup) માં તેમને અથવા અન્ય કોઈ ક્રિકેટ ફેન્સને આ જોવા નહીં મળે.

ઓસ્ટ્રેલિયા-ઈંગ્લેન્ડની મેચમાં એવી વસ્તુ જોઈ કે ભારતીય દિગ્ગજ થયા ચિંતિત, ‘કાશ વર્લ્ડ કપમાં આવું જોવા ન મળે’
વસીમ જાફરે ટ્વિટ કર્યું હતું. આની તેમણે એક તસવીર પણ શેર કરી

Australia vs England, 1st T20I : ઓસ્ટ્રેલિયા અને ઈંગ્લેન્ડ વચ્ચેની ત્રણ મેચની સિરીઝની પ્રથમ T20 9 ઓક્ટોબર 2022 ના રોજ પર્થના પર્થ સ્ટેડિયમમાં રમાઈ હતી. આ મેચમાં ઈંગ્લેન્ડે ઓસ્ટ્રેલિયાને જીતવા માટે 209 રનનો ટાર્ગેટ આપ્યો હતો. અને ટીમે 24 ચોગ્ગા અને 9 છગ્ગા ફટકાર્યા હતા. આ મેચમાં એક એવી વસ્તુ થઈ, જેને જોઈને ભારતીય ક્રિકેટ ટીમ (Indian Cricket Team) ના પૂર્વ ઓપનર વસીમ જાફર (wasim jaffer) ચિંતા કરવા લાગ્યા.

વસીમ જાફરે સોશિયલ મીડિયા દ્વારા પોતાની ચિંતા વ્યક્ત કરી હતી, સાથે જ આશા વ્યક્ત કરી હતી કે, વર્લ્ડ કપમાં તેમને અથવા અન્ય કોઈ ક્રિકેટ ફેન્સને આ જોવા નહીં મળે. વસીમ જાફરે 9 ઓક્ટોબરે બપોરે 2:42 વાગ્યે એક ટ્વિટ કર્યું હતું. આની તેમણે એક તસવીર પણ શેર કરી છે.

ટ્વીટમાં વસીમ જાફરે લખ્યું, ‘મને લાગે છે કે ઓસ્ટ્રેલિયા vs ઈંગ્લેન્ડ T20 ઈન્ટરનેશનલ (બાઉન્ડ્રી નાની કરવી) માં બાઉન્ડ્રી રોપ કરવામાં આવી છે. હું આશા રાખું છું કે વર્લ્ડ કપ દરમિયાન આવું ન થાય. મોટા મેદાનો, અને લાંબી બાઉન્ડ્રી જ ઓસ્ટ્રેલિયામાં ક્રિકેટને ખાસ બનાવે છે.

આ દરમિયાન જાણવા મળ્યું કે, આ મેચમાં પર્થની બાઉન્ડ્રી માત્ર 75-78 મીટરની હતી. મેલબોર્ન ગ્રાઉન્ડનું કદ 80-90, સિડની ક્રિકેટ ગ્રાઉન્ડનું કદ 75-85 અને બ્રિસ્બેન ક્રિકેટ ગ્રાઉન્ડ (GABA)નું કદ 75-85 મીટર છે. આ ક્યારેક થોડી ટૂંકી કરવામાં આવે છે.

જોસ બટલર અને એલેક્સ હેલ્સે ઈતિહાસ રચ્યો

ઓસ્ટ્રેલિયા સામેની આ T20 મેચમાં ઈંગ્લેન્ડની ઈનિંગની વાત કરીએ તો કેપ્ટન અને વિકેટકીપર જોસ બટલરે 32 બોલમાં 8 ચોગ્ગા અને 4 છગ્ગાની મદદથી 68 રન બનાવ્યા હતા. એલેક્સ હેલ્સ 51 બોલમાં 84 રન બનાવીને આઉટ થયો હતો.

તેણે પોતાની ઇનિંગ દરમિયાન 12 ફોર અને 3 સિક્સર ફટકારી હતી. બંને વચ્ચે પ્રથમ વિકેટ માટે 132 રનની ભાગીદારી થઈ હતી. ટી20 ઈન્ટરનેશનલમાં પ્રથમ વિકેટ માટે ઈંગ્લેન્ડ માટે આ બીજી સૌથી મોટી ભાગીદારી છે.

આ પણ વાંચોઆ ખેલાડી દાળ-ભાત સાથે આઈસક્રીમ ખાય છે, જાણો કોહલીએ કયા ક્રિકેટરનું રહસ્ય ખોલ્યું

ખાસ વાત એ છે કે બંનેની ભાગીદારીમાં એલેક્સ હેલ્સ સામેલ છે. નંબર વન પર માઈકલ લેમ્બ અને એલેક્સ હેલ્સની જોડી છે. બંનેએ 15 ફેબ્રુઆરી 2013ના રોજ વેલિંગ્ટન ખાતે ન્યૂઝીલેન્ડ સામે 143 રનની અણનમ ભાગીદારી નોંધાવી હતી. ઈંગ્લેન્ડે તે મેચ 10 વિકેટે જીતી લીધી હતી.

Web Title: Australia vs england 1st t20i wasim jaffer good this not seen t20 world cup

Best of Express