શું યુઝવેન્દ્ર ચહલે ડિવોર્સ બાદ ધનશ્રીને આપ્યો ખાસ મેસેજ, ટીશર્ટ પર લખેલા શબ્દો વાયરલ

ભારતીય ક્રિકેટ ટીમના લેગ સ્પિનર ​​યુઝવેન્દ્ર ચહલ અને ધનશ્રી વર્માના છૂટાછેડા થઈ ગયા છે. ગુરુવારે ચહલ અને ધનશ્રી મુંબઈની બાંદ્રા ફેમિલી કોર્ટ પહોંચ્યા હતા. આ છૂટાછેડાના બદલામાં ધનશ્રી વર્માને ચહલ તરફથી 4.75 કરોડ રૂપિયાનું ભરણપોષણ મળ્યું છે, જેમાંથી 2.37 કરોડ રૂપિયા ચહલે ધનશ્રીને આપી દેવાયા છે. તમને જણાવી દઈએ કે જ્યારે ચહલ કોર્ટ પહોંચ્યો ત્યારે તેના ચહેરા પર માસ્ક હતું અને તેણે કાળી હૂડી પહેરી હતી, પરંતુ જ્યારે તે કોર્ટની બહાર નિકળ્યો ત્યારે તેણે પોતાની હૂડી ઉતારી દીધી હતી.

હૂડી ઉતાર્યા બાદ તેના ટી-શર્ટ પર લખેલું કેપ્શન વાંચીને બધા આશ્ચર્યચકિત થઈ ગયા હતા. આ છૂટાછેડા પછી ચહલે ચોક્કસપણે પોતાનો ચહેરો માસ્કથી ઢાંક્યો હતો પરંતુ ટી-શર્ટનું કેપ્શન ઘણું બધું કહી રહ્યું હતું. તેના પર લખ્યું હતું - 'બી યોર ઓન સુગર ડેડી'. અંગ્રેજીમાં લખેલા આ કેપ્શનની હવે સોશિયલ મીડિયામાં ખૂબ ચર્ચા થઈ રહી છે.

ચહલની ટી-શર્ટ પર શું લખ્યું હતું?

હકીકતમાં ચહલના ટી-શર્ટ પર 'Sugar Daddy' લખેલા અંગ્રેજી કેપ્શનનો અર્થ એવી વ્યક્તિ થાય છે જે પૈસા અથવા ભેટના બદલામાં કોઈ યુવક કે યુવતી સાથે સંબંધમાં હોય. જોકે એ સંયોગ હોઈ શકે છે કે ચહલ આવા કેપ્શનવાળી ટી-શર્ટ પહેરીને કોર્ટ પર પહોંચ્યો પરંતુ ગમે તે હોય તેની ટી-શર્ટના કેપ્શનની ચર્ચા દરેક જગ્યાએ થઈ રહી છે.

આ પણ વાંચો: શરીર પર ભગવાનનું ટેટૂ બનાવવું જોઈએ કે નહીં?

ધનશ્રી વર્મા સાદા કપડામાં કોર્ટ પહોંચી

ધનશ્રી વર્મા વિશે વાત કરીએ તો તે ખૂબ જ સરળ દેખાવમાં કોર્ટમાં પહોંચી હતી. ચહેરા પર માસ્કની સાથે ધનશ્રીએ સનગ્લાસથી પોતાની આંખો છુપાવી હતી. આ ઉપરાંત તેણે સફેદ ટી-શર્ટ અને વાદળી જીન્સ પહેર્યું હતું. ધનશ્રી અને ચહલ કોર્ટ પરિસરમાં પહોંચતાની સાથે જ મીડિયાની ભીડ ત્યાં એકઠી થઈ ગઈ હતી.