IND A vs BAN A: રાધા યાદવની કેપ્ટનશીપ હેઠળ જુનિયર મહિલા ટીમ એશિયન ચેમ્પિયન બની, ફાઇનલમાં બાંગ્લાદેશને હરાવ્યું

ભારતીય જુનિયર મહિલા ટીમે મહિલા એશિયા કપ રાઇઝિંગ સ્ટાર્સ 2026નો ખિતાબ જીત્યો છે. પહેલા રમતા ભારતીય ટીમ 7 વિકેટે ફક્ત 134 રન બનાવી શકી. જવાબમાં ટુર્નામેન્ટના ફાઇનલ સુધી અણનમ રહેલ બાંગ્લાદેશ ફક્ત 88 રન બનાવી શક્યું અને ઓલઆઉટ થઈ ગયું. આમ ભારતે મેચ 46 રનથી મેચ જીતી લીધી, અને રાધા યાદવની કેપ્ટનશીપ હેઠળ જુનિયર મહિલા ટીમ એશિયન ચેમ્પિયન બની.

બોલરોએ બાંગ્લાદેશને હરાવ્યું

ભારત માટે તેજલ હસબનીસે પ્રથમ ઇનિંગમાં 51 રનની અણનમ ઇનિંગ રમી. પ્રેમા રાવતનું બોલિંગ પ્રદર્શન પ્રભાવશાળી હતું, તેણે 4 ઓવરમાં 12 રન આપીને 3 વિકેટ લીધી. તેણીએ ભારતની જીતમાં મહત્વપૂર્ણ ભૂમિકા ભજવી.

Champions. Once more. 🏆

India A seal back-to-back titles with a 46-run win over Bangladesh A 🇮🇳✨ #SonySportsNetwork#GirlsRising | DP World Women’s Asia Cup Rising Stars 2026 pic.twitter.com/lf5vd1eDeM

— Sony Sports Network (@SonySportsNetwk) February 22, 2026

ભારતના બોલરોએ શાનદાર પ્રદર્શન કર્યું. ભારતીય કેપ્ટન રાધા યાદવે 4 ઓવરમાં 16 રન આપીને 1 વિકેટ લીધી. તનુજા કંવર અને સોનિયા મેંધિયાએ 2-2 વિકેટ લીધી, જ્યારે મિન્નુ મણિ અને સૈમ ઠાકોરે 1-1 વિકેટ લીધી. બાંગ્લાદેશ 19.1 ઓવરમાં 88 રનમાં ઓલઆઉટ થઈ ગયું અને ટીમ ઈન્ડિયા એશિયન ચેમ્પિયન બની.

'ખતરનાક કામ કરે છે,' સંજય માંજરેકરે સૂર્યકુમાર યાદવની બેટિંગ પર સવાલ ઉઠાવ્યા

આ ટુર્નામેન્ટમાં ટીમ ઈન્ડિયાના પ્રદર્શનની વાત કરીએ તો ગ્રુપ સ્ટેજમાં ભારતની શરૂઆત ખરાબ રહી હતી. ટીમ પહેલી મેચમાં જ યુએઈ સામે હારી ગઈ હતી. ત્યારબાદ રાધા યાદવની ટીમે પાકિસ્તાનને હરાવીને પોતાની પહેલી જીત નોંધાવી હતી. ત્યારબાદ નેપાળને 7 વિકેટથી હરાવીને ભારતે સેમિફાઇનલમાં જગ્યા બનાવી હતી. ત્યારબાદ સેમિફાઇનલમાં શ્રીલંકાને હરાવ્યા બાદ અને હવે ફાઈનલમાં અજેય બાંગ્લાદેશને હરાવીને ટીમ ઈન્ડિયા ચેમ્પિયન બની છે.