ind vs eng 4th test: ભારતે 143 ઓવર બેટિંગ કકરી માન્ચેસ્ટર ટેસ્ટ ડ્રો કરી, જાડેજા-સુંદર સામે ઇંગ્લેન્ડ લાચાર

ind vs eng 4th test: ભારતીય ટીમ રવિવારે ઇંગ્લેન્ડ સામે ચોથી ટેસ્ટ મેચ ડ્રો કરવામાં સફળ રહી છે. ઇંગ્લેન્ડે પ્રથમ ઇનિંગમાં 669 રન બનાવીને 311 રનની મોટી લીડ મેળવી હતી. જેના જવાબમાં ભારતે મેચના છેલ્લા દિવસે બીજી ઇનિંગમાં કેએલ રાહુલ-શુભમન ગિલ અને પછી રવિન્દ્ર જાડેજા-વોશિંગ્ટન સુંદર વચ્ચેની સદીની ભાગીદારીને કારણે લીડ મેળવી હતી, જેના કારણે ઇંગ્લેન્ડનું મેચ જીતવાનું સ્વપ્ન ચકનાચૂર થઈ ગયું હતું. ભારતે બીજી ઇનિંગમાં ચાર વિકેટ ગુમાવીને 425 રન બનાવ્યા હતા.

ભારતીય ટીમની બીજી ઇનિંગમાં ખૂબ જ ખરાબ શરૂઆત થઈ હતી. ટીમે પહેલી જ ઓવરમાં યશસ્વી જયસ્વાલ અને સાંઈ સુદર્શનની વિકેટ ગુમાવી દીધી હતી. ત્યારબાદ શુભમન ગિલ અને કેએલ રાહુલ વચ્ચે ત્રીજી વિકેટ માટે 421 બોલમાં 188 રનની ભાગીદારી થઈ હતી. બેન સ્ટોક્સે આ ભાગીદારી તોડી હતી. મેચના પાંચમા દિવસે ભારતે કેએલ રાહુલની વિકેટ ગુમાવી હતી. રાહુલ 230 બોલમાં 90 રન બનાવીને પેવેલિયન પાછો ફર્યો.

કેપ્ટન શુભમન ગિલ 238 બોલમાં 103 રન બનાવીને આઉટ થયો. તેને આર્ચરનો શિકાર બનાવવામાં આવ્યો. વોશિંગ્ટન સુંદર (100) અને રવિન્દ્ર જાડેજા (107) એ સદી ફટકારી. ઇંગ્લેન્ડે શનિવારે પ્રથમ ઇનિંગમાં 669 રન બનાવ્યા હતા અને 311 રનની મોટી લીડ મેળવી હતી. ભારતે પ્રથમ ઇનિંગમાં 358 રન બનાવ્યા હતા.