IND vs NZ વન ડે શ્રેણી બુમરાહ અને હાર્દિક પંડ્યા નહીં રમે? જાણો કારણ

IND vs NZ ODI: ન્યૂઝીલેન્ડ સામેની વનડે શ્રેણીમાં બુમરાહ અને હાર્દિકનું પત્તું કપાઈ શકે છે! ટીમ ઇન્ડિયાના ચાહકો માટે આ મોટા સમાચાર છે. ભારત અને ન્યૂઝીલેન્ડ વચ્ચે 11 જાન્યુઆરીથી શરૂ થનારી 3 મેચોની વનડે શ્રેણી માટે ટૂંક સમયમાં ટીમની જાહેરાત કરવામાં આવશે. મીડિયા રિપોર્ટ્સ અનુસાર, આ શ્રેણીમાં ભારતના બે દિગ્ગજ ખેલાડીઓ જસપ્રીત બુમરાહ અને હાર્દિક પંડ્યા રમતા જોવા નહીં મળે.

બુમરાહ અને હાર્દિકને આરામ આપવા પાછળનું કારણ

ક્રિકબઝના અહેવાલ મુજબ, ટીમ મેનેજમેન્ટ T20 વર્લ્ડ કપ 2026 ને ધ્યાનમાં રાખીને આ બંને ખેલાડીઓના વર્કલોડ મેનેજમેન્ટ પર ધ્યાન આપી રહ્યું છે.

જસપ્રીત બુમરાહ: બુમરાહે 2023 વર્લ્ડ કપની ફાઈનલ બાદ એક પણ વનડે મેચ રમી નથી. તેમની ફિટનેસ જાળવી રાખવા માટે તેમને વનડેમાંથી આરામ આપી સીધા T20 શ્રેણીમાં રમાડવામાં આવી શકે છે.

હાર્દિક પંડ્યા: હાર્દિક પંડ્યા જે હાલમાં માત્ર વ્હાઇટ બોલ ક્રિકેટ રમે છે, તે ચેમ્પિયન્સ ટ્રોફીની ફાઈનલ બાદ વનડે ફોર્મેટથી દૂર છે. ફિટનેસની સમસ્યાઓને જોતા તેમને પણ આરામ આપવાનો નિર્ણય લેવાઈ શકે છે.

આ પાંચ ભારતીય ખેલાડીઓએ વર્ષ 2025માં સૌથી વધુ સિક્સ ફટકારી

T20 શ્રેણીમાં થશે વાપસી

ભલે આ બંને ખેલાડીઓ વનડે શ્રેણીમાં ન હોય, પરંતુ ન્યૂઝીલેન્ડ સામેની 5 મેચોની T20 શ્રેણીમાં તેઓ એક્શનમાં જોવા મળી શકે છે. બોર્ડ ઈચ્છે છે કે આ બંને મુખ્ય ખેલાડીઓ સૌથી ટૂંકા ફોર્મેટમાં ફ્રેશ રહીને રમે.

ભારત vs ન્યૂઝીલેન્ડ વનડે શ્રેણીનું શેડ્યૂલ

ભારત અને ન્યૂઝીલેન્ડ વચ્ચે રમાનારી વનડે મેચોની વિગતો નીચે મુજબ છે:

• પહેલી વનડે: 11 જાન્યુઆરી (વડોદરા)
• બીજી વનડે: 14 જાન્યુઆરી (રાજકોટ)
• ત્રીજી વનડે: 18 જાન્યુઆરી (ઈન્દોર)

ટીમની જાહેરાત: વનડે ટીમની સત્તાવાર જાહેરાત 4 થી 5 જાન્યુઆરી ની આસપાસ થવાની શક્યતા છે. ગુજરાતના વડોદરા અને રાજકોટમાં મેચ હોવાથી સ્થાનિક ચાહકોમાં ભારે ઉત્સાહ જોવા મળી રહ્યો છે.

વનડે બાદ રમાશે 5 T20 મેચો

વનડે શ્રેણી પૂરી થયા બાદ ભારત અને કીવી ટીમ વચ્ચે નાગપુર, રાયપુર, ગુવાહાટી, વિશાખાપટ્ટનમ અને તિરુવનંતપુરમમાં T20 મેચો રમાશે. વર્ષ 2025 ભારતીય ટીમ માટે ટી20 ફોર્મેટ માટે ભવ્ય રહ્યું હતું. 

આ પણ વાંચો | ભારતીય મહિલા ક્રિકેટ ટીમ શ્રીલંકા પર હાવી