ભારતીય મહિલા ટીમનો પાંચમી ટી 20 મેચમાં 15 રને વિજય, શ્રીલંકાનો 5-0થી વ્હાઇટવોશ કર્યો

India Women vs Sri Lanka Women 5th T20I : ભારતીય મહિલા ક્રિકેટ ટીમે ટી 20 શ્રેણીમાં શ્રીલંકાનો 5-0થી વ્હાઇટવોશ કર્યો છે. ભારતે જીત સાથે 2025નો શાનદાર અંત કર્યો છે. હરમનપ્રીત કૌરની કેપ્ટનશિપમાં ભારતીય ટીમે તિરુવનંતપુરમમાં રમાયેલી અંતિમ મેચમાં શ્રીલંકાને 15 રનથી હરાવીને શ્રેણી 5-0થી જીતી લીધી હતી. 

કેરળના તિરુવનંતપુરમ સ્થિત ગ્રીનફિલ્ડ ઇન્ટરનેશનલ સ્ટેડિયમ ખાતે રમાયેલી આ મેચમાં શ્રીલંકાએ ટોસ જીતીને પ્રથમ બોલિંગ કરવાનો નિર્ણય લીધો હતો. ભારતીય મહિલા ટીમે 20 ઓવરમાં 7 વિકેટે 175 રન બનાવ્યા હતા. જવાબમાં શ્રીલંકાની મહિલા ટીમ 20 ઓવરમાં 7 વિકેટે 160 રન બનાવી શકી હતી.

હરમનપ્રીત કૌરે સૌથી વધારે 68 રન બનાવ્યા

ભારત તરફથી હરમનપ્રીત કૌરે સૌથી વધારે 68 રન બનાવ્યા હતા. અરુંધતી રેડ્ડી 27 રન બનાવી અણનમ રહી હતી. અમનજોત કૌરે 21 રન બનાવ્યા. હરલીન દેઓલે 13 અને જી. કમલિનીએ 12 રન બનાવ્યા હતા. દીપ્તિ શર્માએ 7, શેફાલી વર્મા અને રિચા ઘોષે 5-5 રન બનાવ્યા હતા. શ્રીલંકા તરફથી કવિશા દિલહારી, રશ્મિકા સેવાંડી અને ચમારી અટાપટ્ટુએ 2-2 વિકેટ ઝડપી હતી.

That winning feeling! 🏆#TeamIndia Captain Harmanpreet Kaur receives the @IDFCFIRSTBank T20I Series trophy from WPL Chairperson Mr. Jayesh George and KCA President Advocate Sreejith V Nair 👏🙌

Scorecard ▶️ https://t.co/E8eUdWSQXs#INDvSL | @ImHarmanpreetpic.twitter.com/Nrk6Y1U8Gk

— BCCI Women (@BCCIWomen) December 30, 2025

આ પણ વાંચો - કોણ છે ખુશી મુખર્જી, જેણે સૂર્યકુમાર યાદવ પર લગાવ્યો મેસેજ કરવાનો આરોપ

હસિની પરેરાના 65 રન 

શ્રીલંકા તરફથી હસિની પરેરાએ 65, ચમારી અટાપટ્ટુએ 2, ઈમેષા દુલાનીએ 50, હર્ષિતા સમરવિક્રમાએ 8, કવિશા દિલહારીએ 5, નીલાક્ષિકા સિલ્વાએ 3, કૌશાની નુથ્યાંગનાએ 1, રશ્મિકા સેવંડીએ અણનમ 14 રન અને મલ્કી મદારાએ અણનમ 5 રન બનાવ્યા હતા. ભારત તરફથી દીપ્તિ શર્મા, અરુંધતી રેડ્ડી, સ્નેહ રાણા, વૈષ્ણવી શર્મા, શ્રી ચારણી અને અમનજોત કૌરે 1-1 વિકેટ ઝડપી હતી.