IPL 2024 Schedule Fixtures Match Timings Venue Updates: આઈપીએલ 2024નું કાઉનડાઉન શરુ થઇ ગયું છે. ટૂર્નામેન્ટની શરૂઆત 22 માર્ચથી થશે. પ્રથમ મેચમાં ચેન્નઇ સુપર કિંગ્સ અને રોયલ ચેલેન્જર્સ બેંગલોર વચ્ચે મુકાબલો થશે. આ મેચ ચેન્નઇમાં રમાશે. એટલે કે પ્રથમ દિવસે જ મહેન્દ્રસિંહ ધોની અને વિરાટ કોહલી વચ્ચેનો જંગ જોવા મળશે.
આઈપીએલ 2024માં શરૂઆતની 21 મેચોનો કાર્યક્રમ જાહેર કરાયો
આઈપીએલ 2024માં શરૂઆતમાં 21 મેચોનો કાર્યક્રમ જાહેર કરવામાં આવ્યો છે. 22 માર્ચથી 7 એપ્રિલ સુધીનો કાર્યક્રમ જાહેર કરવામાં આવ્યો છે. બપોરની મેચ 3.30 કલાકે અને સાંજની મેચ 7.30 કલાકેથી શરૂ થશે. આઈપીએલ શરૂ થયાના બીજા જ દિવસે ડબલ હેડર મુકાબલા રમાશે. 23 માર્ચને શનિવારે બપોરે પંજાબ કિંગ્સ અને દિલ્હી કેપિટલ્સ વચ્ચે મેચ રમાશે. જ્યારે આ જ દિવસે સાંજે કેકેઆર અને સનરાઇઝર્સ હૈદરાબાદ વચ્ચે મુકાબલો થશે. રવિવારને 24 માર્ચે બપોરે રાજસ્થાન રોયલ્સ અને લખનઉ સુપરજાયન્ટ્સ વચ્ચે મેચ રમાશે. જ્યારે સાંજે ગુજરાત ટાઇટન્સ અને મુંબઈ ઇન્ડિયન્સ વચ્ચે અમદાવાદમાં રમાશે.
આ પણ વાંચો – તાન્યા સિંહ આત્મહત્યા કેસ : ઉભરતી મોડલ, IPL ક્રિકેટરથી દોસ્તી, આખરી કોલ અને પ્રાઇવેટ તસવીર
લોકસભા ચૂંટણી હોવાના કારણે ભારતીય ક્રિકેટ બોર્ડ દ્વારા થોડી મેચોનો જ કાર્યક્રમની જાહેરાત કર્યો છે. બાકીનો કાર્યક્રમના હવે ટૂંક સમયમાં જાહેરાત કરાશે.
IPL ઓપનિંગ સેરેમની : બોલિવૂડ સ્ટાર્સ કરશે પર્ફોમન્સ
આઈપીએલની ઓપનિંગ સેરેમનીમાં બોલિવૂડ સ્ટાર્સ અક્ષય કુમાર, ટાઇગર શ્રોફ, જાણીતા ગાયક સોનુ નિગમ અને એ.આર.રહેમાન પરફોર્મ કરશે. આ ભવ્ય સમારંભમાં દેશી સ્ટાર્સ ઉપરાંત ડીજે એક્સવેલનો પણ મહત્વનો કેમિયો જોવા મળશે. ગયા વર્ષે તમન્ના ભાટિયા, રશ્મિકા મંદાના, અને સિંગર અરિજિત સિંહે આઇપીએલના ઓપનિંગ સેરેમનીમાં પર્ફોમન્સ આપ્યું હતું.
IPL 2024 Schedule : આઈપીએલ 2024 કાર્યક્રમ
| મેચ | તારીખ | વાર | સમય | સ્થળ |
| CSK vs RCB | 22 માર્ચ | શુક્રવાર | 8:30 | ચેન્નઇ |
| PBKS vs DC | 23 માર્ચ | શનિવાર | 3:30 | મોહાલી |
| KKR vs SRH | 23 માર્ચ | શનિવાર | 7:30 | કોલકાતા |
| RR vs LSG | 24 માર્ચ | રવિવાર | 3:30 | જયપુર |
| GT vs MI | 24 માર્ચ | રવિવાર | 7:30 | અમદાવાદ |
| RCB vs PBKS | 25 માર્ચ | સોમવાર | 7:30 | બેંગાલુરુ |
| CSK vs GT | 26 માર્ચ | મંગળવાર | 7:30 | ચેન્નઇ |
| SRH vs MI | 27 માર્ચ | બુધવાર | 7:30 | હૈદરાબાદ |
| RR vs DC | 28 માર્ચ | ગુરુવાર | 7:30 | જયપુર |
| RCB vs KKR | 29 માર્ચ | શુકવાર | 7:30 | બેંગાલુરુ |
| LSG vs PBKS | 30 માર્ચ | શનિવાર | 7:30 | લખનઉ |
| GT vs SRH | 31 માર્ચ | રવિવાર | 3:30 | અમદાવાદ |
| DC vs CSK | 31 માર્ચ | રવિવાર | 7:30 | વિઝાગ |
| MI vs RR | 1 એપ્રિલ | સોમવાર | 7:30 | મુંબઇ |
| RCB vs LSG | 2 એપ્રિલ | મંગળવાર | 7:30 | બેંગાલુરુ |
| DC vs KKR | 3 એપ્રિલ | બુધવાર | 7:30 | વિઝાગ |
| GT vs PBKS | 4 એપ્રિલ | ગુરુવાર | 7:30 | અમદાવાદ |
| SRH vs CSK | 5 એપ્રિલ | શુક્રવાર | 7:30 | હૈદરાબાદ |
| RR vs RCB | 6 એપ્રિલ | શનિવાર | 7:30 | જયપુર |
| MI vs DC | 7 એપ્રિલ | રવિવાર | 3:30 | મુંબઇ |
| LSG vs GT | 7 એપ્રિલ | રવિવાર | 7:30 | લખનઉ |
2023માં સીએસકે ચેમ્પિયન બની હતી
IPL 2023માં એમએસ ધોનીની આગેવાનીમાં ચેન્નઈ સુપર કિંગ્સે ચેમ્પિયન બની હતી. અમદાવાદમાં રમાયેલી ફાઈનલ મેચમાં ટીમે ગુજરાત ટાઇટન્સ સામે 5 વિકેટે વિજય મેળવ્યો હતો.





