IPL 2025 Schedule : આઈપીએલ 2025 કાર્યક્રમ જાહેર, ઓપનિંગ મેચ 22 માર્ચે રમાશે, જાણો બધી જ માહિતી

IPL 2025 Schedule Announcement Updates, આઈપીએલ 2025 કાર્યક્રમ : આઈપીએલ 2025નો કાર્યક્રમ જાહેર કરવામાં આવ્યો છે. આઈપીએલ કાર્યક્રમ પ્રમાણે ઓપનિંગ મેચ 22 માર્ચે ડિફેન્ડિંગ ચેમ્પિયન કોલકાતા નાઈટ રાઈડર્સ અને રોયલ ચેલેન્જર્સ બેંગલુરુ વચ્ચે કોલકાતામાં રમાશે. આ વખતે 65 દિવસમાં 74 મેચ રમાશે. 18 મે સુધી 70 લીગ સ્ટેજ મેચ રમાશે, જેમાં 12 ડબલ હેડરનો સમાવેશ થશે. એટલે કે 1 દિવસમાં 2 મેચ 12 વખત રમાશે. ફાઈનલ 25 મેના રોજ કોલકાતામાં યોજાશે.

ક્વોલિફાયર-1 અને એલિમિનેટર મેચ હૈદરાબાદમાં અને ક્વોલિફાયર-2 મેચ કોલકાતામાં રમાશે. ફાઇનલ મેચ 25 મેના રોજ કોલકાતામાં યોજાશે. 12 ડબલ હેડર્સમાંથી પ્રથમ 23 માર્ચે થશે. રાજસ્થાન રોયલ્સ વિ. સનરાઇઝર્સ હૈદરાબાદની મેચ બપોરે રમાશે. સાંજે ચેન્નઈ સુપર કિંગ્સ અને મુંબઈ ઈન્ડિયન્સ વચ્ચે મુકાબલો થશે. પંજાબ કિંગ્સ ધર્મશાલામાં 3 મેચ રમશે. દિલ્હીની ટીમ વિશાખાપટ્ટનમમાં 2 મેચ રમશે. રાજસ્થાન ગુવાહાટીમાં બે મેચ રમશે.

અમદાવાદમાં કુલ 7 મેચો રમાશે

• 25 માર્ચ – ગુજરાત ટાઇટન્સ વિ પંજાબ કિંગ્સ, સાંજે 7.30 કલાકે
• 29 માર્ચ – ગુજરાત ટાઇટન્સ વિ મુંબઈ ઇન્ડિયન્સ, સાંજે 7.30 કલાકે
• 9 એપ્રિલ- ગુજરાત ટાઇટન્સ વિ રાજસ્થાન રોયલ્સ, સાંજે 7.30 કલાકે
• 19 એપ્રિલ- ગુજરાત ટાઇટન્સ વિ દિલ્હી કેપિટલ્સ, બપોરે 3.30 કલાકે
• 2 મે- ગુજરાત ટાઇટન્સ વિ સનરાઇઝર્સ હૈદરાબાદ, સાંજે 7.30 કલાકે
• 14 મે- ગુજરાત ટાઇટન્સ વિ લખનઉ સુપર જાયન્ટ્સ, સાંજે 7.30 કલાકે
• 18 મે – ગુજરાત ટાઇટન્સ વિ ચેન્નાઇ સુપર કિંગ્સ, સાંજે 7.30 કલાકે

આ પણ વાંચો – પ્રશંસકો હવે મોબાઇલ પર મફતમાં આઈપીએલ મેચોની લાઇવ સ્ટ્રીમિંગ નહીં જોઇ શકે, જાણો કેમ

આઈપીએલ 2025 કાર્યક્રમ

ટીમોને 2 ગ્રુપમાં વહેંચવામાં આવી

2022થી આઈપીએલમાં દસ ટીમો થઇ ગઇ છે ત્યાર બાદથી ટીમોને બે ગ્રુપમાં વહેંચવામાં આવે છે. કોલકાતા નાઇટ રાઇડર્સ, રોયલ ચેલેન્જર્સ બેંગ્લોર, રાજસ્થાન રોયલ્સ, ચેન્નાઇ સુપર કિંગ્સ અને પંજાબ કિંગ્સ એક ગ્રુપમાં છે. જ્યારે સનરાઈઝર્સ હૈદરાબાદ, દિલ્હી કેપિટલ્સ, ગુજરાત ટાઈટન્સ, મુંબઈ ઈન્ડિયન્સ અને લખનઉ સુપર જાયન્ટ્સ બીજા ગ્રુપમાં છે. એક ગ્રુપની ટીમો એકબીજા સાથે 2 વખત ટકરાશે. આ સિવાય બીજા ગ્રૂપની એક ટીમ સામે બે વખત ટકરાશે. જુદા જુદા ગ્રુપમાં હોવા છતાં ચેન્નઈ અને મુંબઇ બે વાર ટકરાશે.