GT vs LSG IPL: લખનૌ સુપર જાયન્ટ્સની 33 રને ભવ્ય જીત, ગુજરાતને હોમગ્રાઉન્ડમાં હરાવ્યું

IPL 2025 GT vs LSG Scorecard Gujarat Titans vs Lucknow Super Giants: આઈપીએલ 2025 ની 64મી મેચમાં પ્લેઓફમાં સ્થાન મેળવનાર ગુજરાત ટાઇટન્સનો સામનો અમદાવાદના નરેન્દ્ર મોદી સ્ટેડિયમ ખાતે લખનૌ સુપર જાયન્ટ્સ સામે થઈ રહ્યો છે. મિચેલ માર્શની સદી અને નિકોલસ પૂરણની અડધી સદીની મદદથી લખનૌ સુપર જાયન્ટ્સે ગુજરાત ટાઇટન્સને 236 રનનો ટાર્ગેટ આપ્યો છે. ટોસ હાર્યા બાદ પ્રથમ બેટિંગ કરવા આવેલ લખનૌની ટીમે 20 ઓવરમાં બે વિકેટ ગુમાવીને 235 રન બનાવ્યા. આ IPLનો ત્રીજો સૌથી મોટો સ્કોર છે.

મસમોટા 236 રનના ટાર્ગેટનો પીછો કરવા ઉતરેલી ગુજરાત ટાઈટન્સની ટીમ 20 ઓવરમાં 202 રન બનાવી શકી. લખનૌની ટીમ તરફથી શાનદાર બોલિંગ જોવા મળી હતી. જેમાં વિલિયમ ઓ'રોર્કે 3 વિકેટ લીધી હતી. ત્યાં જ અવેશ ખાન અને આયુષ બદોનીએ 2-2 વિકેટ લીધી હતી. આકાશ સિંહે 1 વિકેટ લીધી હતી.

ગુજરાતે આ મેચ માટે તેમની પ્લેઇંગ ઇલેવનમાં કોઈ ફેરફાર કર્યો નથી.

શુભમન ગિલની કેપ્ટનશીપમાં ગુજરાત પ્લેઓફમાં પહોંચી ગયું છે, જ્યારે ઋષભ પંતની કેપ્ટનશીપમાં લખનૌ પ્લેઓફની દોડમાંથી બહાર થઈ ગયું છે. ગિલ પંતની ટીમને હરાવીને પોઈન્ટ ટેબલમાં પોતાનું સ્થાન મજબૂત કરવાનો પ્રયાસ કરશે અને પ્રથમ સ્થાને રહેશે. ત્યાં જ પંત આ મેચ જીતીને પોતાનું રેન્કિંગ સુધારવાનો પ્રયાસ કરશે.

ગુજરાતે અત્યાર સુધી સિઝનમાં રમાયેલી 12 મેચમાંથી 9 જીતી છે અને 3 મેચ હારી છે, જ્યારે લખનૌ ખરાબ સ્થિતિમાં છે અને ખાસ કરીને છેલ્લી કેટલીક મેચોમાં ટીમનું પ્રદર્શન ખૂબ જ ખરાબ રહ્યું છે. આ ટીમે અત્યાર સુધી રમાયેલી 12 મેચમાંથી 5 જીતી છે, જ્યારે તે 7 મેચ હારી છે. ગુજરાત પોઈન્ટ ટેબલમાં પ્રથમ સ્થાને છે, જ્યારે લખનૌ હાલમાં 7મા સ્થાને છે. લખનૌના સ્પિનર ​​દિગ્વેશ રાઠી પર એક મેચ માટે પ્રતિબંધ મૂકવામાં આવ્યો હતો અને તે ગુજરાત સામે રમશે નહીં.

May 22, 2025 23:43 IST
લખનૌ સુપર જાયન્ટ્સની 33 રને ભવ્ય જીત
અમદાવાદના નરેન્દ્ર મોદી સ્ટેડિયમમાં લખનૌ સુપર જાયન્ટ્સે 33 રને ભવ્ય જીત હાંસલ કરી છે અને ગુજરાતને હોમગ્રાઉન્ડમાં હરાવ્યું છે.



May 22, 2025 22:35 IST
IPL 2025 LIVE Score: ગુજરાત ટાઈટન્સને બીજો ઝટકો
ગુજરાત ટાઇટન્સને બીજો ઝટકો અવેશ ખાને આપ્યો. તેણે કેપ્ટન શુભમન ગિલને પેવેલિયનનો રસ્તો બતાવ્યો. તે 35 રન બનાવીને આઉટ થયો. હવે શેરફેન રૂધરફોર્ડ ક્રીઝ પર આવ્યો છે.



May 22, 2025 22:16 IST
IPL 2025 LIVE Score: ગુજરાત ટાઈટન્સને પ્રથમ ઝટકો
ગુજરાત ટાઈટન્સને સાઈ સુદર્શનના રૂપમાં પ્રથમ ઝટકો મળ્યો છે. તે 16 બોલમાં 21 રન બનાવીને આઉટ થયો.



May 22, 2025 21:54 IST
IPL 2025 LIVE Score: ગુજરાતની ઈનિંગ શરૂ
ગુજરાતની ઈનિંગ શરૂ થઈ ગઈ છે. શુભમન ગિલ અને સાઈ સુદર્શન ક્રીઝ પર છે.



May 22, 2025 21:40 IST
IPL 2025 LIVE Score: લખનૌએ ગુજરાતને 236 રનનો ટાર્ગેટ આપ્યો
મિચેલ માર્શની સદી અને નિકોલસ પૂરણની અડધી સદીની મદદથી લખનૌ સુપર જાયન્ટ્સે ગુજરાત ટાઇટન્સને 236 રનનો ટાર્ગેટ આપ્યો છે. ટોસ હાર્યા બાદ પ્રથમ બેટિંગ કરવા આવેલ લખનૌની ટીમે 20 ઓવરમાં બે વિકેટ ગુમાવીને 235 રન બનાવ્યા. આ IPLનો ત્રીજો સૌથી મોટો સ્કોર છે.



May 22, 2025 21:24 IST
IPL 2025 LIVE Score: મિચેલ માર્શ આઉટ
ગુજરાત ટાઈટન્સને બીજી સફળતા અર્શદ ખાને અપાવી છે, તેણે મિચેલ માર્શની વિકેટ લધી છે. માર્શ 64 બોલમાં 117 રન બનાવીને આઉટ થયો છે.



May 22, 2025 21:19 IST
IPL 2025 LIVE Score: નિકોલસ પૂરણની અડધી સદી
ગુજરાત ટાઈટન્સ સામે શાનદાર બેટિંગ કરતા નિકોલસ પૂરણે અડધી સદી ફટકારી છે. પૂરણે 23 બોલમાં અડધી સદી ફટકારી છે. આ સિઝનમાં નિકોલસ પૂરણની પાંચમી અડધી સદી છે.



May 22, 2025 21:09 IST
IPL 2025 LIVE Score: મિચેલ માર્શની સદી
ગુજરાત ટાઈટન્સ સામે શાનદાર બેટિંગ કરતા મિચેલ માર્શે સદી ફટકારી છે. માર્શે 56 બોલમાં સદી ફટકારી છે.



May 22, 2025 20:42 IST
IPL 2025 LIVE Score: રાશિદ ખાનની ઓવરમાં 25 રન
રાશિદ ખાનની એક ઓવરમાં મિચેલ માર્શે 6, 4, 6, 4, 4, 1 કુલ 25 રન બનાવ્યા.



May 22, 2025 20:32 IST
IPL 2025 LIVE Score: લખનૌને પ્રથમ ઝટકો
લખનૌ સુપર જાયન્ટ્સને એડન માર્કરમના રૂપમાં પ્રથમ ઝડકો મળ્યો છે. તે 24 બોલમાં 36 રન બનાવીને આઉટ થયો છે. સાંઈ કિશોરે તેને પેવેલિયન મોકલ્યો. 10 ઓવરના અંતે એલએસજીનો લાઇવ સ્કોર 97/1



May 22, 2025 20:03 IST
IPL 2025 LIVE Score: 4 ઓવરમાં 33 રન
લખનૌની ટીમે 4 ઓવરમાં 33 રન બનાવી લીધા છે. માર્કરમ અને માર્શ ખુબ જ સારી રીતે રમી રહ્યા છે. તેઓ ટીમને મોટા સ્કોર સુધી પહોંચાડવાની કોશિશ કરી રહ્યા છે.



May 22, 2025 19:47 IST
IPL 2025 LIVE Score: લખનૌનો લાઇવ સ્કોર
બે ઓવરના અંતે લખનૌ સુપર જાયન્ટ્સે એક પણ વિકેટના નુકસાન વિના 22 રન બનાવી લીધા છે.



May 22, 2025 19:18 IST
IPL 2025 LIVE Score: ગુજરાતની પ્લેઇંગ ઇલેવન
શુભમન ગિલ (કેપ્ટન), જોસ બટલર (વિકેટકીપર), શેરફેન રધરફોર્ડ, શાહરુખ ખાન, રાહુલ તેવટિયા, રાશિદ ખાન, અરશદ ખાન, આર સાંઈ કિશોર, કાગીસો રબાડા, મોહમ્મદ સિરાજ, પ્રસિદ્ધ કૃષ્ણા.



May 22, 2025 19:18 IST
IPL 2025 LIVE Score: લખનૌની પ્લેઇંગ ઇલેવન
મિશેલ માર્શ, એડન માર્કરામ, નિકોલસ પૂરન, ઋષભ પંત (વિકેટકીપર/કેપ્ટન), આયુષ બદોની, અબ્દુલ સમદ, હિંમત સિંહ, શાહબાઝ અહેમદ, આકાશ દીપ, અવેશ ખાન, વિલિયમ ઓ'રોર્કે.



May 22, 2025 19:18 IST
IPL 2025 LIVE Score: હેડ ટુ હેડ રેકોર્ડ
હેડ ટુ હેડ રેકોર્ડમાં ગુજરાત ટાઇટન્સ ટીમનનું પલડું ભારે છે. ગુજરાત અને લખનૌ વચ્ચે અત્યાર સુધીમાં 6 મેચ રમાઈ છે, જેમાંથી ગુજરાતની ટીમે 4 મેચ જીતી છે જ્યારે લખનૌ ટીમ 2 મેચ જીતવામાં સફળ રહી છે. બંને ટીમો નરેન્દ્ર મોદી સ્ટેડિયમમાં પહેલા પણ એક વખત ટકરાઈ હતી અને તે મેચ ગુજરાત ટાઇટન્સે જીતી હતી.