બુમરાહના 2 વર્ષના પુત્ર અંગદે પણ બોલિંગમાં અજમાવ્યો હાથ, આવી રીતે કરી બોલિંગ, જુઓ VIDEO

Jasprit Bumrah Son Angad Bowling : ભારતીય ક્રિકેટ ટીમ હાલમાં ન્યૂઝીલેન્ડ સામે 3 મેચની વન-ડે શ્રેણી રમી રહી છે અને તે પછી તરત જ બંને ટીમો વચ્ચે 5 મેચની ટી-20ની શ્રેણી રમાશે, જે 21 જાન્યુઆરીથી શરૂ થશે. ભારતીય ટીમનો સ્ટાર ફાસ્ટ બોલર જસપ્રીત બુમરાહ વન-ડે શ્રેણીનો ભાગ નથી, પરંતુ તે ટી-20 શ્રેણીમાં ભારત તરફથી રમતો જોવા મળશે.

બુમરાહ પુત્ર અંગદ સાથે પ્રેક્ટિસ કરતો જોવા મળ્યો

બુમરાહ ભારત તરફથી વન-ડે શ્રેણીમાં રમી રહ્યો નથી પણ તે ટી-20 શ્રેણી અને ત્યાર બાદ યોજાનારા ટી-20 વર્લ્ડ કપ 2026 માટે જોરદાર તૈયારી કરી રહ્યો છે. હવે બુમરાહનો એક વીડિયો વાયરલ થઈ રહ્યો છે, જેને મુંબઈ ઈન્ડિયન્સે શેર કર્યો છે, જેમાં તે પ્રેક્ટિસ કરતો જોવા મળી રહ્યો છે અને તેની સાથે તેનો બે વર્ષનો પુત્ર અંગદ પણ મેદાન પર હાજર છે.

આ વીડિયોમાં જોવા મળી રહ્યું છે કે બુમરાહ પોતાના પુત્રને બતાવી રહ્યો છે કે તે કેવી રીતે બોલિંગ કરી રહ્યો છે. બુમરાહ કહે છે કે વી આર વોર્મિંગ અપ, હવે જુઓ દાદા કેવી રીતે કરી રહ્યા છે, જુઓ, દાદાને જુઓ ઠીક છે, અહીં જુઓ, જે પછી બુમરાહ બોલ ફેંકીને અંગદને બતાવે છે.

આ પણ વાંચો - વિરાટ કોહલી વન-ડેમાં વિશ્વનો નંબર-1 બેટ્સમેન બન્યો, સચિન તેંડુલકરનો રેકોર્ડ તોડ્યો

Bumrah & Jr. Bumrah here to make your day 🥹🔥 pic.twitter.com/a67j82AlIR

— Mumbai Indians (@mipaltan) January 15, 2026

આ પછી અંગદ બોલ સાથે દોડવાનું શરૂ કરે છે અને ટ્રેનર કહે છે કે થ્રો, પણ અંગદ દોડીને પીચની વચ્ચે પહોંચી જાય છે. પછી બુમરાહ ત્યાં જાય છે અને બોલ ફેંકે છે. આ પછી અંગદ વિકેટની ખૂબ નજીક આવે છે અને બોલ ફેંકી દે છે અને કહે છે કે સ્ટમ્પ ફોલ ડાઉન, સ્ટમ્પ ફોલ ડાઉન. અંગદની ક્યૂટ હરકત દિલ જીતનારી છે.