લગ્નના બંધનમાં બંધાયો નિરજ ચોપરા, જાણો કોણ છે ગોલ્ડન બોયની દુલ્હન

Neeraj Chopra married: ભારતના દિગ્ગજ ખેલાડી નીરજ ચોપરા હવે લગ્નના તાંતણે બંધાઈ ગયો છે. મેડલ વિજેતાએ સોશિયલ મીડિયા પર પોસ્ટ કરીને આ માહિતી શેર કરી છે. તેણે પોતાની દુલ્હનનું નામ પણ જાહેર કર્યું છે. તેણે અમેરિકામાં અભ્યાસ કરતી હિમાની મોર સાથે લગ્ન કર્યા છે. લગ્ન વિશે માહિતી આપતાં નીરજ ચોપરાએ લખ્યું, "મારા પરિવાર સાથે જીવનનો એક નવો અધ્યાય શરૂ થયો."

કોણ છે હિમાની મોર?

સ્પોર્ટસ્ટારના મતે, હિમાની મોરે સાઉથઈસ્ટર્ન લુઈસિયાના યુનિવર્સિટીમાં અભ્યાસ કર્યો હતો. તે ટેનિસ ખેલાડી છે. તેમણે ફ્રેન્કલિન પિયર્સ યુનિવર્સિટીમાં ટેનિસમાં પાર્ટ-ટાઇમ સહાયક કોચ તરીકે સેવા આપી હતી. હિમાની એમ્હર્સ્ટ કોલેજની મહિલા ટેનિસ ટીમનું સંચાલન કરે છે.

લગ્ન વિશે માહિતી આપતાં નીરજ ચોપરાએ ઇન્સ્ટાગ્રામ પર લખ્યું, “મારા પરિવાર સાથે જીવનનો એક નવો અધ્યાય શરૂ થયો. આ ક્ષણ સુધી અમને એકસાથે લાવનારા દરેક આશીર્વાદ માટે આભાર. પ્રેમથી બંધાયેલા, હંમેશા ખુશ રહો.” નીરજે પોતાના લગ્નની માહિતી ગુપ્ત રાખી હતી. આવામાં તેના લગ્નની તસવીરોએ સોશિયલ મીડિયા પર ચાહકોને આશ્ચર્યચકિત કરી દીધા છે. નીરજે એક ફોટો શેર કર્યો છે જેમાં તેની માતા તેને આશીર્વાદ આપી રહી છે.