ભારત વિ પાકિસ્તાન મેચની ઇકોનોમી : 1.50 લાખ રુપિયા સુધી વેચાઇ રહી છે ફ્લાઇટ ટિકિટ, હોટલ વાળાને પણ ચાંદી

T20 World Cup 2026 India Pakistan Match :  ભારત અને પાકિસ્તાન વચ્ચે ટી-20 ક્રિકેટ વર્લ્ડ કપ 2026ની મેચ  15મી ફેબ્રુઆરીએ શ્રીલંકાના કોલંબોમાં રમાશે. જો તમે આ મેચ જોવા જવાનું પ્લાન કરી રહ્યા છો, તો તમારે તેના માટે ફ્લાઇટ ટિકિટ માટે લાખો રૂપિયા ચૂકવવા પડશે.

શનિવારને 14 ફેબ્રુઆરીએ મેકમાયટ્રિપની વેબસાઇટ પર દિલ્હી-મુંબઈથી કોલંબો સુધીની સીધી ફ્લાઇટનું ભાડું બતાવવામાં આવ્યું છે, જે મુસાફર માટે 1.45 લાખ રૂપિયાથી શરૂ થાય છે. 16 ફેબ્રુઆરીએ કોલંબો માટે સીધી ફ્લાઇટનું ભાડું 40-50% વધુ છે.

દિલ્હીથી કોલંબો ફ્લાઇટનું ભાડું

દિલ્હીથી કોલંબો સુધીની સીધી ફ્લાઇટમાં લગભગ 4 કલાકનો સમય લાગે છે. મેચના દિવસે સાંજે 7 વાગ્યા પહેલા એર ઈન્ડિયાનું નોનસ્ટોપ ફ્લાઈટનું ભાડું 1,09,339 રૂપિયા સુધીનું છે. જ્યારે શ્રીલંકન એરલાઇન્સનું ભાડું 65,914 રૂપિયાથી 1,45,219 રૂપિયા બતાવી રહ્યું છે.

મુંબઈથી કોલંબો ફ્લાઇટનું ભાડું

મુંબઈથી કોલંબો સુધીની સીધી ફ્લાઇટમાં લગભગ 3 કલાકનો સમય લાગે છે. 14 ફેબ્રુઆરીએ શ્રીલંકન એરલાઇન્સની નોનસ્ટોપ ફ્લાઇટનું ભાડું 66,122 રૂપિયા સુધી છે. 15 ફેબ્રુઆરીએ સાંજે 7 વાગ્યા પહેલા એર ઇન્ડિયાની નોનસ્ટોપ ફ્લાઇટનું ભાડું 60,030 રૂપિયા છે.

આ પણ વાંચો - ઉસ્માન તારીકની બોલિંગ પર ઉઠી રહ્યા છે સવાલો, અટકી-અટકીને બોલિંગ, સ્ટેચ્યુ જેવી મુદ્રા અને ચકિંગના આરોપ

હોટલનું ભાડું 1.14 લાખ રૂપિયા સુધી પહોંચ્યું

બીજી બાજુ જો તમે 14 ફેબ્રુઆરી અને 15 ફેબ્રુઆરીએ કોલંબોમાં 3-5 સ્ટાર જેવી મોટી હોટલોમાં 2 લોકો માટે રૂમ બુક કરો છો, તો એક રાતનું ભાડું 1.14 લાખ રૂપિયા સુધીનું છે. જોકે જો તમે નાની હોટલોમાં રહો છો તો 2-3 હજાર રૂપિયામાં પણ રૂમ મળી જાય છે.