ટી 20 વર્લ્ડ કપ 2026 : ...તો પાકિસ્તાન સુપર-8માં નહીં કરી શકે ક્વોલિફાય, જાણો ગ્રુપ- A નું સમીકરણ

T20 World Cup 2026, Pakistan Qualification Scenario : ટી20 વર્લ્ડ કપ 2026માં ભારતે રવિવારે પાકિસ્તાનને હરાવીને જીતની હેટ્રિક ફટકારીને સુપર-8માં પ્રવેશ કરી લીધો હતો. ભારતે પાકિસ્તાનને એકતરફી રીતે હરાવ્યું હતું. પાકિસ્તાનને હજુ સુપર-8માં પહોંચવાની તક છે.  હવે તેણે એક મેચ રમવાની બાકી છે અને આ મેચ જીતવી પડશે,  કારણ કે તેઓ 61 રનથી હાર્યા બાદ હાલ પોઇન્ટ ટેબલમાં ત્રીજા ક્રમે સરકી ગઇ છે. 

પાકિસ્તાનનું સુપર-8 માં પહોંચવાનું ગણિત

ટી-20 વર્લ્ડ કપ 2026ના ગ્રુપ- A માં ભારતે 3 મેચ જીતીને સુપર-8માં સ્થાન મેળવ્યું છે. પાકિસ્તાને 3માંથી 2 મેચ જીતી છે. તેના 4 પોઇન્ટ છે. અમેરિકાએ 4 માંથી 2 મેચ જીતી છે અને તેના 4 પોઇન્ટ છે. નેધરલેન્ડે 3 મેચમાં 1 જીત નોંધાવી છે. નામિબિયા સુપર-8ની રેસમાંથી બહાર થઈ ગયું છે. તે ત્રણ મેચ રમ્યું છે અને ત્રણેયમાં પરાજય થયો છે. 

ટી-20 વર્લ્ડ કપ 2026ના ગ્રુપ A ના પોઈન્ટ ટેબલમાં ભારત ટોચના સ્થાને છે. અમેરિકા બીજા નંબરે અને પાકિસ્તાન ત્રીજા નંબર પર છે. જ્યારે નેધરલેન્ડ 2 પોઈન્ટ સાથે ચોથા અને નામીબિયા પાંચમા ક્રમે છે.

ગ્રુપ-A પોઇન્ટ ટેબલ

આ પણ વાંચો - ટી 20 વર્લ્ડ કપ 2026 : સુપર 8 માં ભારતની મેચો આ તારીખે રમાશે, જાણો કઇ ટીમ સામે ક્યારે ટકરાશે

પાકિસ્તાને નામિબિયાને હરાવવું પડશે

પાકિસ્તાને સુપર-8માં પ્રવેશવા માટે  18મી ફેબ્રુઆરીએ નામિબિયાને હરાવવું પડશે. જો તે આ મેચમાં જીત મેળવશે તો 6 પોઇન્ટ સાથે સુપર-8માં ક્વોલિફાય કરી લેશે. વરસાદના કારણે મેચ રદ થશે તો પણ 5 પોઇન્ટ સાથે ક્વોલિફાય કરી લેશે. જો નામીબિયા જીતશે તો પાકિસ્તાન સુપર-8માં પ્રવેશી શકશે નહીં કારણ કે અમેરિકાનો રનરેટ પાકિસ્તાન કરતા વધુ સારો છે. નેધરલેન્ડને પણ 4 પોઈન્ટ સુધી પહોંચવાની તક છે. જોકે તેની મેચ ભારત સામે છે.