Kartik Sharma: કોણ છે કાર્તિક શર્મા? જેના માટે IPL 2026 ની હરાજીમાં CSK એ ખોલી દીધો ખજાનો

ચેન્નાઈ સુપર કિંગ્સ (CSK) એ મંગળવારે IPL 2026 ની હરાજીમાં બે અનકેપ્ડ ખેલાડીઓ પર મોટો દાવ લગાવીને બધાને આશ્ચર્યચકિત કરી દીધા. પાંચ વખતના ચેમ્પિયન CSK એ પ્રશાંત વીર અને કાર્તિક શર્મા માટે પોતાનો ખજાનો ખોલી દીધો હતો. ફ્રેન્ચાઇઝીએ બંને ખેલાડીઓ પર ₹28 કરોડથી વધુ ખર્ચ કર્યા. પ્રશાંતને ₹14.20 કરોડ મળ્યા અને કાર્તિકને પણ ₹14.20 કરોડની સમાન રકમ મેળવી. બંનેએ આશ્ચર્યજનક ઇતિહાસ રચ્યો છે. પ્રશાંત અને કાર્તિક IPL ઇતિહાસમાં સંયુક્ત રીતે સૌથી મોંઘા અનકેપ્ડ ખેલાડીઓ બન્યા છે. અનકેપ્ડ ખેલાડી તે છે જેણે આંતરરાષ્ટ્રીય મેચ રમી નથી.

ચેન્નાઈ સુપર કિંગ્સ અને કેકેઆર ખરીદવા માટે બોલી લગાવી

19 વર્ષીય કાર્તિક શર્માની બેઝ પ્રાઈસ ₹30 લાખ હતી. MI એ તેના માટે પ્રારંભિક બોલી લગાવી અને તેના પછી એલએસજીની એન્ટ્રી થઈ. KKR ₹50 લાખમાં આવ્યું. કિંમત ₹1 કરોડને વટાવી ગયા પછી એલએસજી અને કેકેઆમાં સ્પર્ધા થઈ. પછી CSK ₹5 કરોડની બોલી લગાવીને રેસમાં પ્રવેશ્યું. ફરી એકવાર CSK અને KKR રેસમાં સામસામે હતા. KKR એ 10 કરોડ રૂપિયાથી વધુની બોલી પણ લગાવી. જોકે CSK એ મક્કમ રહીને 13 કરોડ રૂપિયાની બોલી લગાવી, પરંતુ KKR એ પોતાના હાથ પાછા ખેંચી લીધા. SRH એ 13.20 કરોડ રૂપિયાની બોલી લગાવી પરંતુ CSK એ મક્કમ રહીને અંતે કાર્તિકને પોતાની ટીમમાં રાખી લીધો.

આ પણ વાંચો: IPL ઇતિહાસનો સૌથી મોંઘો અનકેપ્ડ ખેલાડી, જાણો કોણ છે પ્રશાંત વીર?

કાર્તિક શર્મા કોણ છે?

કાર્તિક શર્મા રાજસ્થાનનો વિકેટકીપર છે. તે પહેલીવાર IPLમાં રમશે. કાર્તિકે ઘરેલુ વ્હાઇટ-બોલ ક્રિકેટમાં તેના પ્રભાવશાળી નીચલા ક્રમના બેટિંગથી ધ્યાન ખેંચ્યું છે. તેણે સૈયદ મુશ્તાક અલી ટ્રોફી લીગ સ્ટેજમાં પાંચ મેચમાં 160 થી વધુના સ્ટ્રાઇક રેટથી 133 રન બનાવ્યા. તેણે તેની ટૂંકી 12 મેચની ટી-20 કારકિર્દીમાં સતત 160 થી વધુના સ્ટ્રાઇક રેટથી સ્કોર કર્યો છે.

તમને જણાવી દઈએ કે, ચેન્નાઈ સુપર કિંગ્સનું છેલ્લી IPL સિઝનમાં ખૂબ જ નિરાશાજનક પ્રદર્શન રહ્યું હતું. આગામી સિઝનમાં CSK ને કાર્તિક અને પ્રશાંત જેવા યુવા બેટ્સમેન પાસેથી ઘણી આશાઓ રહેશે.