WPL 2026: RCBને મોટો ફટકો! એલિસ પેરી ટુર્નામેન્ટમાંથી બહાર, જાણો કોણ લેશે તેની જગ્યા

WPL 2026 : વુમન્સ પ્રીમિયર લીગ (WPL) ની આગામી સીઝન શરૂ થાય તે પહેલા જ મોટા સમાચાર સામે આવ્યા છે. ઓસ્ટ્રેલિયાની દિગ્ગજ ઓલરાઉન્ડર એલિસ પેરી (Ellyse Perry) અને એનાબેલ સધરલેન્ડે (Annabel Sutherland) અંગત કારણોસર WPL 2026 માંથી પોતાનું નામ પરત ખેંચી લીધું છે. આ બંને ખેલાડીઓને તેમની ફ્રેન્ચાઈઝીએ મેગા ઓક્શન પહેલા જ રિટેન કર્યા હતા.

RCB એ જાહેર કર્યું રિપ્લેસમેન્ટ

રોયલ ચેલેન્જર્સ બેંગલુરુ (RCB) માટે એલિસ પેરીનું બહાર જવું એ મોટું નુકસાન છે. પેરીની જગ્યાએ RCB એ ભારતીય ફાસ્ટ બોલર સાયલી સતઘરે (Sayali Satghare) ને ટીમમાં સામેલ કરી છે. સાયલીને તેની બેઝ પ્રાઈસ 30 લાખ રૂપિયામાં ટીમમાં લેવામાં આવી છે.

દિલ્હી કેપિટલ્સમાં અલાના કિંગની એન્ટ્રી

બીજી તરફ, દિલ્હી કેપિટલ્સે એનાબેલ સધરલેન્ડના સ્થાને ઓસ્ટ્રેલિયાની લેગ-સ્પિનર અલાના કિંગ (Alana King) ને ટીમમાં સ્થાન આપ્યું છે. અલાના અગાઉ યુપી વોરિયર્સ તરફથી રમી ચૂકી છે. તેને 60 લાખ રૂપિયામાં દિલ્હીની ટીમમાં જોડવામાં આવી છે. અલાનાએ 27 ટી-20 આંતરરાષ્ટ્રીય મેચોમાં 27 વિકેટ ઝડપી છે.

યુપી વોરિયર્સમાં પણ ફેરફાર

માત્ર RCB અને દિલ્હી જ નહીં, યુપી વોરિયર્સ (UPW) ને પણ ઝટકો લાગ્યો છે. ડાબોડી મધ્યમ ગતિની બોલર તારા નોરિસ પણ આ સિઝન રમી શકશે નહીં. તારાની પસંદગી 2026 આઈસીસી મહિલા ટી-20 વર્લ્ડ કપ ક્વોલિફાયર માટે યુએસએ (USA) ની ટીમમાં થઈ છે, જે નેપાળમાં યોજાવાની છે. તેના સ્થાને યુપી વોરિયર્સે ઓસ્ટ્રેલિયન ઓલરાઉન્ડર ચાર્લી નોટ (Charli Knott) ને 10 લાખ રૂપિયામાં સાઈન કરી છે.

આ પણ વાંચો - કોણ છે ખુશી મુખર્જી, જેણે સૂર્યકુમાર યાદવ પર લગાવ્યો મેસેજ કરવાનો આરોપ

મહત્વની તારીખો અને માહિતી:

WPL 2026 ની શરૂઆત: 9 જાન્યુઆરી, 2026

બહાર થયેલા ખેલાડી: એલિસ પેરી (RCB), એનાબેલ સધરલેન્ડ (DC), તારા નોરિસ (UPW).

નવા ખેલાડી: સાયલી સતઘરે (RCB), અલાના કિંગ (DC), ચાર્લી નોટ (UPW).

🚨 𝐎𝐟𝐟𝐢𝐜𝐢𝐚𝐥 𝐀𝐧𝐧𝐨𝐮𝐧𝐜𝐞𝐦𝐞𝐧𝐭: Ellyse Perry has decided to pull out of Tata WPL 2026 for personal reasons. 🚨

We’ll be missing you both on and off the field, Pez! 🥺

We know you’ll be rooting for us from back home! ❤️#PlayBold#ನಮ್ಮRCBpic.twitter.com/tvX9FTkXpJ

— Royal Challengers Bengaluru (@RCBTweets) December 30, 2025

ક્રિકેટ એક્સપર્ટ્સનું માનવું છે કે એલિસ પેરીની ગેરહાજરીથી RCB ના બેટિંગ અને બોલિંગ બંને સંતુલન પર અસર પડી શકે છે. હવે જોવાનું એ રહેશે કે ભારતીય ખેલાડી સાયલી સતઘરે આ મોટી જવાબદારી કેવી રીતે નિભાવે છે.