Iran Israel war | ઈરાન ઈઝરાયલ યુદ્ધમાં દેખાઇ આધુનિક વોરની પેટર્ન, જાણો ડેટા સેન્ટર્સ કેમ છે નિશાને?

હાલમાં ચાલી રહેલા ઈરાન ઈઝરાયલ યુદ્ધ (Iran Israel war) વર્તમાન સમયના યુદ્ધની બદલાયેલી સ્થિતિ દર્શાવે છે. તેલ અને ગેસના ભંડાર સમા ઈરાન પર ઇઝરાયલ  અને અમેરિકા દ્વારા હુમલા કરવામાં આવી રહ્યા છે પરંતુ એમનું નિશાન તેલ ભંડારો કરતાં ડેટા સેન્ટર ઉડાવવા પર વધુ છે. જે બતાવી રહ્યું છે યુદ્ધમાં દુશ્મન દેશને ખતમ કરવા માટે આ અગત્યનું પાસું છે. 

પશ્વિમ એશિયામાં ચાલી રહેલા આ યુદ્ધમાં કરવામાં આવી રહેલા શ્રેણીબધ્ધ હુમલામાં એમેઝોન વેબ સર્વિસીસ (AWS) દ્વારા સંચાલિત ક્લાઉડ સેવાઓને નિશાન બનાવવામાં આવી છે. જે દર્શાવે છે કે કેવી રીતે ડેટા સેન્ટર્સ આજના ઇન્ટરનેટના સમયમાં કેટલું મહત્વનું પરિબળ છે.  

એમેઝોને સ્પષ્ટ કર્યું છે કે, સંયુક્ત આરબ અમીરાત (UAE) માં તેના બે ડેટા સેન્ટર અને બહેરીનમાં એક ડેટા સેન્ટર આ યુદ્ધમાં ડ્રોન હુમલાઓ પછી ક્ષતિગ્રસ્ત થયા છે. આ હુમલાઓને કારણે આગ લાગી છે, વીજળી ગુલ થઈ ગઈ અને માળખાકીય નુકસાન થયું છે. જેથી કંપનીને તેના કેટલાક ભાગો બંધ કરવાની ફરજ પડી છે અને સમગ્ર પ્રદેશમાં ઘણી ક્લાઉડ સેવાઓમાં અસરગ્રસ્ત થઇ છે. 

આઉટેજને કારણે કમ્પ્યુટિંગ, સ્ટોરેજ અને ડેટાબેઝ સેવાઓ જેવી મુખ્ય AWS ઓફરિંગને અસર થઈ છે. જ્યારે ગ્રાહકોને ઉપલબ્ધતા અને કનેક્ટિવિટી સમસ્યાઓનો સામનો કરવો પડ્યો છે. એમેઝોને અસરગ્રસ્ત સુવિધાઓ પર આધાર રાખતી સંસ્થાઓને તેમના ડેટાનો બેકઅપ લેવાની અને પુનઃપ્રાપ્તિ કાર્ય ચાલુ રહે ત્યારે વર્કલોડને અન્ય પ્રદેશોમાં ખસેડવા અપીલ કરી છે. 

ટેકનિકલ માળખું હવે યુદ્ધમાં પહેલું નિશાન

યદ્ધની બદલાયેલ આ સ્થિતિ એક નવી વાસ્તવિકતા પર ભાર મૂકે છે કે યુદ્ધમાં હવે ટેકનિકલ માળખું પહેલું નિશાન બનાવાય છે. ઇન્ટરનેટને ટેકો આપતું માળખાગત માળખું હવે આધુનિક સંઘર્ષના વ્યૂહાત્મક લેન્ડસ્કેપનો એક ભાગ છે.

જેમ તેલ ક્ષેત્રો અને પાવર પ્લાન્ટ્સ એક સમયે આર્થિક યુદ્ધને વ્યાખ્યાયિત કરતા હતા, પરંતુ હવે સ્થાન ડેટા સેન્ટર્સ લઇ રહ્યા છે. ડેટા સેન્ટર્સ કે જે વિશ્વની કમ્પ્યુટિંગ પાવર અને ડિજિટલ સેવાઓનું ઘર છે તે હવે યુદ્ધમાં પહેલો ટારગેટ બને છે. 

એમેઝોન ડેટા સેન્ટરો પર ડ્રોન હુમલા

અમેરિકા અને ઇઝરાયલે ઇરાનમાં લક્ષ્યાંકિત બોમ્બમારા કર્યા બાદ, ઇરાન અને તેના પ્રાદેશિક વિરોધીઓ વચ્ચેની દુશ્મનાવટમાં વધારો થયો હતો, જેના કારણે ઇરાને બદલો લેવા માટે અનેક હુમલાઓ શરૂ કર્યા હતા. શરૂઆતમાં, એમેઝોને જણાવ્યું હતું કે યુએઈમાં એક AWS ડેટા સેન્ટર પર હુમલો થયો હતો. જેના કારણે યુએઈ અને બહેરીન બંનેમાં સેવાઓ પર તેની અસર પડી હતી.

આ યુદ્ધમાં ઇરાન દ્વારા કરાયેલ હુમલામાં અપડેટ્સ દર્શાવે છે કે ઓછામાં ઓછા  ત્રણ ડેટા સેન્ટર્સને નુકસાન થયું હતું, જેમાંથી બે યુએઈમાં અને એક બહેરીનમાં સ્થિત છે. આ હુમલાથી ઘણા સર્વર રેક્સ અને કૂલિંગ સિસ્ટમ્સને અસર થઈ હતી, જેના કારણે પુનઃસ્થાપન વધુ ધીમું થયું હતું.

એમેઝોને મંગળવારે જાહેર કર્યું કે,UAE અને બહેરીન સ્થિત અમારા AWS ડેટા સેન્ટર્સ આ યુદ્ધમાં ક્ષતિગ્રસ્ત થયા છે. ડ્રોન હુમલાના પરિણામે માળખાગત સુવિધાઓ પર ભૌતિક અસર થઇ છે.

UAEમાં, અમારી બે સુવિધાઓ સીધી રીતે નિશાન બની છે. જ્યારે બહેરીનમાં, અમારી એક સુવિધાની નજીક ડ્રોન હુમલાથી અમારા માળખાગત સુવિધાઓને નુકસાન થયું છે. જેથી અમારા માળખાગત સુવિધાઓને વીજળી પહોંચાડવામાં વિક્ષેપ પડ્યો છે અને કેટલાક કિસ્સાઓમાં આગ નિવારણ પ્રવૃત્તિઓની જરૂર પડી છે જેના પરિણામે વધારાનું પાણીનું નુકસાન થયું છે. 

જ્યારે ભૌતિક નુકસાનની સંપૂર્ણ હદ હજુ સુધી અસ્પષ્ટ છે, ઈરાન ઈઝરાયલ યુદ્ધ દરમિયાન બનેલી આ ઘટના મહત્વપૂર્ણ છે કારણ કે તે લશ્કરી કાર્યવાહી દરમિયાન કોઈ મુખ્ય વૈશ્વિક ક્લાઉડ પ્રદાતાના ડેટા સેન્ટરને સીધી અસર થવાના પ્રથમ કિસ્સાઓમાંથી એક છે.

ડેટા સેન્ટરો યુદ્ધ સમયે ટારગેટ કેમ બને છે?

આધુનિક સમયમાં મોટા વ્યવસાયો ક્લાઉડ ઇન્ફ્રાસ્ટ્રક્ચર પર વધુને વધુ આધાર રાખે છે. કંપનીઓ પોતાના સર્વર હોસ્ટ કરવાને બદલે એમેઝોન, માઇક્રોસોફ્ટ અને ગુગલ જેવી કંપનીઓ દ્વારા સંચાલિત રિમોટ ડેટા સેન્ટરો પર એપ્લિકેશન ચલાવે છે અને ડેટા સ્ટોર કરે છે તેમજ ડિજિટલ સેવાઓનું સંચાલન કરે છે.

• ડેટા સેન્ટર્સને ક્ષતિ પહોંચાડવાથી એકસાથે હજારો સંસ્થાઓને ક્ષતિગ્રસ્ત કરી શકાય છે
• ડિજિટલ યુગમાં સરકાર અને સૈન્ય પોતે પણ પોતાનો ગુપ્ત ડેટા આવા ડેટા સેન્ટર્સમાં રાખે છે
• નાણાકીય બજારો, બેંકો, ઇ-કોમર્સ ક્લાઉડ ઇન્ફ્રાસ્ટ્રક્ચર પર આધારિત હોવાથી મોટી અસર થઇ શકે

આ સુવિધાઓ હજારો સર્વર્સને હોસ્ટ કરે છે. જેમાં બેંકિંગ એપ્લિકેશનો અને ઈ-કોમર્સ પ્લેટફોર્મથી લઈને સરકારી સિસ્ટમો અને કૃત્રિમ બુદ્ધિમત્તા (AI) સાધનો સુધી બધું જ આવી જાય છે. જેને કારણે જો આવા ડેટા સેન્ટર્સને નિશાન બનાવાય અને એને નુકસાન પહોંચાડવામાં આવે તો અનેક ક્ષેત્રોમાં એની અસર થાય છે. 

આ પણ વાંચો | ઈરાન ઈઝરાયલ યુદ્ધથી ક્રૂડ ઓઈલમાં ભડકો, ભારતમાં શું થશે અસર? જાણો

ક્લાઉડ ઇન્ફ્રાસ્ટ્રક્ચર ડિજિટલ અર્થતંત્રનો મહત્વપૂર્ણ આધારસ્તંભ બન્યું છે. આજના ડિજિટલ યુગમાં ડેટા સેન્ટર્સ અને કોમ્યુનિકેશન નેટવકર્સ યુદ્ધ જેવી સ્થિતિમાં પહેલા નિશાના પર રહે છે. જે અગાઉ જે તે દેશના પરંપરાગત તેલ સુવિધાઓ, બંદરો અને પાવર પ્લાન્ટ્સ પહેલા ટારગેટ બનતા હતા.