scorecardresearch

Russia Ukraine War: રશિયાએ યુક્રેનમાં 100થી વધુ મિસાઈલો છોડી, વીજળી બંધ, આખા યુક્રેનમાં સાયરન વાગ્યું

Russia Ukraine War: રશિયા યુક્રેન વચ્ચે યુદ્ધ બંધ થવાનું નામ નથી લઈ રહ્યું, મોસ્કોએ યુક્રેન (War in Ukraine) માં અનેક સ્થળ પર 100 મિસાઈલ છોડી (Missile Attack) છે. જેને પગલે યુક્રેનમાં વિજ પુરવઠો બંધ કરવો પડ્યો છે.

Russia Ukraine War: રશિયાએ યુક્રેનમાં 100થી વધુ મિસાઈલો છોડી, વીજળી બંધ, આખા યુક્રેનમાં સાયરન વાગ્યું
રશિયા યુક્રેન યુદ્ધ – યુક્રેનમાં મિસાઈલથી હુમલો

Russia Ukraine War : રશિયન મિસાઈલોએ યુક્રેનમાં તબાહી મચાવી છે. ગુરુવાર (29 ડિસેમ્બર)ના દાવા મુજબ, રશિયાએ યુક્રેનમાં 100 થી વધુ મિસાઇલો છોડી હતી. યુક્રેનના રાષ્ટ્રપતિના સલાહકારના જણાવ્યા અનુસાર, ગુરુવારે સવારે સમગ્ર યુક્રેનમાં હવાઈ હુમલાના અવાજ આવવા લાગ્યા હતા. આ સાથે રાજધાની કિવ સહિત અનેક શહેરોમાં વિસ્ફોટોના અવાજો સંભળાયા હતા.

કિવ ઉપરાંત અનેક શહેરો પર મિસાઈલ હુમલા

રશિયન હુમલા અંગે યુક્રેનના અધિકારીઓએ જણાવ્યું હતું કે, ગુરુવારે દેશની રાજધાની કિવ સિવાય અનેક શહેરો પર રશિયન મિસાઈલો દ્વારા હુમલો કરવામાં આવ્યો હતો. તો, કિવમાં પ્રાદેશિક વહીવટીતંત્રે માહિતી આપી હતી કે, મિસાઇલોના હુમલાથી બચવા માટે એર ડિફેન્સ સિસ્ટમને સક્રિય કરી દેવામાં આવી છે. તેમણે કહ્યું કે, કિવમાં વિસ્ફોટના અવાજ સંભળાયા હતા.

રાષ્ટ્રપતિ કાર્યાલયના સલાહકાર, ઓલેક્સી એરેસ્ટોવિચે ફેસબુક પોસ્ટમાં લખ્યું: “ત્યાં મોટા પ્રમાણમાં હવાઈ હુમલો થયો છે. જેમાં 100 થી વધુ મિસાઈલ છોડવામાં આવી હતી.

આ દરમિયાન, યુક્રેનના અધિકારીઓએ જણાવ્યું હતું કે, કેટલીક રશિયન મિસાઇલોને કેટલાક વિસ્તારોમાં નિષ્ક્રિય કરવામાં આવી હતી. નોંધપાત્ર રીતે, ગુરુવારે યુક્રેનના મહત્વપૂર્ણ સ્થાનો પર રશિયા દ્વારા કરાયેલા હુમલાની શ્રેણીમાં આ નવીનતમ છે. રશિયા યુક્રેન પર સતત મિસાઈલ છોડી રહ્યું છે, જેના કારણે યુક્રેનમાં વીજ પુરવઠો સંકટ છે.

તમને જણાવી દઈએ કે, ઓક્ટોબરથી દર અઠવાડિયે મોસ્કો યુક્રેન પર આવા હુમલાઓ કરી રહ્યું છે. Dnipro, Odesa અને Kryvyi Rih પ્રદેશોમાં થયેલા હુમલાઓ અંગે અધિકારીઓએ જણાવ્યું હતું કે, આવશ્યક સ્થાપનોને થતા નુકસાનને રોકવા અથવા ઓછામાં ઓછું નુકશાન થાય તે માટે વીજ પુરવઠો સ્થગિત કરવામાં આવ્યો હતો.

તો, યુક્રેનના આરોપો પર, મોસ્કોએ કહ્યું છે કે, વારંવાર નાગરિકોને નિશાન બનાવવાના આરોપો વાહિયાત છે. તો, યુક્રેન કહે છે કે રશિયા તરફથી બોમ્બ વિસ્ફોટ શહેરો, નગરો અને દેશના ઇન્ફ્રાસ્ટ્રક્ચર, વીજળીથી લઈને મેડિકલ સિસ્ટમને નુકસાન પહોંચાડી રહ્યું છે.

આ પણ વાંચો અમેરિકા જવાની ઘેલછામાં ગુજરાતના વધુ એક યુવકે મેક્સિકોની સરહદ પર જીવ ગુમાવ્યો, અવાજ સાંભળવા તરસતો પરિવાર

તમને જણાવી દઈએ કે, બુધવાર (28 ડિસેમ્બર)ના રોજ રશિયન શેલિંગે ખેરસન શહેરની એક હોસ્પિટલના પ્રસૂતિ વિભાગને નિશાન બનાવ્યું હતું. હાલમાં આ બોમ્બ ધડાકામાં કોઈને ઈજા થઈ હોવાના અહેવાલ નથી.

Web Title: Russia ukraine war russia fired 100 missiles ukraine electricity cut sirens all over

Best of Express