ભારતમાં એપલ સ્ટોરની એન્ટ્રી, કેમ આ સ્ટોર ભારત માટે મોટી ડિલ હોઇ શકે?

Nandagopal Rajan : ભારતનો પહેલો Apple સ્ટોર આજે મુંબઈમાં ખુલ્યો છે, જે BKCમાં Jio વર્લ્ડ સેન્ટર ખાતે એક ફ્લેગશિપ રિટેલ આઉટલેટ છે. આ ટેક જાયન્ટનો 20 એપ્રિલના રોજ દિલ્હીમાં બીજા સ્ટોર ઓપન થશે. ભારતમાં બે દિવસમાં બે Apple સ્ટોર્સ અભૂતપૂર્વ રીતે જણાવે છે કે ભારત માર્કેટ એપલ માટે કેટલું મહત્વનું બની ગયું છે.

એપલ સ્ટોર શા માટે મહત્વપૂર્ણ છે?

સિંગલ બ્રાન્ડ રિટેલની આસપાસના નિયમનકારી નિયંત્રણોને કારણે Apple ભારતમાં સ્ટોર ખોલી શક્યું ન હતું. અત્યાર સુધી તેની પાસે ઇમેજિન અને ફ્યુચર વર્લ્ડ જેવા ભારતીય ભાગીદારો દ્વારા સંચાલિત સ્ટોર્સ હતા. તેના પ્રથમ બે સ્ટોરની શરૂઆત સાથે, Apple ભારતમાં સંપૂર્ણ સ્ટેક પ્લેયર બની જશે, જે મેન્યુફેક્ચરિંગથી રિટેલ સુધીની દરેક વસ્તુનું સંચાલન કરશે.

સોમવારે, તેણે દાવો કર્યો હતો કે તે તેના ડેવલપર નેટવર્ક સાથે "ભારતમાં 1 મિલિયનથી વધુ નોકરીઓનું સમર્થન કરે છે". કંપનીની માલિકીના નવા સ્ટોર્સ પર, ભારતીય ગ્રાહકો ભારતમાં કંપનીની 25 વર્ષની સફરને રેખાંકિત કરીને ભારતમાં નિર્મિત iPhones ખરીદવા સક્ષમ થશે.

આ પણ વાંચો: ZEEમાંથી ઇન્વેસ્કોની એક્ઝિટ, 5.11 ટકા હિસ્સો 1,004 કરોડમાં વેચ્યો

એપલ સ્ટોર્સ કેવી રીતે બીજા સ્ટોરથી અલગ છે?

Apple સ્ટોર્સ પર, પ્રોડક્ટસનું વાસ્તવિક વેચાણ સેકેન્ડરી છે અને અનુભવ પર ધ્યાન કેન્દ્રિત કરે છે. ટાઉન સ્ક્વેરની જેમ, લોકો અંદર જઈ શકે છે અને પ્રોડક્સ સાથે તેઓ ઇચ્છે તેટલો સમય પસાર કરી શકે છે અને પ્રશ્નો પણ પૂછી શકે છે અને MacBook પર iPhoneનો ઉપયોગ કેવી રીતે કરવો તે શીખી શકે છે.

દરેક સ્ટોર્સમાં ઘણા Apple જીનિયસ હોય છે જે ગ્રાહકોને હેન્ડહોલ્ડ કરે છે અને તેઓને જોઈતી કોઈપણ ટેનિકલ સલાહ આપે છે. તેઓ ખરીદીનો નિર્ણય લેવામાં પણ મદદ કરવા માટે ત્યાં છે. અને આ એક બીજું પાસું છે જે સ્ટોર્સને અલગ બનાવે છે: કતાર સાથે વેચાણ અથવા બિલિંગ કાઉન્ટરનો કોઈ મુદ્દો નથી. ગ્રાહકો જ્યાં પણ હોય ત્યાં જીનિયસ ફક્ત વેચાણ રેકોર્ડ કરે છે. નિષ્ણાતો સાથે નિયમિત ટુડે એટ એપલ સત્રો પણ છે જે ગ્રાહકોને Apple પ્રોડક્સના વિવિધ પાસાઓનો ઉપયોગ કરવા પ્રેરિત કરવાનો પ્રયાસ કરે છે.

આ પણ વાંચો: અદાણી ગ્રૂપ દેવાના ડુંગર તળે, વર્ષમાં કમરતોડ 21 ટકાનો વધારો, વૈશ્વિક બેંકોના પણ બાકી લેણાં વધ્યા

પ્રથમ એપલ સ્ટોર ક્યારે ખુલ્યો?

પ્રથમ એપલ સ્ટોર મેકલીન, વર્જિનિયામાં ટાયસન કોર્નર અને કેલિફોર્નિયામાં ગ્લેન્ડેલ ગેલેરિયા ખાતે 2001 માં ખોલવામાં આવ્યો હતો. એપલના સ્થાપક સ્ટીવ જોબ્સ રિટેલમાં પ્રવેશવાના તેમના પ્રયાસ બદલ ટીકા કરવામાં આવી હતી. તેમણે જવાબ આપ્યો હતો કે, "ફક્ત મેગાહર્ટ્ઝ અને મેગાબાઇટ્સ વિશે સાંભળવાને બદલે, ગ્રાહકો હવે તે વસ્તુઓ શીખી અને અનુભવી શકે છે જે તેઓ ખરેખર કમ્પ્યુટર સાથે કરી શકે છે, જેમ કે મૂવીઝ બનાવવી, કસ્ટમ મ્યુઝિક સીડી બર્ન કરવી અને વ્યક્તિગત વેબસાઇટ પર તેમના ડિજિટલ ફોટા પ્રકાશિત કરવા વગેરે."

બે દાયકા પછી, Apple પાસે વિશ્વભરમાં 500 થી વધુ સ્ટોર્સ છે, જે જૂના અને નવા ગ્રાહકોને બ્રાન્ડની યુનિક કિંમત દર્શાવે છે. વર્ષોથી આમાંની કેટલીક સ્ટોરી પેરિસમાં કેરોસેલ ડુ લુવરે સ્ટોર અથવા ન્યુ યોર્કમાં ગ્રાન્ડ સેન્ટ્રલ ટર્મિનલની અંદરના સ્ટોર જેવા શહેરમાં આઇકોનિક સ્થાનો બની છે.