બપોરના ભોજન પછી યોગ્ય શોર્ટ નૅપ કેવી રીતે લઇ શકો?

શું તમને બપોરના ભોજન પછી તમારી આંખો ખુલ્લી રાખવી ખૂબ જ મુશ્કેલ લાગે છે પરંતુ તમે તે શોર્ટ નેપ લેવાનું ટાળો છો? પરંતુ તમારી માટે કેટલાક સારા સમાચાર છે, બપોરના ભોજન પછી દિવસ દરમિયાન સૂવું તમારા સ્વાસ્થ્ય માટે સારું છે. આ જ તરફ ધ્યાન દોરતા, ન્યુટ્રિશનિસ્ટ ઋતુજા દિવેકરે, બપોરના ભોજન પછી નિદ્રા (nap) લેવાના વિવિધ ફાયદાઓ વિષે વાત કરી હતી, તેમણે ઇન્સ્ટાગ્રામ પર લખ્યું હતું કે,“આ બધા લાભો માટે, તમારે નેપ યોગ્ય રીતે કેવી પડે અને તે કરવાની સાચી રીત માટે એક નામ છે - તેને વામાકુક્ષી (Vamakukshi) કહેવામાં આવે છે.''

આફ્ટર નૂન નેપ લેવાના ફાયદા શું છે?

રુજુતાના મતે, બપોરે સૂવાથી,

• હૃદયના સ્વાસ્થ્યમાં સુધારો થાય છે, તે ખાસ કરીને હાઈ બીપી ધરાવતા લોકો માટે અથવા જેમણે પહેલાથી જ તેમના હૃદયની કોઈ સર્જરી કરી છે તેમના માટે સારું છે
• હોર્મોનલ બેલેન્સને સુધારે (ડાયાબિટીસ, PCOD, થાઇરોઇડ, ક્લાસિકલ અતિશય ખાનારા પણ)
• પાચનશકિત સુધારે (IBS, કબજિયાત, ખીલ અને ડેન્ડ્રફ)
• રાત્રે ઊંઘ પણ સારી આવે છે. (અનિદ્રા, વારંવાર પ્રવાસીઓ, શાદીમાં જનારા અને જેટ લેગ)
• બીમારીઓમાં રિકવરી આવે છે (વર્કઆઉટ, બીમારીઓમાંથી)
• ફેટ લોસ કરવામાં મદદગાર (ઉપરના તમામ પરિબળોને કારણે)

આ પણ વાંચો: ચૈત્રી નવરાત્રી 2023 : ઉપવાસમાં બનાવો આ સ્વાદિષ્ટ અને સ્વસ્થ્ય મખાનાની મીઠી ખીર

ન્યુટ્રિશનિસ્ટે વધુમાં જણાવ્યું હતું કે બપોરની નિદ્રાના અનેક ફાયદાઓ હોવા છતાં, આધુનિક જીવનશૈલીમાં, તેની અસરકારકતામાં ઓછું મૂલ્યાંકન કરવામાં આવ્યું છે, અને તે સુસ્તી, અનિદ્રા અને સ્થૂળતા તરફ દોરી જાય છે તેવી ગેરસમજ છે.

આમાં ઉમેરતાં ડૉ. રિતેશ શાહ, વરિષ્ઠ સલાહકાર ચિકિત્સક, ભાટિયા હોસ્પિટલ, મુંબઈએ જણાવ્યું હતું કે, "તાજેતરના પ્રકાશિત થયેલા અભ્યાસો સૂચવે છે કે પાવર નેપ્સ વાસ્તવમાં જ્ઞાનાત્મક કાર્યને વધારવામાં મદદ કરે છે."

તેમણે કેટલાક અન્ય ફાયદાઓ પણ શેર કર્યા હતા,

• યાદશક્તિ વધારે છે
• નોકરીની કામગીરીમાં સુધારો કરે છે
• મૂડને સુધારે છે
• તણાવ ઓછો કરે છે
• તમને વધુ સજાગ બનાવે છે

પરંતુ આ લાભો માટે શું કરવું જોઈએ? દિવેકર સ્ટેપ્સ શેર કરે છે:

• ક્યારે? લંચ પછી તરત.
• કેવી રીતે? તમારી ડાબી બાજુએ ગર્ભની સ્થિતિમાં સૂઈ જાઓ.
• સમય: 10-30 મિનિટ (નાના બાળકો, વૃદ્ધ લોકો અને ખૂબ બીમાર લોકો માટે લગભગ 90 મિનિટ)
• નિદ્રા લેવાનો આદર્શ સમય: બપોરે 1-3 વાગ્યાની વચ્ચે.

તમે ક્યાં છો તેના આધારે, લંચ પછી આરામ કરવાની વિવિધ રીતો શેર કરીને, તેમણે લખ્યું હતું કે, “જો ઘરે હોવ, તો પલંગ પર સૂઈ જાઓ. જો કામ પર હોવ, તો ફક્ત તમારું માથું ડેસ્ક પર નીચે રાખો અને આરામ કરો (તમારા HR ને કહો કે તેનાથી પ્રોડકટીવીટી વધે છે). વૈકલ્પિક રીતે, તમે આરામથી ખુરશી પર સૂઈ શકો છો, અને જો તમે તે પણ કરી શકતા નથી, તો ફક્ત બારી પર જાઓ અને દૂર જુઓ, અવકાશમાં જુઓ અને તમારા મનને આરામ આપો.

આ પણ વાંચો: ચૈત્રી નવરાત્રી 2023 : ઉપવાસ કરનારાઓ માટે ન્યુટ્રિશનિસ્ટએ સૂચન કર્યો આ ડાયટ પ્લાન

શું ન કરવું?

સાંજે 4-7 વાગ્યાની વચ્ચે
લંચ પછી ચા, કોફી, સિગારેટ અને ચોકલેટ જેવા પદાર્થોનું સેવન કરવું.
ફોન યુઝ કરવો અને સર્ફ કરવુ.
એક સમયે 30 મિનિટથી વધુ ઊંઘ.
ટીવી ચાલુ રાખીને સૂઈ જવું.

નિષ્કર્ષમાં, ડૉ. શાહે કહ્યું કે, “આરામદાયક અને શાંત વાતાવરણમાં નેપ લેવી સારી ઊંઘ માટે જરૂરી છે. તદુપરાંત, લાંબા સમય સુધી નેપ લેવાનું ટાળો, કારણ કે પછીથી તમને ઉદાસીન લાગવાની શક્યતા વધુ હોય છે.”