Types Of Roti Recipe: ઘઉંની રોટલી ખાઈ કંટાળી ગયા છો! આ 10 પ્રકારની પરંપરાગત રોટલી ટ્રાય કરો

Best Alternative Of Wheat Roti : રોટલીના ઘણા પ્રકારો છે. ઉત્તર ભારતમાં મોટાભાગના લોકો લોટમાંથી બનેલી બ્રેડ ખાય છે. આ સિવાય ઋતુ અનુસાર તેમને બાજરી, મકાઈ અને અન્ય પ્રકારની લોટની રોટલી ખાવાનું પસંદ છે. ઘણી વખત એવું બને છે કે બ્રેડ ખાઈને મન કંટાળી જાય છે. જો કે, ભારતીય વાનગીનો ઇતિહાસ ખૂબ જ પ્રાચીન રહ્યો છે, જેમાં બ્રેડ માત્ર ઘઉંથી જ નહીં પરંતુ બીજી ઘણી રીતે પણ બનાવવામાં આવી છે. ચાલો જાણીએ કઈ રોટલી બનાવી શકાય છે.

1. ભાખરી

ભાખરી ગુજરાતની પ્રખ્યાત પરંપરાગત વાનગી છે, જે ઘઉંના જાડા લોટ માંથી જ બને છે. ભાખરી ગુજરાત ઉપરાંત મહારાષ્ટ્ર અને રાજસ્થાનમાં પણ ખવાય છે. ભાખરીનો લોટ સહેજ જાડો અને કડક હોય છે, રોટલીની તુલનામાં ભાખરીની જાડાઇ વધારે હોય અને તે કડક શેકવામાં આવે છે. ભાખરી ઉપર ઘી લગાવીને ખાવામાં આવે છે. ભાખરી ચા અને રસવાળા શાક સાથે ખાવાની મજા પડે છે.

2. અપ્પમ

જો તમને નવીન પ્રકારની રોટલી ખાવાની ઇચ્છા છે, તો તમે અપ્પમ ટ્રાય કરી શકો છો. તે કેરળમાં બુહ ખાવામાં આવે છે. તે ચોખા અને નાળિયેરના ખીરામાંથી બનાવવામાં આવે છે. તે તાવડીના બદલે અપ્પમ પેન પર શેકવામાં આવે છે.

3. થેપલા

થેપલા પણ ગુજરાતની ફેમસ વાનગી છે. ઘઉંનો લોટ,લીલી મેથીની ભાજી અને વિવિધ મસાલા ઉમેરીને લોટ બાંધવાનો હોય છે. પછી તેની પાતળી લોટ વણીને શેકવામાં આવે છે. શેકતી વખતે તેલ લગાવાય છે. થેપલા બે દિવસ સુધી ફ્રેશ રહે છે. 

4. કુલચા 

કુલચા પંજાબ અને દિલ્હીમાં ખાવામાં આવે છે. કુલચા મેંદા માંથી બને છે, તેનો લોટ બાંધતી વખતે દહીં ઉમેરવાનું હોય છે. કુલચા સામાન્ય રીતે પનીર સબ્જી કે છોલે સાથે ખાવાના હોય છે.

5. અક્કી રોટલી

તમારા ટેસ્ટમાં ફેરફાર કરવા માટે અક્કી રોટલી ટ્રાય કરી શકાય છે. તે મુખ્યત્વે કર્ણાટકમાં ખાવામાં આવે છે અને ચોખાના લોટ માંથી બને છે. લીલા મરચાં, ડુંગળી, મીઠા લીમડાના પત્તા અને શાકભાજીને મિક્સ કરીને તેનો લોટ બનાવવામાં આવે છે.

6. મકાઇનો રોટલો

પંજાબ, મધ્યપ્રદેશ અને ઉત્તર ભારતના ઘણા રાજ્યોમાં શિયાળામા મકાઇનો રોટલો ખાવામાં આવે છે. મકાઇનો રોટલો સરસોં દા શાક સાથે ખાવાની મજા જ કંઇક અલગ હોય છે. માટીની તાવડી પર શેકલા મકાઇના રોટલા પર ઘી કે માખણ લગાડી ખાવાથી અદભુત સ્વાદ આવે છે. 

7. લૂચી

પશ્ચિમ બંગાળમાં લુચી ખુબ ખાવામાં આવે છે. જો કે, તે મેંદા માંથી બનેલી એક પ્રકારની રોટલી છે. તે તહેવારો અને ખાસ પ્રસંગો પર બનાવવામાં આવે છે. તમે તેને દમ આલુ અથવા હળવી મસાલેદાર શાકભાજી સાથે પીરસી શકો છો.

આ પણ વાંચો | વધેલા ભાત માંથી બનાવો 10 સ્વાદિષ્ટ વાનગી, પૌષ્ટિક બનાવવા આ વસ્તુઓ ઉમેરો

8. પથિરી

કેરળના માલાબાર વિસ્તારના લોકો પથિરી વધારે ખાય છે. તે ચોખાના લોટ માંથી બનેલી ખુબ જ પાતળી અને વજનમાં હલ્કી રોટલી હોય છે. 

9. મિસ્સી રોટલી

મિસ્સી રોટલી ઘઉં અને ચણાના લોટ માંથી બને છે. આ લોટમાં અજમો, ડુંગળી, લીલા મરચાં અને કોથમીર મિક્સ કરવામાં આવે છે. તેને મસાલેદાર સબ્જી અથવા દાળ સાથે પીરસી શકાય છે.

આ પણ વાંચો | આદુ લણસની પેસ્ટ સ્ટોર કરવાની 3 સરળ રીત, લાંબા સમય સુધી ફ્રેશ રહેશે

10. બાજરીનો રોટલો

બાજરીનો રોટલો સ્વાદિષ્ટ અને પૌષ્ટિક હોય છે, જે ગુજરાત, રાજસ્થાનમાં બહુ ખવાય છે. બાજરીનો રોટલો ખાસ કરીને શિયાળામાં ખાવામાં આવે છે. ગ્લૂટેન ફ્રી હોવાથી બાજરીનો રોટલો ડાબાબિટીસ દર્દી માટે પણ ફાયદાકારક હોય છે.