નાસ્તામાં આ 5 ભૂલો ભારે પડશે: આંતરડા સડવા લાગે છે, આજે જ બદલો આ આદત!

સવારનો નાસ્તો એ આખા દિવસની ઉર્જાનો સ્ત્રોત છે. તે પાચનતંત્રને સક્રિય કરે છે અને શરીરને જરૂરી પોષક તત્વો પૂરા પાડે છે. પરંતુ આજની વ્યસ્ત જીવનશૈલીમાં લોકો તાજા ખોરાકને બદલે પેકેજ્ડ અને પ્રોસેસ્ડ ફૂડ પર નિર્ભર થઈ ગયા છે. તાજેતરમાં 'Nature' જર્નલમાં પ્રકાશિત એક રિસર્ચમાં ચોંકાવનારો ખુલાસો થયો છે કે નાસ્તામાં લેવાતી કેટલીક વસ્તુઓ તમારા આંતરડા (Gut Health) માટે ઝેર સમાન બની શકે છે.

નેચર જર્નલનો મોટો ખુલાસો: પેકેજ્ડ ફૂડમાં રહેલા 'ઇમલ્સિફાયર' ખતરનાક

રિસર્ચ અનુસાર, પેકેટમાં આવતા નમકીન અને બિસ્કિટમાં 'ઇમલ્સિફાયર' (Emulsifiers) નામના કેમિકલ્સ ભેળવવામાં આવે છે. આ કેમિકલ આંતરડાના તે સુરક્ષા કવચને ઓગાળી નાખે છે જે બેક્ટેરિયાને શરીરમાં પ્રવેશતા અટકાવે છે. તેનાથી આંતરડામાં ગંભીર સોજો (Inflammation) આવી શકે છે.

નાસ્તામાં કરવામાં આવતી 5 ઘાતક ભૂલો

1. તળેલી વસ્તુઓનો અતિરેક

સવાર-સવારમાં પૂરી, કચોરી કે સમોસા જેવો તળેલો નાસ્તો આંતરડા પર ભારે પડે છે. તેમાં રહેલું ટ્રાન્સ ફેટ આંતરડાના લાઇનિંગને નુકસાન પહોંચાડે છે, જેનાથી ગેસ, કબજિયાત અને લિવરની સમસ્યાઓ વધે છે.

2. મેંદાની વસ્તુઓ અને વ્હાઇટ બ્રેડ

બિસ્કિટ, કેક કે વ્હાઇટ બ્રેડ આંતરડા માટે 'સ્લો પોઈઝન' જેવું કામ કરે છે. મેંદો આંતરડામાં ચોંટી જાય છે અને પાચનને ધીમું કરે છે. રિસર્ચ મુજબ, મેંદામાં ફાઈબર હોતું નથી, જેના કારણે આંતરડાના સારા બેક્ટેરિયા મરવા લાગે છે, જેને 'ડિસ્બાયોસિસ' (Dysbiosis) કહેવામાં આવે છે.

3. ખાલી પેટે મીઠી ચા કે કોફી

ઘણા લોકોને ઉઠતાની સાથે જ ચા કે કોફી જોઈએ છે. પરંતુ ખાલી પેટે કેફીન પેટમાં એસિડનું પ્રમાણ વધારે છે. આ આદતથી પોષક તત્વોનું શોષણ ઘટી જાય છે અને લાંબા ગાળે આંતરડા નબળા પડે છે.

4. પેકેટવાળા નમકીન અને પ્રોસેસ્ડ સ્નેક્સ

ચિપ્સ કે ભૂજિયા જેવા પેકેજ્ડ ફૂડમાં મીઠું અને પ્રિઝર્વેટિવ્સ વધુ હોય છે. તે સારા બેક્ટેરિયાનો નાશ કરે છે અને શરીરમાં ડિહાઇડ્રેશન તેમજ હાઈ બીપીનું જોખમ વધારે છે.

5. પેકેજ્ડ જ્યુસ અને વધુ પડતી ખાંડ

સવારે ખાલી પેટે ખાંડવાળો શીરો, મીઠાઈ કે પેકેજ્ડ ફ્રૂટ જ્યુસ પીવાથી મેટાબોલિઝમ ધીમું પડી જાય છે. તે આંતરડાના 'ગટ બેલેન્સ'ને બગાડે છે અને ફેટી લિવર તેમજ ડાયાબિટીસનું જોખમ વધારે છે.

ઉઘાડા પગે ચાલવું વધારે ફાયદાકારક કે શૂઝ પહેરીને? એક્સપર્ટે જણાવ્યું સ્વાસ્થ્ય માટે શું છે બેસ્ટ

એક્સપર્ટની સલાહ: કેવો હોવો જોઈએ આદર્શ નાસ્તો?

• ન્યુટ્રિશનિસ્ટ્સના મતે, આંતરડાને સ્વસ્થ રાખવા માટે સવારે હલકો, તાજો અને ફાઈબરથી ભરપૂર નાસ્તો કરવો જોઈએ.
• શ્રેષ્ઠ વિકલ્પો: દલિયા, ઓટ્સ, પૌઆ, મગની દાળના ચિલા, રાગીના ઢોંસા, તાજા ફળો અને ડ્રાય ફ્રૂટ્સ.

Health Tips : શિયાળામાં માથાનો દુખાવો અને માઇગ્રેનની સમસ્યા કેમ વધે છે? જાણો કારણ અને આયુર્વેદિક ઉપાય

સવારના નાસ્તામાં કરવામાં આવેલી નાની ભૂલ પણ લાંબા ગાળે આંતરડાને ગંભીર નુકસાન પહોંચાડી શકે છે. જો તમે તમારા પાચન અને એકંદર સ્વાસ્થ્યને સારું રાખવા માંગતા હોવ, તો આજે જ તમારી નાસ્તાની આદતો બદલો.