જો તમને પણ હાઈ બીપી હોય તો તમારા હૃદય માટે 2 કપ કોફી સારી કે ગ્રીન ટી? જાણો અહીં

 Express News Service:જો તમે કોફી પીતા હોવ અને બ્લડ પ્રેશર 160/100 mm Hg કે તેથી વધુ હોય, અને જો તમે દરરોજ બે કપથી વધુ કોફી પીતા હોવ તો તમને કાર્ડિયોવેસ્ક્યુલર રોગ(હૃદય રોગ) થી મૃત્યુનું બમણું જોખમ રહે છે, એક અભ્યાસ અનુસાર,પરંતુ ગ્રીન ટી કે માત્ર એક કપ કોફી પીવાથી સમાન અસર થઈ ન હતી.

અમેરિકન હાર્ટ એસોસિએશનના જર્નલમાં પ્રકાશિત થયેલા અભ્યાસ મુજબ, તારણો હાઈ બ્લડ પ્રેશર ધરાવતા કોફી પિતા લોકોને લાગુ પડે છે - એવા લોકો માટે નહીં કે જેમનું બ્લડ પ્રેશર નોર્મલ છે.

સંશોધકોએ એ પણ શોધી કાઢ્યું હતું કે જેઓ દિવસમાં માત્ર એક કોફી પીતા હતા અને દરરોજ ગ્રીન ટી પીતા હતા તેઓને કાર્ડિયોવાસ્ક્યુલર રોગનું જોખમ વધારે નથી, ભલે તેમનું બ્લડ પ્રેશર ગમે તે હોય, ભલે બંને પીણાંમાં કેફીન હોય. 19-વર્ષના લાંબા અભ્યાસમાં સંશોધનની શરૂઆતમાં 40 થી 79 વર્ષની વયના 6,570 થી વધુ પુરુષો અને 12,000 સ્ત્રીઓ સામેલ છે, જેમને કેન્સરના જોખમના મૂલ્યાંકન માટે જાપાન સહયોગી સમૂહ અભ્યાસમાંથી પસંદ કરવામાં આવ્યા હતા.

આ પણ વાંચો: Yoga Darshan : યોગ એ શારીરિક, માનસિક અને આધ્યાત્મિક વિકાસની ચાવી છે

BLK મેક્સ સુપર સ્પેશિયાલિટી હોસ્પિટલ, નવી દિલ્હીના કાર્ડિયોલોજીના સિનિયર ડિરેક્ટર ડૉ નીરજ ભલ્લા કહે છે કે,"હૃદયના સ્વાસ્થ્ય પર તેની ફાયદાકારક અને નુકસાનકારક અસરો માટે કેફીન પર વર્ષોથી સંશોધન કરવામાં આવ્યું છે. આ અભ્યાસ તેમની સાથે સુસંગત છે. પરંતુ તે બધાએ તેના પ્રમાણસર વપરાશની તરફેણ કરી છે. તમે કોફીના સરેરાશ કપમાંથી આશરે 80 થી 90 મિલિગ્રામ કેફીન મેળવવાની અપેક્ષા રાખી શકો છો અને તે બીપી, હૃદયના ધબકારા વધારે છે અને રક્તવાહિનીઓને સંકુચિત કરે છે. તેથી, હાઈ બીપીના દર્દીઓમાં, વધુ પડતી કોફી પીવાથી પ્રતિકૂળ ઘટનાઓનું જોખમ રહે છે. અતિશય કેફીન અને બિનઆરોગ્યપ્રદ જીવનશૈલીની શારીરિક અસરો સાથે, ચોક્કસપણે હૃદયના સ્વાસ્થ્યને નુકસાન પહોંચાડી શકે છે."

મેક્સ હેલ્થકેરના ક્લિનિકલ ન્યુટ્રિશન એન્ડ ડાયેટિક્સ વિભાગના પ્રાદેશિક વડા, રિતિકા સમદ્દર કહે છે કે, “અભ્યાસ એ વાતને સમર્થન આપે છે જે આપણે પહેલાથી જ લાંબા સમયથી જાણતા હતા. હ્રદયના દર્દીઓ અને હાયપરટેન્શન ધરાવતા લોકો માટે અમારી પોષણ સલાહમાં, અમે હંમેશા તેમને વધુ પડતી કોફી પીવા સામે સાવચેત કરીએ છીએ. કેફીનનો વધુ પડતો ઉપયોગ હૃદયના ધબકારા, બ્લડ પ્રેશર અને ચિંતાના સ્તરમાં વધારો કરે છે અને ઉચ્ચ જોખમ ધરાવતા લોકોને ચોક્કસપણે ભલામણ કરવામાં આવતી નથી. ગ્રીન ટી, તેનાથી વિપરિત, ખૂબ જ ન્યૂનતમ કેફીન ધરાવે છે, જે હાર્ટ રેટ અથવા મેટાબોલિઝમને નુકસાનકારક રીતે અસર કરતી નથી.

આ પણ વાંચો: મહિલાઓને તેમના પીરિયડ્સને વધુ સારી રીતે સમજવા એક્સપેર્ટે શેયર કરી આ માર્ગદર્શિકા, જાણો હોલિસ્ટિક ન્યુટ્રિશનિસ્ટ શું કહે છે

અભ્યાસના વરિષ્ઠ લેખક, હિરોયાસુ ઇસો, એમડી, પીએચડી, એમપીએચ, ઇન્સ્ટિટ્યૂટ ફોર ગ્લોબલ હેલ્થ પોલિસી રિસર્ચ, બ્યુરો ઓફ ઇન્ટરનેશનલ હેલ્થ કોઓપરેશન, ટોક્યો, જાપાનમાં નેશનલ સેન્ટર ફોર ગ્લોબલ હેલ્થ એન્ડ મેડિસિન અને ઓસાકા યુનિવર્સિટીના પ્રોફેસર એમેરિટસ, જણાવ્યું હતું કે,“અમારા અભ્યાસનો હેતુ એ નક્કી કરવાનો છે કે કોફીની રક્ષણાત્મક અસર હાયપરટેન્શનની ધરાવતી વ્યક્તિઓને પણ લાગુ પડે છે કે કેમ,અને તે જ વસ્તીમાં ગ્રીન ટીની અસરોની તપાસ કરી હતી. અમારી શ્રેષ્ઠ જાણકારી મુજબ, દરરોજ બે કે તેથી વધુ કપ કોફી પીવા અને ગંભીર હાયપરટેન્શન ધરાવતા લોકોમાં કાર્ડિયોવેસ્ક્યુલર રોગથી થતા મૃત્યુદર વચ્ચે જોડાણ શોધવાનો આ પહેલો અભ્યાસ છે. આ તારણો એ નિવેદનને સમર્થન આપી શકે છે કે ગંભીર હાઈ બ્લડ પ્રેશર ધરાવતા લોકોએ વધુ પડતી કોફી પીવાનું ટાળવું જોઈએ. કારણ કે ગંભીર હાયપરટેન્શન ધરાવતા લોકો કેફીનની અસરો માટે વધુ સંવેદનશીલ હોય છે, તેની હાનિકારક અસરો તેની રક્ષણાત્મક અસરો કરતાં વધી શકે છે અને મૃત્યુનું જોખમ વધી શકે છે."

અગાઉના અભ્યાસોએ સૂચવ્યું છે કે દરરોજની કોફી હાર્ટ એટેકથી બચી ગયેલા લોકોના સ્વાસ્થ્ય માટે ફાયદાકારક હોઈ શકે છે અને તંદુરસ્ત લોકોમાં હાર્ટ એટેક અથવા સ્ટ્રોકને અટકાવી શકે છે. અન્ય અભ્યાસોમાં એવું પણ સૂચવવામાં આવ્યું છે કે નિયમિતપણે કોફી પીવાથી લોકોમાં કેટલીક લાંબી બીમારીઓ થવાનું જોખમ ઘટાડી શકે છે, ડિપ્રેશનનું જોખમ ઓછું કરવામાં મદદ મળી શકે છે અને ભૂખ કંટ્રોલ કરવામાં મદદ મળી શકે છે.

સંશોધકોએ તારણ કાઢ્યું કે હાઈ બ્લડ પ્રેશર ધરાવતા લોકોમાં કોફી અને ગ્રીન ટીના સેવનની અસરો વિશે વધુ જાણવા માટે વધુ અભ્યાસ કરવાની જરૂર છે.