ધૂળેટીનો રંગ મોબાઈલમાં ભરાય જાય તો શું કરવું? આ 3 સરળ ટ્રીકથી કરો સાફ

Holi Colors Hacks: શું ધૂળેટી રમતી વખતે તમારા સ્માર્ટફોનમાં પણ રંગ જતો રહ્યો છે? તો તમે ચિંતા ના કરશો. રંગથી ભરાયેલા તમારા સ્માર્ટફોનને સાફ કરવા માટે તમે કેટલીક સરળ અને સલામત પદ્ધતિઓનો ઉપયોગ કરીને તેને મૂળ સ્થિતિમાં પાછા લાવી શકો છો. આ ટિપ્સની મદદથી તમે કોઈપણ નુકસાન પહોંચાડ્યા વિના તમારા ફોનને ફરીથી ચમકદાર અને નવો બનાવી શકો છો. ચાલો ત્રણ અદ્ભુત રીતો જાણીએ જેનાથી તમારો ફોન પહેલાની જેમ ચમકવા લાગશે.

1. માઇક્રોફાઇબર કાપડનો ઉપયોગ કરો

જો તમારા ફોન પર સુકા ગુલાલ કે રંગ લાગી ગયો હોય તો પહેલા તેને સામાન્ય કપડાને બદલે માઇક્રોફાઇબર કપડાથી સાફ કરો. ભીના કપડાનો સીધો ઉપયોગ કરવાનું ટાળો, ખાસ કરીને જો તમારું ઉપકરણ વોટરપ્રૂફ ન હોય તો ભૂલથી પણ આવું ન કરો. તમે હળવા ભીના વાઇપનો પણ ઉપયોગ કરી શકો છો પરંતુ ફોનના પોર્ટમાં ભેજ ન જાય તેનું ખાસ ધ્યાન રાખવું.

2. સ્ક્રીન ક્લીનરનો ઉપયોગ કરો

જો ડિવાઇસની સ્ક્રીન અથવા પાછળના પેનલ પર ભીનો રંગ લાગ્યો છે, તો 70% કે તેથી વધુ રબિંગ આલ્કોહોલ અથવા સારા સ્ક્રીન ક્લીનરનો ઉપયોગ કરો. કોટન પેડ પર થોડું આલ્કોહોલ લો અને તેને હળવા હાથે સાફ કરો. ફોનના સ્પીકર કે ચાર્જિંગ પોર્ટમાં આલ્કોહોલ ન જાય તેનું ધ્યાન રાખો. નહિંતર તે ઉપકરણને પણ નુકસાન પહોંચાડી શકે છે.

ઉનાળામાં શિલાજીત ખાવાના અદભૂત ફાયદા, જાણો સેવન કરવાની સાચી રીત

3. એર બ્લોઅર અને ટૂથપીકનો ઉપયોગ કરો

જો રંગ ચાર્જિંગ પોર્ટ, સ્પીકર ગ્રીલ અથવા ડિવાઈસના અન્ય કોઈપણ સ્લોટમાં ઘૂસી ગયો હોય, તો કાપડને બળજબરીથી અંદર ઘૂસવાનો પ્રયાસ કરશો નહીં. તેના બદલે એર બ્લોઅર અથવા ડ્રાયરનો ઉપયોગ કરો પરંતુ તેને ઠંડી હવા પર સેટ કરો. આ ઉપરાંત તમે ટૂથપીકની મદદથી પોર્ટને હળવા હાથે સાફ કરી શકો છો, પરંતુ વધારે બળ ન લગાવો. આના કારણે ટૂથપીક ચાર્જિંગ પોર્ટને પણ નુકસાન પહોંચાડી શકે છે.