Budget 2026: કસ્ટમ ડ્યૂટીમાં મોટા ફેરફાર, ન્યુક્લિયર થી MSME સુધી, જાણો બજેટમાં શું સસ્તુ અને મોંઘુ થયું

Budget 2026 Impact : બજેટ 2026-27માં સરકારે કસ્ટમ ડ્યુટીમાં ઘણા મહત્વપૂર્ણ ફેરફારો કર્યા છે. બજેટમાં વ્યૂહાત્મક ઉત્પાદન, સ્વચ્છ ઊર્જા, સંરક્ષણ, આરોગ્ય અને નિકાસને પ્રોત્સાહન આપવા પર ધ્યાન કેન્દ્રિત કરવામાં આવ્યું છે. ઘણા આવશ્યક કાચા માલ અને કેપિટલ ગુડ્સ પરની મૂળભૂત કસ્ટમ ડ્યુટી દૂર કરવામાં આવી છે. તો બીજી બાજુ અમુક ચીજો પર કસ્ટમ ડ્યુટી વધારીને સ્થાનિક ઉદ્યોગોને સુરક્ષા આપવાના પ્રયાસ કરવામાં આવ્યા છે.

સપ્ટેમ્બર 2035 સુધી કસ્ટમ્સ સાથે રજિસ્ટર્ડ તમામ પરમાણુ પ્રોજેક્ટ્સ માટે પરમાણુ ઉત્પાદન ઉપકરણો, એબ્ઝોર્બર રોડ્સ અને પ્રોજેક્ટ ઇમ્પોર્ટ્સ ડ્યુટી ફ્રી બનાવવામાં આવી છે. ઉડ્ડયન ક્ષેત્રમાં, સંરક્ષણ મંત્રાલય હેઠળના પીએસયુ દ્વારા આયાત કરવામાં આવતા એરક્રાફ્ટના પાર્ટ્સ, એન્જિન અને એમઆરઓ ઇનપુટ્સ પરની કસ્ટમ ડ્યુટી પણ દૂર કરવામાં આવી છે.

પરમાણુ અને એવિએશન સેક્ટર માટે મોટી રાહત

બજેટ 2026માં પરમાણુ ઉર્જા પ્રોજેક્ટ્સ માટે લાંબા ગાળાની સ્પષ્ટતા આપવામાં આવી છે. સપ્ટેમ્બર 2035 સુધી કસ્ટમ્સ સાથે નોંધાયેલા તમામ પરમાણુ પ્રોજેક્ટ્સ માટે ન્યુક્લિયર જનરેશન ઇક્વિપમેન્ટ, એબ્ઝોર્બર સળિયા અને પ્રોજેક્ટ આયાત પરની કસ્ટમ ડ્યુટી ઘટાડીને શૂન્ય કરવામાં આવી છે. ઉડ્ડયન ક્ષેત્રમાં, સંરક્ષણ મંત્રાલય હેઠળના પીએસયુ દ્વારા આયાત કરવામાં આવતા એરક્રાફ્ટના ભાગો, એન્જિન અને એમઆરઓ સંબંધિત કાચા માલ પરની ડ્યુટી પણ દૂર કરવામાં આવી છે.

ક્લિન એનર્જી અને સેમિકન્ડક્ટર પર ધ્યાન કેન્દ્રિત

ક્લિન એનર્જીને પ્રોત્સાહન આપવા માટે, સોલર ગ્લાસમાં ઉપયોગમાં લેવાતા સોડિયમ એન્ટિમોનેટ અને લિથિયમ-આયન બેટરી સેલના ઉત્પાદનમાં ઉપયોગમાં લેવાતા કેપિટલ ગુડ્સને ડ્યુટી ફ્રી બનાવવામાં આવ્યા છે. આ ઉપરાંત ક્રિટિકલ મિનરલ મોનાઝાઈટ પરની કસ્ટમ ડ્યુટી પણ નાબૂદ કરવામાં આવી છે. ઇલેક્ટ્રોનિક્સ ક્ષેત્રમાં, માઇક્રોવેવ ઓવન અને વીડિયો ગેમ કન્સોલના ઇનપુટ્સને ડ્યુટીમાંથી મુક્તિ આપવામાં આવી છે, જેનાથી સ્થાનિક મૂલ્યવર્ધનને વેગ મળવાની અપેક્ષા છે. ઉપરાંત દેશમાં સેમિકન્ડક્ટર મિશન હેઠળ દેશમાં સેમિકન્ડક્ટર ચિપ્સના ઉત્પાદનને પ્રોત્સાહન આપવાની ઘોષણા કરવામાં આવી છે. સેમિકન્ડક્ટ મિશન વિશે વધુ જાણવા અહીં ક્લિક કરો.

હેલ્થકેર સેક્ટરને રાહત

બજેટ 2026માં વધુ 17 દવાઓ, દુર્લભ બીમારી સાથે સંબંધિત સાત દવાઓ અને ડાયગ્નોસ્ટિક ઉપકરણોમાં ઉપયોગમાં લેવાતી એક્સ રે ટ્યુબ અને ફ્લેટ પેનલ ડિટેક્ટર પર કસ્ટમ ડ્યુટીમાં ઘટાડો કરવામાં આવ્યો છે.

બજેટ 2026માં કઇ ચીજો મોંઘી થઇ

સરકારે પોટેશિયમ હાઇડ્રોક્સાઇડ પર મૂળભૂત કસ્ટમ ડ્યૂટી શૂન્યથી વધારીને 7.5 ટકા કરી દીધી છે. તે જ સમયે, છત્રીઓ (બગીચાની છત્રી સિવાય) પરની કસ્ટમ ડ્યૂટી વધારીને 20% અથવા 60 રૂપિયા પ્રતિ પીસ (જે વધુ હોય) કરવામાં આવી છે. આ સાથે છત્રના ભાગો અને એસેસરીઝ પરની ડ્યૂટી 11 ટકાથી વધારીને 20 ટકા અથવા 25 રૂપિયા પ્રતિ કિલો કરવામાં આવી છે. કેન્દ્રીય બજેટ 2026માં કઇ ચીજ સસ્તી અને મોંઘી થઇ જાણવા અહીં ક્લિક કરો. 

સેઝ અને નિકાસને ટેકો

SEZ માં સ્થાનિક ઇનપુટ્સથી બનેલા કેસ્ટર ઓઇલ કેકને સ્થાનિક બજારમાં વેચવા પર છુટછાટ અથવા રાહત ડ્યુટી આપવામાં આવશે. સીફૂડ પ્રોસેસિંગ માટે ડ્યુટી ફ્રી ઇનપુટ મર્યાદા 1 ટકાથી વધારીને 3 ટકા કરવામાં આવી છે. ફૂટવેર સેક્ટરમાં શૂ અપરને ડ્યુટી ફ્રી ઇનપુટમાં શામેલ કરવામાં આવ્યા છે. ગાર્મેન્ટ્સ અને ફૂટવેર માટે એડવાન્સ ઓથોરાઇઝેશન સ્કીમ હેઠળ નિકાસ જવાબદારીનો સમયગાળો 6 મહિનાથી વધારીને 12 મહિના કરવામાં આવ્યો છે.

કુરિયર નિકાસ પરની મર્યાદા દૂર

બજેટમાં કુરિયર નિકાસ પર કન્સાઇનમેન્ટ દીઠ 10 લાખ રૂપિયાની મર્યાદા નાબૂદ કરવામાં આવી છે, જેનાથી એમએસએમઇ, કારીગરો અને ઇ કોમર્સ સેલર્સને રાહત મળવાની અપેક્ષા છે.

એકંદરે, બજેટ 2026-27માં, કસ્ટમ્સ ટેરિફ દ્વારા, સરકારે વ્યૂહાત્મક અને નિકાસલક્ષી ક્ષેત્રોમાં ખર્ચ ઘટાડવા અને સ્થાનિક ઉદ્યોગોને પસંદગીયુક્ત સુરક્ષાની નીતિ અપનાવી છે.

ગ્લોબલ ટ્રેડ રિસર્ચ ઇનિશિએટિવ (જીટીઆરઆઈ)ના સ્થાપક અજય શ્રીવાસ્તવે જણાવ્યું હતું કે, "કેન્દ્રીય બજેટ 2026-27 મોટા ટેરિફ ઘટાડાને બદલે વ્યૂહાત્મક ક્ષેત્રો, સ્વચ્છ ઉર્જા, સંરક્ષણ, આરોગ્યસંભાળ અને નિકાસને સસ્તું અને સ્પર્ધાત્મક બનાવવા પર ધ્યાન કેન્દ્રિત કરે છે. સરકારે કેટલાક ગ્રાહક માલ પર પસંદગીયુક્ત સુરક્ષા સાથે સંતુલિત વલણ અપનાવ્યું છે. ”

આ પણ વાંચો | સુરતનો કાપડ ઉદ્યોગ હરણફાળ ભરશે, બજેટ 2026માં ટેક્સટાઇલ ઉદ્યોગ માટે 5 મોટી યોજના

બજેટમાં કુરિયર નિકાસ પર માલ દીઠ 10 લાખ રૂપિયાની મર્યાદા દૂર કરવામાં આવી છે, જેનાથી એમએસએમઇ, કારીગરો અને ઇ-કોમર્સ વિક્રેતાઓને રાહત મળવાની અપેક્ષા છે. એકંદરે, બજેટ 2026-27માં, કસ્ટમ્સ ટેરિફ દ્વારા, સરકારે વ્યૂહાત્મક અને નિકાસ અગ્રણી ક્ષેત્રોના ખર્ચમાં ઘટાડો કરવા અને સ્થાનિક ઉદ્યોગોનું રક્ષણ કરવાની નીતિ અપનાવી છે.